బాల పాఠము – ఆళవన్దారుల శిష్యులు – భాగము 2

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

శ్రీ వైష్ణవం – బాల పాఠము

<< ఆళవన్దారుల శిష్యులు – భాగము 1

తిరుక్కోష్టిఊర్ నంబి, తిరుక్కచ్చి నంబి మరియు మారనేరి నంబి

 tirukkachinambi

పరాశర మరియు వ్యాస ఆండాళ్ నాన్నమ్మ ఇంటికి వస్తారు. వాళ్ళ స్నేహితులైన వేదవల్లి, అత్తుళాయ్ మరియు శ్రీవత్సాంకన్ తో కలిసి వస్తారు.

నాన్నమ్మ నవ్వుతూ : పిల్లలూ రండి. వ్యాస, నిన్ననేను చెప్పినందుకు నీ స్నేహితులందరినీ తీసుకువచ్చి నట్లున్నావు.

వ్యాస: అవును నాన్నమ్మా, నేను నాతో పాటుగా పరాశర, రామానుజులు ఇంకా వారి ఆచార్యుల కథలు శ్రీవత్సాంకన్ కి చెప్పాము. అతను మీ నుండి ఇంకా వినాలని ఈవాళ మాతోపాటు వచ్చాడు.

నాన్నమ్మ:  చాలా బాగుంది. రండి కూర్చోండి. ఈ రోజు సాంప్రదాయంలో చాలా ప్రత్యేక స్థానం కలిగిఉన్న తిరుక్కచ్చి నంబి మరియు తిరుక్కోష్టిఊర్ నంబి గురించి మీకు చెప్తాను.

శ్రీవత్సాంకన్: నాన్నమ్మా, తిరుక్కచ్చి నంబి, శ్రీపెరుంబుదూరు మార్గంలో చెన్నై సమీపంలో ఉన్న పూవిరుంతవల్లి అనే ప్రదేశంలో జన్మించారు. వేసవి సెలవుల్లో  గత సంవత్సరం మేము ఆ ఆలయానికి వెళ్ళాము.

నాన్నమ్మ: అద్భుతం. వారు దేవ పెరుమాళ్ కు తన వింజామర సేవ మరియు నిత్యం పెరుమాళ్ తో వారి సంభాషణలకు బాగా ప్రసిద్దులు. వారు దేవ పెరుమాళ్ కు చాలా ప్రియమైన వారు. రామానుజులు కాంచీపురానికి  వచ్చినప్పుడు, మొట్టమొదటి ఆచార్యులుగా తిరుక్కచ్చి నంబి తన అధీనంలోకి తీసుకొని, రామానుజులకు ఎమ్బెరుమాన్ యొక్క మొదటి కైంకర్యాన్ని ఆశీర్వదిస్తారు.

వ్యాస: రామానుజులు ఏ కైంకర్యాన్ని చేసేవారు, నాన్నమ్మా?

నాన్నమ్మ:  సరైన మార్గదర్శకత్వం కోసం రామానుజుల చేత ప్రార్థించబడినపుడు, తిరుక్కచ్చి నంబి పెరుమాళ్ తిరుమంజనం కోసం సాలైకినారు (దగ్గర లో ఒక బావి) నుండి తీర్థం తీసుకువచ్చే కైంకర్యాన్ని రామానుజులకు అప్పగిస్తారు. తిరుక్కచ్చి నంబి చేత రామానుజులకు ఇవ్వబడిన మొదటి కైంకర్యం ఇది. శాస్త్రంలో వారికున్న జ్ఞానం మరియు ఎమ్బెరుమాన్ పై వారికున్న ప్రేమ అపారమైనది. రామానుజులకు తిరుక్కచ్చి నంబి పట్ల అపారమైన ప్రేమ మరియు గౌరవం అభివృద్ధి అయి, తనను వారు శిష్యుడిగా స్వీకరించి పంచ సంస్కారము చేయమని రామానుజులు ప్రార్థిస్తారు.

పరాశర : కానీ, నాన్నమ్మా, మీరు మధురాంతగంలో పెరియ నంబి రామానుజులకు పంచ సంస్కారము చేసారని చెప్పారు కదా?

నాన్నమ్మ:  అవును పరాశర. ఆ సంఘటన నీవు ఇంకా గుర్తుంచుకున్నందుకు సంతోషంగా ఉంది. తిరుక్కచ్చి నంబి శాస్త్ర పండితులు, అతను శాస్త్రంలో పేర్కొన్న పరిమితుల ఆధారంగా రామానుజులకు పంచ సంస్కారము నిర్వహించడానికి అర్హులు కారని బాగా తెలుసు. వారు రామానుజులకు శాస్త్రం చెప్పగా, వారు కూడ అంగీకరిస్తారు. ఇది రామానుజులకు శాస్త్రధర్మాల పట్ల ఉన్న గౌరవాన్ని వ్యక్తం చేస్తుంది. మన ఆచార్యులు చెప్పినట్లుగా ఏ అనుమానం లేకుండా నిస్సందేహంగా, మన శాస్త్రం స్వయంగా దేవుడి పలుకులు మరియూ ఆయన సంకల్పాలే అని అంగీకరించాలి. తిరుక్కచ్చి నంబి రామానుజులకు మన సాంప్రదాయానికి సంబంధించిన ప్రశ్నలకు, సందేహాలకు మార్గదర్శనం చేసారు. తిరుక్కచ్చి నంబి రామానుజుల సందేహాలకు జవాబుల కోసం దేవపెరుమళ్ తో సంభాషించే సంఘటనల గూర్చి చాలా ఆసక్తికరమైన కథ ఉంది.

వేదవల్లి : నాన్నమ్మా ఆ సందేహాలు ఏమిటి? దేవపెరుమళ్ ఏమి చెప్పేవారు?

నాన్నమ్మ:  ఒకసారి రామానుజుల మనస్సులో కొన్ని సందేహాలు వస్తాయి. తిరుక్కచ్చి నంబి దేవ పెరుమాళ్ తో మాట్లాడతారని వారికి తెలుసు, వారు మళ్లీ నంబి యొక్క మార్గదర్శకత్వం కోరతారు. నంబి ఎమ్బెరుమాన్ వద్దకు వెళ్లి యధావిధిగా తన కైంకర్యం నిర్వహిస్తూ, రామానుజుల విన్నపాన్ని వ్యక్తం చేయుటకు సరైన సమయం కోసం నిరీక్షిస్తుంటారు. దేవపెరుమాళ్ గమనించి నంబి యొక్క సంశయం ఏమిటని ప్రశ్నిస్తారు. రామానుజులకు కొన్ని సందేహాలు ఉన్నాయని, వాటికి జవాబులు కావాలని  నంబి చెప్తారు. నంబికి ఆ సందేహాలు ఏమిటో తెలియదు కాని, అందరికి అంతర్యామిగా ఉన్న దేవపెరుమాళ్, కరుణామయుడయిన ఆ ఎమ్బెరుమాన్ ఇలా అంటారు, “రామానుజులకు చెప్పండి 1) నేను నిస్సందేహంగా సర్వోత్తముడను 2) అన్ని జీవ నిర్జీవ రాసులలో అంతర్యామిగా ఉంటున్నాను కాని వారందరూ నాకు సమానులు కారు, వారు నాకు భిన్నంగా ఉంటారు నాకు అధీనులుగా ఉంటారు. 3) నన్ను ఆశ్రయించడమే, నన్ను చేరడానికి ఏకైక మార్గం. 4) శరణాగతి చేసిన పిదప, నిస్సందేహంగా వారి అంతిమ సమయమున వారిని స్మరించి వారి యోగక్షేమాలు నేను వహించెదను 5) నా భక్తులు ఈ ప్రపంచాన్ని విడిచిపెట్టిన తరువాత, నా నివాసమైన  శ్రీ వైకుంటంలో శాశ్వతముగా వారికి కైంకర్యాన్ని ఇస్తాను మరియు చివరిగా 6) పెరియ నంబిని రామానుజులు ఆచార్యులుగా స్వీకరించాలి.  రామానుజుల యొక్క సందేహాలు ఏమిటి అని దేవపెరుమాళ్ అడగలేదు, నంబికి కూడా ఆ సందేహాలు ఏమిటో తెలియదు. ఈ సమాధానాలతో నంబి తిరిగి రామానుజుల దగ్గరకు వెళ్లినప్పుడు, రామానుజుల యొక్క ఆనందానికి  పరిమితం లేదు. దేవపెరుమాళ్ యొక్క దయ అలా ఉండేది. రామానుజులకు సందేహాలు కాని ఏ రకమైన భయం కాని ఉన్నప్పుడు వారు నిత్యం తోడు ఉండేవారు. ఇప్పుడు పంచ సంస్కారము కోసం రామానుజులు పెరియ నంబిని ఆశ్రయించాలన్న మాట స్పష్టమైనది, అతను తిరుక్కచ్చి నంబి యొక్క ఆశీర్వాదాలను తీసుకొని, పెరియ నంబిని  కలుసుకోవడానికి శ్రీరంగానికి బయలుదేరుతారు. తరువాత మిగిలిన కథ మనందరికీ తెలుసు, కదూ పిల్లలూ?

వ్యాస: అవును నాన్నమ్మా, మాకు గుర్తుంది.

నాన్నమ్మ:  శ్రీవైష్ణవ లక్షణాల్లో ఒక ముఖ్యమైనది వినయం, దీనిని తరచూ నైచ్య భావంగా పిలుస్తారు, మన సాంప్రదాయంలో ఇతర శ్రీవైష్ణవుల సమక్షంలో అర్పణ భావానుభావం ఉండాలి. పెరియ నంబి వినయానికి సజీవ ఉదాహరణ మరియు వారికి ఆ భావం హృదయములో నుండి నిజాయితీగా వచ్చినది  కాని కేవలం నోటి నుండి వచ్చినది కాదు. పెరియ నంబి ఇతర శ్రీవైష్ణవులను ఎల్లప్పుడు చాలా గౌరవప్రదంగా ఆదరించేవారు. చాలా ఆసక్తికరమైన సంఘటన ఒకటి ఈ విషయాన్ని నిరూపిస్తుంది. ఒకసారి మారనేరి నంబి అనే ఒక  గొప్ప ఆచార్యులు ఉండేవారు, వారు పెరియ నంబి లాగానే ఆళవందార్ల  శిష్యులు. మారనేరి నంబి వారి చివరి కర్మలు ఒక శ్రీవైష్ణవుడి చేత చేయించుకోవాలని కోరి, ఆ కార్యాన్ని పెరియ నంబిని చూసుకోమని అప్పగిస్తారు. పెరియ నంబి సంతోషంగా అంగీకరిస్తారు, కాని పెరియ నంబి తక్కువ కులంలో ఉన్న వ్యక్తికి  చివరి కర్మలను నిర్వహించి తద్వారా శాస్త్ర విరుద్ధంగా వెళ్ళారని  గ్రామంలో స్థానిక ప్రజల కోపాన్ని ఎదుర్కోవలసి వస్తుంది. అడిగినప్పుడు, పెరియ నంబి వారు కేవలం నమ్మాళ్వార్ భోదించినట్టు భాగవత కైంకర్యమే గొప్పదని, పవిత్రమైనదని, అదే వారు అనుసరిస్తున్నారని చెప్తారు. భాగవతులను వారి జన్మ లేదా కుల భేదం లేకుండా  గౌరవించాలని చెప్తారు. నైచ్య భావ సిద్ధాంతమును పెరియా నంబి ఆచరణలో పెట్టారు. అందరు శ్రీ వైష్ణవులు భగవంతునికి  ప్రియమైనవారు, వారిని ఆదరించి గౌరవించాలని వారు నమ్మేవారు. ఎమ్బెరుమాన్ యొక్క నిజమైన భక్తుడు తన చివరి క్షణాలను ఎప్పుడు, ఎలా గడిపినా, తిరుక్కచ్చి నంబికి దేవపెరుమళ్ హామీ ఇచ్చినట్టుగా, ఎమ్బెరుమాన్ వారికి శాశ్వత బ్రహ్మానందమైన శ్రీ వైకుంటంలో కైంకర్యాన్ని ప్రసాదిస్తారు. వారు జీవితమంతా వారి ఆచార్యులైన ఆళవందార్, మరియు నమ్మాళ్వార్ యొక్క బోధనలను ఆచరిస్తూ గడిపారు. పిల్లలూ ఈవాలిటికి ఇంక చాలా లేదా మీరు తిరుక్కోష్టివూర్ నంబి గురించి కూడా వింటారా?

 

azhwar-acharyas-ramanuja

 

వేదవల్లి: వారి గురించి కూడా మీకు కథలు తెలుసా నాన్నమ్మా?

నాన్నమ్మ: అవును, చాలా!

అత్తులాయ్:  అయితే మీరు తిరుక్కోష్టిఊర్ నంబి గురించి కూడా మాకు చెప్పండి.

నాన్నమ్మ:  తిరుక్కోష్టిఊర్ నంబి కూడా ఆళవందార్ ప్రముఖ శిష్యులలో ఒకరు, తిరుమంత్రం మరియు చరమ శ్లోకం యొక్క అర్థాలను నేర్పించే బాధ్యత వీరికి అప్పగించబడింది. మీకు తెలుసా అవి ఏమిటో?

వ్యాస: ‘ఓం నమో నారాయణాయ’ దీనిని తిరుమంత్రం అని పిలుస్తారు.

శ్రీవత్సాంకన్:  ‘సర్వ ధర్మాన్ పరిత్యజ్య మామేకం శరణం వ్రజ; అహం త్వా సర్వ పాపేభ్యో మోక్ష ఇష్యామి మాశుచః’ దీనిని చరమ శ్లోకం అంటారు.

నాన్నమ్మ:  చాలా బాగుంది. ఈ మూడు శ్లోకాలు చాలా నిగూఢమైన మరియు లోతైన అర్ధాలు కలిగి ఉన్నాయి, ప్రతివారు తమ ఆచార్యుల నుండి పూర్ణముగా వీటిని నేర్చుకోవాలి.

వేదవల్లి: కానీ నాన్నమ్మా, మాకు చాలామట్టుకు ఈ శ్లోకాల అర్థం తెలుసు.

నాన్నమ్మ:  అవును, మనలో చాలామందికి ఈ శ్లోకాల యొక్క సాధారణ అర్థం కొంతవరకు తెలుసు కానీ మన సాంప్రదాయం ప్రకారం వీటిలో ప్రతి ఒక్కటి చాలా లోతైన సారం కలిగున్నాయి, అవి ఆచార్యుల యొక్క ఆశీర్వాదము మరియు మార్గదర్శకత్వం లేకుండా పూర్తిగా తెలిసుకునే సామర్థ్యాన్ని మించినవి. అందువల్ల ఈ శ్లోకాల అర్ధాలను రామానుజులకు నేర్పించే ముఖ్యమైన కార్యం తిరుక్కోష్టిఊర్ నంబికి ఇవ్వబడింది.

అత్తులాయ్: నాన్నమ్మా! ఈ విషయంలో రామానుజులు  తిరుక్కోష్టిఊర్ నంబి దగ్గరికి 18 సార్లు ప్రయాణం చేయవలసి వచ్చిందని నేను విన్నాను. ఇది నిజమా? ఎందుకు అతను అలా ఇబ్బందిపడాల్సి  వచ్చింది?

నాన్నమ్మ:  అవును, ఇది నిజం. ఇది మన సాంప్రదాయం గురించి నేర్చుకోవడంలో రామానుజుల యొక్క ప్రమేయం మరియు నిజాయితీని పరీక్షించడానికి తిరుక్కోష్టిఊర్ నాంబి ఉపయోగించిన ఒక మార్గంగా పరిగణించవచ్చు మరియు ఇది రామానుజుల యొక్క పట్టుదల మరియు సహనానికి ప్రమాణంగా కూడా పరిగణించవచ్చు. మనము ఇబ్బందులు వచ్చినపుడు ఎదుర్కోవాలి, సహనం కోల్పోకూడదు. ఎన్నిసార్లు రామానుజులు  ప్రయాణించవలసి వచ్చింది చూడండి. 18 సార్లు! వారు స్థిరత్వంతో చివరకు,  18 వ సారి తిరుక్కోష్టిఊర్ నంబి చరమ శ్లోకార్థాన్ని బోధిస్తారు.

వ్యాస: నాన్నమ్మా, తిరుక్కోష్టిఊర్ నంబి చాలా కఠినమైన ఆచార్యులుగా ఉన్నట్టున్నారు. వారు  రామానుజులపై కొంత జాలి చూపించాల్సింది.

నాన్నమ్మ:  అందరూ ఈ సంఘటన గురించి తెలుసుకున్న తరువాత ఇలాగే దురభిప్రాయ పడతారు. కానీ ఇది నిజం కాదు. వారు ఎల్లప్పుడూ మనస్సులో రామానుజుల యొక్క యోగక్షేమాలు కోరేవారు మరియు వారు ఒక తండ్రి లాగా బహిరంగంగా కొడుకుతో కఠినంగా అనిపించినా కాని కుమారుని సంక్షేమం కోసం ఎలాంటి త్యాగమైనా చేయగలడు. గుర్తుందా, నిన్న తిరుమాలై ఆండాన్  గురించి మాట్లాడినప్పుడు, నేను ఆండాన్ మరియు రామానుజుల మధ్య కొన్ని అభిప్రాయాల భేదాలు ఉండేవని చెప్పాను? అప్పుడు  తిరుక్కోష్టిఊర్ నంబి రామానుజుల కోసం మధ్యవర్తి అయి స్నేహ పూర్వకంగా వారి  వివాదాన్ని పరిష్కరిస్తారు. వాస్తవానికి, ఇతర శ్రీ వైష్ణవలపట్ల రామానుజుల యొక్క నిస్వార్ధ ప్రేమ తిరుక్కోష్టిఊర్ నంబిని ఎంతో ఆకట్టు కుంటుంది, వారు ఎమ్బెరుమానార్ అనే బిరుదాన్ని (ఎమ్బెరుమాన్ కంటే ఉన్నతమైన వాడు అని అర్థం) రామానుజులకు ప్రసాదిస్తారు. ఈ విధంగా ఆ అందమైన పేరు “ఎమ్బెరుమానార్” అని రామానుజులకు వచ్చింది. శ్రీరంగంలో కొంతమంది దుష్టులు రామానుజులకు విషాన్ని ఇస్తారు, తిరుక్కోష్టిఊర్ నంబి సమయానికి వచ్చి, రామానుజులకు ఆహారాన్ని తయారుచేయుటకు  కిడాంబి ఆచాన్ని నియుక్తి చేస్తారు. తిరుక్కోష్టిఊర్ నాంబి ఎల్లప్పుడూ రామానుజుల యొక్క యోగక్షేమాలు ప్రేమపూర్వకంగా ఒక తండ్రి వలె చూసుకునే వారు. అతని గొప్పతనాన్ని, సమృద్ధ జ్ఞానాన్ని, వారి ఆచార్యులు ఆళవందార్ పట్ల అతని భక్తిని చూపుటకు ఎన్నో కథలు ఉన్నాయి. నేను మీకు ఆ కథలను చెప్పాలని ఎంతో ఇష్టంగా ఉంది, తప్పకుండా మీకూ వినాలని ఉంది అనుకుంటున్నాను. కాని, మీకాలస్యం అవుతుంది మీ తల్లిదండ్రులు భయపడతారు? ఇప్పుడు మీరు ఈ పండ్లను తీసుకొని ఇంటికి వెళ్లండి. మరో సారి, మన ఆచార్యుల గురించి ఇంకా కథలను మీకు చెప్తాను.

పిల్లలు పండ్లు పంచుకుంటూ తిరుక్కచ్చి నంబి, పెరియ నంబి మరియు తిరుక్కోష్టిఊర్ నంబి గురించి ఆలోచించుకుంటూ ఇంటికి వెళతారు.

మూలము : http://pillai.koyil.org/index.php/2016/08/beginners-guide-alavandhars-sishyas-2/

పొందుపరిచిన స్థానము http://pillai.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

Leave a Reply

Your email address will not be published. Required fields are marked *