Author Archives: Sridevi

బాల పాఠము – కులశేఖర ఆళ్వార్

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

శ్రీ వైష్ణవం – బాల పాఠము

<< నమ్మాళ్వార్ మరియు మధురకవి ఆళ్వార్

వ్యాస మరియు పరాశరులు ఆండాళ్ నాన్నమ్మ వద్దకు వెళ్లి ఆళ్వారుల కథలను కొనసాగించమని అడుగుతారు.

ఆండాళ్ నాన్నమ్మ: వ్యాస మరియు పరాశర! ఈవాళ నేను ఆళ్వారు అయిన ఒక రాజు గురించి చెబుతాను.

kulasekarazhwar

వ్యాస: వారు ఎవరు నాన్నమ్మ? వారి పేరు ఏమిటి? వారి విశేషమైన లక్షణాలు ఏమిటి?

ఆండాళ్ నాన్నమ్మ: వారి పేరు కులశేఖర ఆళ్వారు. వారు మాఘమాసములో పునర్వసు నక్షత్రంలో కేరళలోని తిరువంజిక్కలంలో పుట్టారు. వారు క్షత్రియ కులములో పుట్టారు.

పరాశర: క్షత్రియ అంటే ఏంటి నాన్నమ్మ?

ఆండాళ్ నాన్నమ్మ:  సాధారణంగా క్షత్రియులు అంటే అధికారులు, రాజులు , చక్రవర్తుల లాగా. వాళ్లు రాజ్యాన్ని పరిపాలిస్తారు, పౌరులకు రక్షణ ఇస్తారు, మొదలగునవి.

వ్యాస: ఓ! మన రంగారాజుని లాగా, శ్రీరంగం నుండి వారు మనందరిని పాలించి మరియు రక్షణ ఇచ్చు నట్టుగా.

ఆండాళ్ నాన్నమ్మ: అవును. మన పెరుమాళ్ అందరి రాజు. కాని ప్రతి రాజ్యం ఒక రాజుచే పరిపాలించ బడును. ఈ రాజులు  స్తానిక ప్రజలచే గొప్పగా గౌరవించబడతారు. ఇక ఇతిహాసానికి వద్దాము. క్షత్రియ కులములో పుట్టడం వలన, వారిని వారు యేలేవారిగా, పూర్ణ స్వతంత్రులుగా భావించేవారు. కాని, శ్రీమన్నారాయణుని అనుగ్రహముతో, వారు పెరుమాళ్ కు  పరతంత్రులని  తెలుసుకున్నారు మరియు పెరుమాళ్ ప్రతిష్ఠతలను వినుట యందు రుచి అభివృద్ధి చెంది, భాగావతుల యందు కూడా చాలా జాగ్రత్త భక్తి భావములు కనబరిచేవాడు.

పరాశర: నాన్నమ్మ, భాగవతులని ఆదరించడంలో మనం మధురకవి ఆళ్వార్ లాగా ఉండాలని మీరు చెప్పారు నాకు గుర్తు ఉంది. వారు వీరి లాగా ఉండేవారా నాన్నమ్మ?

ఆండాళ్ నాన్నమ్మ: చాలా బావుంది పరాశర. అవును, కులశేఖర ఆళ్వారుకు శ్రీరామాయణం అంటే గొప్ప అనురాగం విశ్వాసం ఉండేది. చూడండి, మన సాంప్రదాయములో “శ్రీరాము” ని ప్రేమతో “పెరుమాళ్” అని పిలుస్తారు. కులశేఖర ఆళ్వారులకు శ్రీరాముని యందు మరియు శ్రీరామాయణం యందు గల అనురాగ విశ్వాసముల వలన, వారు స్వయముగా “కులశేఖర పెరుమాళ్” గా పిలువబడ్డారు. వారు శ్రీరామాయణాన్ని పండితుల నుండి ప్రతి రోజు విని ఆ సంఘటనలో మునిగిపోయేవారు. ఒకసారి,  శ్రీరాముడుని 14000 రాక్షసులు దాడి చేసారు అని విని, కంగారు పడి వారి సేనను వెళ్లి శ్రీరామునికి సాయం చేయమని ఆదేశము ఇచ్చారు. శ్రీరాముడు ఆ రాక్షసులను ఒకే చేతితో ఓడించారని అక్కడి భాగవతులు వారికి చెప్పి ఓదార్చేవారు.

వ్యాస: వారు నిండా పెరుమాళ్ గురించి వినడంలో నిమగ్నంగా ఉంటే రాజ్యాన్ని ఎలా పాలించే వారు నాన్నమ్మ?

ఆండాళ్ నాన్నమ్మ: అవును. అది చాలా మంచి ప్రశ్న. వారు రాజ్యములో ఎక్కువ దృష్టి పెట్టలేకపోయారు. వారి మంత్రులు పెరుమాళ్ భక్తులు భాగవతులు యందు అనురాగాన్ని తొలగించాలని ఆలోచించారు. రాజభాండాగారంలోని మందిరములోని పెరుమాళ్ హారము ఒకటి దొంగిలించి అది భాగవతులు దొంగిలించారని వారికి చెప్పారు. వారు మంత్రులు చెప్పిన మాటలు నమ్మలేదు. పురాణ ఆచారము ప్రకారము  తమ మాటలు నిజమని నిరూపించుకోవటానికి పాము ఉన్న కుండలో చెయ్యి పెట్టాలి. ఆ పని చేయటానికి ఆ వ్యక్తి చాలా సాహసవంతుడై తన మాటపై నమ్మకము ఉన్నవారై ఉండాలి. కులశేఖర పెరుమాళ్ పాము ఉన్న కుండను తీసుకొని రమ్మన్నారు,  ధైర్యముగా తన చెయ్యి లోపల పెట్టి భాగవతులు నిర్దోశులని చాటారు.

పరాశర: అది చాలా బావుంది నాన్నమ్మ.

ఆండాళ్ నాన్నమ్మ: అవును, ఇంకా, శ్రీరాముడు ఎలాగైతే పెరియ పెరుమాళ్ పై గొప్ప అనురాగము ఉండేదో అలాగే కులశేఖర ఆళ్వారుకు కూడా పెరియ పెరుమాళ్ మరియు శ్రీరంగం అంటే గొప్ప అనురాగము ఉండేది.

వ్యాస: శ్రీరామునికి మరియు పెరియ పెరుమాళ్లకు సంబంధం ఏమిటి నాన్నమ్మ?

ఆండాళ్ నాన్నమ్మ: అయోధ్యలో శ్రీరామునికి తిరువారాధన పెరుమాళ్ గా పెరియ పెరుమాళ్ ఉండేవారు. తిరువారాధన పెరుమాళ్ అంటే మనము ఇంట్లో ఆరాధించే పెరుమాళ్. అయితే శ్రీరాముడు వారి రాజభవనములో పెరియ పెరుమాళ్లను ఆరాధించే వారు. కాని వారి పెరుమాళ్లను ప్రియ భక్తుడైన విభిషనునికి బహుమతిగా ఇచ్చారు. విభీషణుడు పెరియ పెరుమాళ్ల ను లంకకు తీసుకోని వెళ్లుతుండగా, వారు సంధ్యావందనం చేయుటకు శ్రీరంగంలో ఆగారు. సంధ్యా వందనము తరువాత, వారు లంకకు యాత్ర కొనసాగిస్తామనుకున్నారు,  పెరియ పెరుమాళ్ విభిషనునితో తనకు ఈ ప్రదేశము చాలా నచ్చినదని మరియు వారు ఇక్కడే ఉండి లంకా వైపు దక్షిణ దిక్కుగా ముఖము చేసి ఉంటానని అన్నారు. విభీషణుడు పెరియ పెరుమాళ్ల యొక్క మాటను అంగీకరించి వారిని వదిలి లంకకు వెళ్ళారు. అట్లా, పెరియ పెరుమాళ్ శ్రీరంగానికి వేంచేశారు మరియు అలాగే ఇప్పటికి ఇక్కడే ఉండిపోయారు.

పరాశర: ఓ! వినటానికి చాలా బాగుంది నాన్నమ్మ. పెరుమాళ్( శ్రీరాముడు) మరియు పెరియ పెరుమాళ్ల మధ్య ఈ సంబంధం ముందు మాకు తెలియదు.

ఆండాళ్ నాన్నమ్మ: అయితే, కులశేఖర ఆళ్వారుకు కూడా పెరియ పెరుమాళ్ అన్నా శ్రీరంగం అన్నా గొప్ప అనురాగము ఉండేది. వారు ప్రతి రోజు వారి రాజ్యము నుండి శ్రీరంగానికి వచ్చేవారు మరియు తిరిగి వెళ్ళేవారు కాదు. వారు రాజ్యం పరిపాలించాలని వారి మంత్రులు వారికి ఏదో ఒక కారణం చెప్పేవారు .  చివరికి, వారు రాజ్యాన్ని వదిలి శ్రీరంగానికి చేరుకుంటారు. వారు పెరుమాళ్ ప్రశంసలో పెరుమాళ్ తిరుమొళి పాడి కొంత కాలం శ్రీరంగంలో ఉన్నారు. ఆఖరున, ఈ ప్రపంచాన్ని వదిలి శాశ్వతంగా సేవ చేయటానికి పరమపదాన్ని చేరుకుంటారు.

వ్యాస: నాన్నమ్మ, ఎంత ఎక్కువ ఆళ్వారుల గురించి వింటే అంత ఎక్కువ పెరుమాళ్ గురించి తెలుసుకుంటాం ఎందుకంటే వారి జీవిత దృష్ఠి మొత్తం పెరుమాళ్ పైనే ఉండేది.

ఆండాళ్ నాన్నమ్మ: అవును. మనం కూడా మన జీవిత దృష్ఠిని పెరుమాళ్ మరియు వారి భక్తుల వైపు ఉంచాలి. ఇప్పుడు మనము కులశేఖర ఆళ్వారు సన్నిధికి వెళ్లి వారిని దర్శించుకుందాం.

వ్యాస మరియు పరాశర: సరే నాన్నమ్మ. ఇప్పుడు వెళ్దాం పదండి.

అడియేన్ శ్రీదేవి రామానుజ దాసి

మూలము: http://pillai.koyil.org/index.php/2014/11/beginners-guide-kulasekarazhwar/

పొందుపరిచిన స్థానము http://pillai.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

 

బాల పాఠము – నమ్మాళ్వార్ మరియు మధురకవి ఆళ్వార్

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

శ్రీ వైష్ణవం – బాల పాఠము

<< తిరుమళిశై ఆళ్వార్

వ్యాస మరియు పరాశరులకు ఆళ్వారుల జీవనం వివరించే ప్రక్రియలో ఉన్నారు ఆండాళ్ నాన్నమ్మ.

వ్యాస: మనము ముదలాళ్వారులు మరియు తిరుమళిశై ఆళ్వారుల గురించి విన్నాము. తరువాత ఎవరు నాన్నమ్మ?

ఆండాళ్ నాన్నమ్మ: ఆళ్వారులలో ప్రముఖముగా పరింగణించబడు వారు నమ్మాళ్వార్, వారి గురించి చెబుతాను. వారి ప్రియ శిష్యుడు అయిన మధురకవి ఆళ్వారు గురించి కూడా కొంచం చెబుతాను.

nammazhwar-madhurakavi

నమ్మాళ్వార్ – ఆళ్వార్ తిరునగరి, మధురకవి ఆల్వార్ – తిరుక్కోలూర్

పరాశర: సరే నాన్నమ్మ. వారి గురించి వినాలని చాలా ఆసక్తిగా ఉంది

ఆండాళ్ నాన్నమ్మ: తమిళంలో నమ్మాళ్వార్ అంటే “మన ఆళ్వారు” అని అర్థం. పెరుమాళ్ స్వయంగా వారికి ఈ నామాన్ని ప్రసాదించారు.  నమ్మాళ్వారు ఆళ్వార్ తిరునగారిలో వైశాఖ మాసంలో  విశాఖా నక్షత్రంలో పుట్టారు. ఆ ప్రాంతం రాజు/అధికారుడు అయిన కారి మరియు వారి భార్య ఉదయనంగై దంపతులకు పుట్టారు. కారి మరియు ఉదయనంగై లకు చాలా కాలంగా సంతానం లేదు. వారు ఇరువురు తిరుక్కురుంగుడి నంబి ని సంతానం కొరకు ప్రార్థించారు. నంబి వారే స్వయంగా పుత్రుడిగా  జన్మిస్తానని ఆశీర్వదిస్తారు. కారి మరియు ఉడైయనంగై ఆళ్వార్ తిరునగరికి తిరిగి వస్తారు. అతి తక్కువ సమయములోనే ఉడైయనంగై ఒక అందమైన శిశువునకు జన్మనిస్తుంది. వీరిని పెరుమాళ్ అంశంగా మరియు కొన్ని సార్లు విష్వక్సేనుడి అంశంగా పరిగణిస్తారు.

వ్యాస: ఓ! చాలా బావుంది. అయితే, వారు స్వయంగా పెరుమాళ్లా?

ఆండాళ్ నాన్నమ్మ: వారి కీర్తిని చూస్తే తప్పకుండా చెప్పవచ్చు. కాని మన ఆచార్యుల వివరణ ప్రకారం, వారు స్వయంగా జీవాత్మలలో ఒకరుగా, అనాదిగా ఈ ప్రపంచములో అల్లాడుచు ఉన్నారని మరియు శ్రీమన్నారాయణుడు అనంతమైన దయతో దివ్యంగా కటాక్షించారాని స్వయంగా చాటారు. అయితే, వారిని పెరుమాళ్ విశేషంగా ఆశీర్వదించారు అని ఆంగీకరించవచ్చు.

పరాశర: అవును నాన్నమ్మ,  ప్రారంభంలో మీరు చెప్తుండగా నాకు గుర్తుంది, పెరుమాళ్ కొంతమంది విశేషమైన వ్యక్తులను విశేషంగా పరిపూర్ణ  జ్ఞానాన్ని కటాక్షించారని, వారినే ఆళ్వారులుగా చేసారని, అలా తీర్చిదిద్దిన వారై మన లాంటి ఎంతోమందిని పెరుమాళ్ దగ్గరకు చేరుస్తారని చెప్పారు.

ఆండాళ్ నాన్నమ్మ:  అక్షరాలా నిజం పరాశర. అద్భుతం, మీ ఇద్దరికీ ఈ ముఖ్యమైన విషయాలు ఎంత చక్కగా గుర్తున్నాయి. ఇప్పుడు నమ్మాళ్వార్ పుట్టిన తరువాత, వారు మామూలి పిల్లవాడి లాగా పుట్టినా, వారు ఏమీ తినలేదు, యేడవలేదు, ఏమీ చేయలేదు. మొదటిలో వారి తల్లి తండ్రులు భయపడ్డారు. పుట్టిన పన్నెండవ రోజున వారు ఆదినాథ పెరుమాళ్ గుడికి  వచ్చి ఆ శిశువును పెరుమాళ్ ముందు ఉంచారు. వేరే శిశువుల పోలికలో విశేషమైన గుణాలు ఉన్న ఈ శిశువుకు మాఱన్ ( భిన్నంగా ఉన్న వారు)అని నామకరణం చేసారు. వారి అసమానమైన లక్షణం చూసి,  వారి తల్లి తండ్రులు వారిని దివ్య వ్యక్తిగా భావించి వారిని గుడికి దక్షిణంగా ఉన్న ఒక దివ్యమైన చింతచెట్టు క్రింద ఉంచి భక్తితో పూజించారు.  అప్పటి నుండి వారు 16 సంవత్సరాలు ఒక్క మాట మాట్లాడకుండా ఆ చింతచెట్టు క్రింద ఉన్నారు.

వ్యాస’: అయితే, ఆ సమయమంతా ఏమి చేసారు? వారు ఆఖరికి మాట్లాడారా?

ఆండాళ్ నాన్నమ్మ: శ్రీ మన్నారాయణుని అనుగ్రహముతో జన్మించిన వారైనందున , వారు ఎల్లప్పుడూ అగాధమైన ధ్యానంలో ఉండేవారు. ఆఖరున, మధురకవి ఆళ్వారుల రాక వారిని మాట్లాడించింది.

పరాశర: మధురకవి ఆళ్వార్ ఎవరు? వారు ఏంచేశారు?

ఆండాళ్ నాన్నమ్మ: మధురకవి ఆళ్వార్ తిరుక్కోళూర్లో చైత్ర మాసంలో చిత్రా నక్షత్రంలో పుట్టారు. వారు ఒక అద్భుతమైన మేధావి మరియు శ్రీ మన్నారాయణుని భక్తులు. వయస్సులో వారు నమ్మాళ్వార్ కంటే చాలా పెద్దవారు. వారు తీర్థయాత్రకై అయోధ్యకు  వెళ్ళారు. అప్పటికే వారు మాఱన్ జీవతం గురించి విన్నారు. ఒకానొక సమయంలో దక్షిణ దిశగా ఒక జ్యోతి ప్రకాశించడం వారు గమనించి ఆ దిశగా వారు పయనిస్తారు. ఆ జ్యోతి వారిని ఆఖరున ఆళ్వార్ తిరునగరి గుడిలో మాఱన్ ఉన్నదగ్గరకు చేరుస్తుంది.

వ్యాస: నమ్మాళ్వార్, మధురకవి ఆళ్వారుతో మాట్లాడారా?

ఆండాళ్ నాన్నమ్మ: అవును, వారు మాట్లాడారు. మధురకవి ఆళ్వారు వారిని ఒక దివ్యమైన సంభాషణలోకి  నిమగ్నం చేస్తారు. ఆఖరున వారు మాట్లాడతారు. వారి మహిమలను అర్థంచేసుకొని మరు క్షణం వారి శిష్యులయ్యి నేర్చుకోవలసిన సారమైన మూల సూత్రాలను వారి వద్ద నేర్చుకుంటారు. వారు నమ్మాళ్వారుకు శేష జీవితమంతా  సేవ చేశారు.

పరాశర: ఓ!, చాలా బాగుంది. అయితే, సత్యమైన జ్ఞానం నేర్చుకోవాలంటే వయస్సుతో సంబంధం లేదు. ఇక్కడ, మధురకవి ఆళ్వారు వయస్సులో నమ్మాళ్వార్ కంటే పెద్దవారైనా, వారు ఈ సూత్రాలు నమ్మాళ్వార్ వద్ద నేర్చుకున్నారు.

ఆండల్ నాన్నమ్మ: చాలా బాగా గమనించావు పరాశర. అవును, నేర్చుకోవటానికి వినయ విధేయతలు ఉంటేచాలు, ఆ వ్యక్తి వయస్సులో చిన్నవాడైనను సరే. అది శ్రీవైష్ణవులకు ఉండవలసిన  నిజమైన లక్షణం అని ఇక్కడ చేసి నిరూపించారు మధురకవి ఆళ్వారు. కొన్ని సంవత్సరాల తరువాత, 32 వ యేడు, నమ్మాళ్వార్ పెరుమాళ్ యొక్క విరహవేదన  భరించలేక పరమపదాన్ని అధీష్ఠించాలని నిర్ణయించుకుంటారు. పెరుమాళ్ యొక్క కీర్తి ప్రఖ్యాతులను వారి నాలుగు ప్రబంధాలు – తిరువిరుత్తం, తిరువాయ్మొళి, తిరువారిశిరియం మరియు పెరియ తిరువందాది లో కీర్తించి  పెరుమాళ్ అనుగ్రహముతో పరమపదాన్ని అదిష్ఠించి పెరుమాళ్ యొక్క శాశ్వత కైంకర్యంలో నిమగ్నమై ఉండిపోయారు.

వ్యాస: పరమపదానికి వెళ్ళటానికి అది చాలా అల్పవయస్సు కదా నాన్నమ్మ.

ఆడాల్ నాన్నమ్మ: అవును. కాని వారు శాశ్వతమైన బ్రహ్మానందాన్ని పొందాలనుకున్నారు. పెరుమాళ్ కూడా వారు అక్కడ ఉండాలనుకున్నారు. కనుక, వారు ఈ ప్రపంచాన్ని విడిచి అక్కడికి చేరుకున్నారు. మధురకవి ఆళ్వారు, మరిగించిన నదీ జలంలో నుంచి  పొందిన  నమ్మాళ్వారి ఆర్చా విగ్రహాన్ని ఈ దివ్య దేశంలో స్థాపించారు,  తగిన పూజా విధులను ఏర్పాటు చేశారు. వీరు నమ్మాళ్వారి కీర్తిని ప్రశంసిస్తూ  రచించిన ప్రబంధము “కణ్ణినుణ్ శిరుత్తాంబు”. వారు నమ్మాళ్వార్ గొప్పతనాన్ని అంతటా వ్యాపించి స్థిరపరచారు.

పరాశర: అయితే, మధురకవి ఆళ్వారు కారణంగా నమ్మాళ్వారి గొప్పతనము మనము గ్రహించ గలుగుతున్నాము.

ఆండాళ్ నాన్నమ్మ: అవును, వారు నమ్మాళ్వార్ కు పరిపూర్ణ అంకితులు. నమ్మాళ్వార్ పై వారి ఆ అంకిత  భావం వల్లనే స్వయంగా పెరుమాళ్లచే ప్రశంసించబడ్డారు. భాగవతుల ప్రశంస భగవాన్ ప్రశంస కంటే గొప్పదిగా భావిస్తారు. ఎప్పుడు సాధ్యమైతే అప్పుడు మనము కూడా భాగవతుల  సేవ చేయవలెను.

వ్యాస మరియు పరాశర: తప్పకుండా నాన్నమ్మ. మేము ఈ విషయము గుర్తుపెట్టుకొని ఆ అవకాశము కొరకు ఎదురు చూస్తాము.

ఆండాళ్ నాన్నమ్మ: దీనితో మనము నమ్మాళ్వార్ మరియు మధురకవి ఆళ్వార్ జీవితం చూసాము. పదండి  నమ్మాళ్వార్ సన్నిధికి వెళ్లి వారిని సేవిద్దాము.

అడియేన్ శ్రీదేవి రామానుజ దాసి

మూలము: http://pillai.koyil.org/index.php/2014/11/beginners-guide-nammazhwar-and-madhurakavi-azhwar/

పొందుపరిచిన స్థానము http://pillai.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

 

బాల పాఠము – తిరుమళిశై ఆళ్వార్

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

శ్రీ వైష్ణవం – బాల పాఠము

<< ముదల్ ఆళ్వారులు – భాగము -2

 

thirumazhisaiazhwar

 

వ్యాస మరియు పరాశర ను తిరువేళ్లరై గుడికి తీసుకోని వెళ్ళింది ఆండాళ్ నాన్నమ్మ. శ్రీరంగం రాజగోపురం బయట వారు బస్సెక్కారు.

పరాశర: మనం బస్సులో ఉన్నపుడు, మీరు నాలుగవ ఆళ్వారు గురించి చెబుతారా?

ఆండాళ్ నాన్నమ్మ:  తప్పకుండా , పరాశర.  మీరు యాత్ర సమయంలో  ఆళ్వారుల గురించి చర్చిన్చాలనుకుంటున్నారని తెలిసి నాకు చాలా సంతోషంగా ఉంది,

పరాశర మరియు వ్యాస అవ్వని చూచి చిరుమందహాసంతో నవ్వారు. శ్రీరంగం నుండి బస్సు మొదలైయింది.

ఆండాళ్ నాన్నమ్మ: నాలుగవ ఆళ్వారు తిరుమళిశై ఆళ్వారు, భక్తిసార అని అందరు ఇష్టంగా పిలిచేవారు. వారు చెన్నై దగ్గర తిరుమళిశై గ్రామంలో భార్గవ ముని, కనకాంగి దంపతులకు మాఘ మాసంలో మఘానక్షత్రం లో  జన్మించారు. ఈ ఆళ్వారు అందరి కన్నా దీర్ఘకాలం జీవించారు. వారు “4700 సంవత్సరాలు” జీవించారు.

పరాశర అండ్ వ్యాసులు అవ్వరపోయి “4700 సంవత్సరాలా?!!” అని అడిగారు.

ఆండాళ్ నాన్నమ్మ: అవును, వీరు పెయాళ్వారును కలుసుకునేటప్పటికి వివిధ తత్వ శాస్త్రాల  అధ్యయనం చేసారు.

వ్యాస: ఒహో! తరువాత ఏమి అయ్యింది?

ఆండాళ్ నాన్నమ్మ: తిరుమళిశై ఆళ్వారుకు పెరుమాళ్ గురించి హితభోద చేసి శ్రీవైష్ణవంలోకి తీసుకొని వచ్చారు పెయాళ్వారు.

బస్సు ఛత్రం బస్సుస్టాండ్ కు చేరుకుంది.

ఆండాళ్ నాన్నమ్మ: అంతర్యామి గురించి తెలుసుకోవాలని ప్రత్యేక శ్రద్ధ ఉండేది, మన లోపల ఉన్న భగవానుడు మరియు కుంభకోణం ఆరవముదన్ పెరుమాళ్లకు మిక్కిలి అంకిత భావంతో ఉండేవారు. అది ఎంత వరకు చేరిందనగా పెరుమాళ్, ఆళ్వారు వారి వారి పేర్లు మార్చుకున్నారు. పెరుమాళ్ ఆరవముద ఆళ్వారు గా మరియు ఆళ్వారు తిరుమాళిశైపిరాణ్ గా ప్రసిద్ధ మైనారు.

పరాశర: ఒహో, నాన్నమ్మ. వారు పెరుమాళ్లకు చాలా సన్నిహితులుగా ఉన్నట్టున్నారు.

ఆండాళ్ నాన్నమ్మ: అవును, వారు ఉండేవారు. ఒకసారి ఒక ఊర్లో వారు పయనిస్తున్నారు, ఆ ఊరి గుడికి వెళ్లారు. వారంటే పెరుమాళ్లకు ఎంత ప్రీతి , ఆళ్వారు ఎటువైపు వెళ్ళితే పెరుమాళ్ల అటువైపు తిరగసాగారు. అలాగే, ఆరావముదన్ ఎమ్పెరుమాన్ ఎంతో ప్రీతితో వినమ్రంగా ఆళ్వారు మాట విని శయనించినవారు లేచేవారు.

పరాశర మరియు వ్యాసులు ఇద్దరు ఆశ్చర్యపోయి అడిగారు ” తరువాత ఏమి అయ్యింది అవ్వ?”

ఆండాళ్ నాన్నమ్మ: ఆళ్వారు ఆశ్చర్యపోయి పెరుమాళ్లని మరళా శంయనించామని విన్నపించారు. పెరుమాళ్ కంగారు పడ్డారు. వారు ఇప్పడికి సగం శయనించిన స్థితిలో ఉన్నారు.

వ్యాస: ఓ! చాలా బావుంది అవ్వ. ఒక రోజు మనం ఈ పెరుమాళ్లను దర్శించాలి.

ఆండాళ్ నాన్నమ్మ: తప్పకుండా,  మనం వెళ్లదాం ఎప్పుడైనా అక్కడికి. ఆళ్వారు చాలా కాలం అక్కడ ఉన్నారు. వారు రచించిన 2 ప్రబంధములు – తిరుచ్ఛంద విరుత్తం మరియు నాన్ముగన్ తిరువందాది, తప్ప అన్నిరచనలు కావేరి నదిలో పారవేస్తారు. చిట్టచివర వారు పరమపదాన్ని అదిష్ఠించి ఎమ్బెరుమాన్ రుని సేవలో శాశ్వతంగా ఉండిపోయారు.

తిరువేళ్లరై చేరుకుంది బస్సు. వారు గుడిలోనికి వెళ్లి పెరుమాళ్ మరియు తాయార్ ని దర్శించుకున్నారు.

అడియేన్ శ్రీదేవి రామానుజ దాసి

మూలము: http://pillai.koyil.org/index.php/2014/11/beginners-guide-thirumazhisai-azhwar/

పొందుపరిచిన స్థానము http://pillai.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

 

బాల పాఠము – ముదల్ ఆళ్వారులు – భాగము 2

Published by:

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

శ్రీ వైష్ణవం – బాల పాఠము

<< ముదల్ ఆళ్వారులు – భాగము 1

ఆండాళ్ నాన్నమ్మ, వ్యాస మరియు పరాశరులు ముదల్ ఆళ్వారుల సన్నిధి లోనుంచి బయటకు వచ్చారు.

పరాశర: ముదల్ ఆళ్వారుల దర్శనం చేసుకొని మంచిగా అనిపించింది. ఈ ముగ్గురు ఆళ్వారులు ఎప్పుడూ ఒకే దగ్గర ఉంటారా నాన్నమ్మ?

mudhalAzhwargaL-thirukkovalur-with-perumAL

తిరుక్కోవలూర్ – తిరుక్కోవలూర్ ఎంపెరుమాన్ తో ముదల్ ఆళ్వారులు

ఆండాళ్ నాన్నమ్మ: మంచి ప్రశ్న. వారు ముగ్గురు ఒకే దగ్గర ఉండడానికి ఒక కారణం ఉంది. వివరిస్తాను. ఒక  రోజు, పెరుమాళ్ యొక్క దివ్య సంకల్పం చేత, వారు తిరుక్కోవలూర్ కు ఒకరి తరువాత ఒకరు వచ్చారు. భయంకరమైన తుఫాను. కుండపోత వర్షం పడుతోంది. తిరుక్కోవలూరులో మృకండు అనే ఒక ఋషి ఆశ్రమం ఉండేది. ఆ ఆశ్రమం ఎదురుగా చిన్న ఆకుల పందిరి. మొట్టమొదట పొయిగై ఆళ్వార్ అక్కడకు వచ్చి వర్షం నుండి రక్షణ కోసం ఆ పందిరి కింద ఆశ్రయం తీసుకున్నాడు. వారు కొంచం నడుం వాల్చి విశ్రాంతి తీసుకున్నారు.

పరాశర: ఒంటరిగానా? భయం వేయదా వారికి?

ఆండాళ్ నాన్నమ్మ:  లేదు పరాశరా! వారు ఎప్పుడూ పెరుమాళ్ల చింతనలో ఉంటారు, భయం ఉండదు. ఆ సమయం లో, భూదత్త ఆళ్వార్ అక్కడికి వచ్చి పందిరి లోనికి వస్తానని విన్నపిస్తారు. పొయిగై ఆళ్వారు ఇలా అంటారు ” ఇక్కడ స్థలం మితంగా ఉంది. ఒక్క మనిషి పడుకోవచ్చు కాని ఇద్దరు మనుషులు కూర్చోవచ్చు. దయచేసి లోపలికి రండి. భూదత్త ఆళ్వార్ లోనికి సంతోషముగా వచ్చి ఇద్దరు ఒకరి ప్రక్కన ఒకరు కూర్చున్నారు. తరువాత, పేయాళ్వారులు వర్షంలో రక్షణ కోసం పరుగు పరుగున అక్కడకు వచ్చి లోనికి ప్రవేశించుటకు అనుమతి కోరెను. పొయిగై ఆళ్వారు అప్పుడు ఇలా అన్నారు “ఇక్కడ స్థలం మితంగా ఉంది. ఒక్క మనిషి పడుకోవచ్చు, ఇద్దరు మనుషులు కూర్చోవచ్చు  మరియు ముగ్గురు మనుషులు నిలబడవచ్చు. దయచేసి లోపలికి రండి, మనందరమూ నిలబడవచ్చు.పేయాళ్వారులులోనికి సంతోషముగా వచ్చారు, వారు అందరు చలికి వణుకుతూ నిలుచున్నారు.  వారు ఒకరితో ఒకరు మాట్లాడ సాగారు, వారు సమ ఆసక్తులు తెలుసుకోని ,వారు పెరుమాళ్ యొక్క నామాలు, రూప గుణాలు గురించి చర్చించ సాగారు.

వ్యాస: ఒహో! చాలా బాగుంది. నిజంగా దివ్యం. కాని అవ్వ, అక్కడ పెరుమాళ్ కూడా ఉండి ఉంటే చాలా బాగుండేది, ఎలాగైతే పెరియ పెరుమాళ్ ఇక్కడ ఉన్నారు మనలని చూడటానికి.

ఆండాళ్ నాన్నమ్మ: ఉండండి. ఆ సంఘటన ఇంతటితో ముగిసిపోలేదు. నీవు తరువాత క్రమాన్ని బానే అంచనా వేసావు. ఈ క్రమంలో ఇంకా దైవత్వం రాబోతోంది. తన ప్రియమైన భాగవతుల సభ చూసి ఇప్పుడు పెరుమాళ్ కూడా సభలో పాలుపంచు కోవాలనుకున్నారు. వారు లోనికి ప్రవేశించి వారి మధ్యలో ఇరుక్కునారు. ఆ చీకటి లో హఠాత్తుగా ఇరుకు, ముగ్గురు ఆళ్వారులు ఇక్కడ ఏమి జరుగుతున్నది ఎవరు వచ్చారు మనకి తెలియకుండా అని ఆశ్చర్యపోయారు. అప్పుడు, మొదట పొయిగై ఆళ్వారు పాడటం మొదలుపెట్టారు “వైయం తగలియ” – ప్రపంచమునే ఒక దీపంగా ఊహించు కుంటున్నాను అని. ఆ దీపాలతో ఆ ప్రదేశామంతా వెలిగిపోయింది,పేయాళ్వారుకు మొట్టమొదట శ్రీ మహాలక్ష్మితో శ్రీమన్నారాయణుని దివ్యమంగళ స్వరూపం ఆ పందిరి కింద వారి మధ్యలో చూస్తారు. వారు పాడసాగరు “తిరుక్కండెన్…” ( నేను శ్రీమహాలక్ష్మి దేవి తో శ్రీమన్నారాయణని దివ్య/ సౌందర్య స్వర్ణమయ రూపం, వారి దివ్య శంఖు చక్రాలతో దర్శించుకున్నాను). వారు ముగ్గురు ఆళ్వారులు, పెరుమాళ్ మరియు తాయార్ దివ్యస్వరూపాన్ని దర్శించుకొని ఆనందించారు.

పరాశర: ఇది చాలా అద్భుతంగా ఉంది. వారు ఎంత ఆనందించి ఉంటారో.

ఆండాళ్ నాన్నమ్మ: అవును – వారు చాలా ఆనంద పడ్డారు. పెరుమాళ్ మరియు తాయారు కూడా చాలా సంతోష పడ్డారు. ఈ అద్భుతమైన సంఘటన తరువాత, వారు ఎన్నో మందిరాలలో అర్చావతార ఎంబెరుమాన్ లను కలిసి దర్శించుకొన్నారు. తరువాత జీవితాన్ని కలసి జీవించారు. తరువాత వారు  చివరకు పరమపదాన్ని అధిష్ఠించి ఎల్లప్పుడూ పెరుమాళ్ సేవలో  ఉండిపోయారు.

వ్యాస మరియు పరాశర: ఈ సంఘటన వినడానికి చాలా అద్భుతంగా ఉంది. ఇప్పుడు మిగిలిన ఆళ్వారుల జీవితం గురించి విందామా?

ఆండాళ్ నాన్నమ్మ: దానికోసం మీరు ఇంకొక సమయం కోసం ఎదురు చూడాలి.  ఇప్పుడు మీరు సరదాగా బయట ఆడుకునే సమయం. ఇప్పుడు నేను పెరుమాళ్లకు ఆహారం తయారు చేస్తాను, అది మనం రాత్రికి తినవచ్చు.

వ్యాస మరియు పరాశర: సరే నాన్నమ్మ. మేము మరలా రేపు వచ్చి మీతో ఇంకా వింటాం.

అడియేన్ శ్రీదేవి రామానుజ దాసి

మూలము : http://pillai.koyil.org/index.php/2014/11/beginners-guide-mudhalazhwargal-part-2/

పొందుపరిచిన స్థానము http://pillai.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

బాల పాఠము – ముదల్ ఆళ్వారులు – భాగము 1

Published by:

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

శ్రీ వైష్ణవం – బాల పాఠము

<<  ఆళ్వారుల పరిచయం

ఆండాళ్ నాన్నమ్మ, వ్యాస మరియు పరాశరుల ను శ్రీ రంగం లోని ముదలాళ్వారుల సన్నిధికి తీసుకుని వెళ్లి వారి కీర్తి ప్రఖ్యా తులను వివరిద్దామని ప్రణాళిక వేయుచున్నారు.

పొయిగై ఆళ్వార్

 

Created with Nokia Smart Cam

భూదత్తాళ్వారు

 

peyazhwar-mylai

పెయాళ్వార్

ఆండాళ్ నాన్నమ్మ: వ్యాస మరియు పరాశర! ఇవాళ మనం గుడిలోని ముదలాళ్వారుల సన్నిధికి వెళ్దాం.

వ్యాస మరియు పరాశర: ఘనంగా ఉంది నాన్నమ్మ. వెళ్దాం పదండి.

ఆండాళ్ నాన్నమ్మ: సన్నిధికి నడుచుకుంటూ వెళ్లుతూ వారి గురించి కొంచం చెబుతాను. ముదల్ అంటే మొదలు. మనకు ఆళ్వార్ అంటే భక్తిలో మునిగిన వారని అర్థం తెలుసు కదా.ఆ 12 మంది ఆళ్వార్లు లో మొదటి వారు వీరు.

వ్యాస: ముదలాళ్వారులు అని బహువచనం ఎందుకు నాన్నమ్మ? ఒక్కరి కంటే ఎక్కువ “మొదలు” ఆళ్వార్ ఉన్నారా?

ఆండాళ్ నాన్నమ్మ: హ! హ! మంచి ప్రశ్న . అవును, ఆళ్వార్లులో మొదటి 3 ఆళ్వారులను జంట గా ఉదాహరిస్తారు.

పరాశర: ఎందుకు నాన్నమ్మ? వీరు కూడా పంచ పాండవులలాగా ఎప్పుడూ కలిసి ఉండేవారా?

ఆండాళ్ నాన్నమ్మ: చాలా మంచి ఉదాహరణ పరాశర. అవును – మొదలు 3 ఆళ్వారులు వేరు వేరు ప్రదేశాలలో పుట్టినప్పటికిని, ఒక దైవిక సంఘటన ద్వారా వారు తిరుక్కోవలూర్ దివ్యదేశము నందు కలుసుకొని శ్రీమన్నారాయణు ని ఆరాధించిరి. ఆ సంఘటన తరువాత వారి ముగ్గురిని కలిపి ఉదహరిస్తారు.

వ్యాస: ఆ దివ్యమైన సంఘటన ఏమిటి నాన్నమ్మ? నాకు తెలుసుకోవాలని ఆసక్తిగా ఉంది.

ఆండాళ్ నాన్నమ్మ: తప్పకుండా, ఆ సంఘటన చెబుతాను. కాని దానికి ముందు, ఈ ముగ్గురు ఆళ్వారుల గురించి కొంచం తెలుసుకుందాము. మొదటి ఆళ్వార్ పొయిగై ఆళ్వార్ కు – సారో యోగి అని పేరు. రెండవ ఆళ్వారుకు భూదత్తాళ్వారు – భూత యోగి అని పేరు. మూడవ ఆళ్వారుకు పెయాళ్వార్ – మహాతాహ్వాయ అని పేరు.

పరాశర: వీరు ఎప్పుడు, ఎక్కడ పుట్టారు నాన్నమ్మా?

ఆండాళ్ నాన్నమ్మ: వారు ముగ్గురు మునుపటి యుగం – ద్వాపర యుగం ( కృష్ణావతారం జరిగిన యుగం) లో పుట్టారు. వీరు ముగ్గురూ పుష్పాలలో నుంచి ప్రకటించారు. పొయిగై ఆళ్వార్ ఆశ్వీయుజ మాసం శ్రవణ నక్షత్రం లో కాంచీపురం లోని తిరువెహ్ క్క దివ్య దేశం నందు ఒక మడుగులో పుట్టారు. భూదత్తాళ్వారు ఆశ్వీయుజ మాసం ధనిష్ఠ నక్షత్రంలో తిరుక్కడల్మల్లై నందు ఒక మడుగులో పుట్టారు. ఇప్పుడు ఈ దివ్య దేశము పేరు మహాబలిపురంగా మనకు తెలుసు. పెయాళ్వార్ ఆశ్వీయుజ మాసం శతభీషమ్ నక్షత్రం లో తిరుమయిలై లోని ఒక బావిలో పుట్టారు – ఇప్పుడు ఈ దివ్య దేశం పేరు మైలాపూర్ గా మనకు తెలుసు.

వ్యాస: ఒహో! వీరు పుష్పాలలో నుంచి పుట్టారు. అయితే, వీరికి అమ్మ మరియు నాన్నలేరూ?

ఆండాళ్ నాన్నమ్మ: అవును, వీరు భగవానుని ఆశీర్వాదముతో పుట్టారు, వారు పెరుమాళ్ మరియు తాయారులనే అమ్మా నాన్నలుగా భావిస్తారు

పరాశర: ఓ! ఇది తెలుసుకోవడం చాలా అద్భుతంగా ఉంది. అయితే, వారు ఎలా కలుసుకున్నారు. ఆ అద్భుతమైన సంఘటన ఏమిటి?

ఆండాళ్ నాన్నమ్మ: వేరు వేరు దివ్య దేశములలో భగవానుని సేవించడమే వారి జీవితం . అనగా కేవలం గుడికి వెళ్ళటం, పెరుమాళ్ల ని సేవించడం, కొంత కాలం అక్కడ ఉండి మరొక దివ్య దేశమునకు తరలి వెళ్లడం.

వ్యాస: అదేదో చాలా అద్భుతంగా ఉంది – దేని గురించి చింత పడవలసిన అవసరం లేదు. అలా మనం కూడా ఉంటే బావుండు నాన్నమ్మ.

ఆండాళ్ నాన్నమ్మ: అవును. చూడండి మనం ముదలాళ్వారుల సన్నిధికి వచ్చేసాము. లోపలికి వెళ్లి దర్శనం చేసుకుందాం. తిరిగి వెళ్ళేటప్పుడు వారి మిగితా జీవిత చరిత్ర గురించి చెప్పుకుందాం.

అడియేన్ శ్రీదేవి రామానుజ దాసి

మూలము: http://pillai.koyil.org/index.php/2014/11/beginners-guide-mudhalazhwargal-part-1/

పొందుపరిచిన స్థానము http://pillai.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం – http://pillai.koyil.org

 

బాల పాఠము – ఆళ్వారుల పరిచయం

Published by:

శ్రీః  శ్రీమతే శఠకోపాయ నమః  శ్రీమతే రామానుజాయ నమః  శ్రీమత్ వరవరమునయే నమః

శ్రీ వైష్ణవం – బాల పాఠము

<<  శ్రీమన్నారాయణుడి దివ్యమైన కృప

ఆండాళ్ నాన్నమ్మ: వ్యాస మరియు పరాశరా ! నేను కాట్టళగియ సింగ పెరుమాళ్ సన్నిధికి వెళ్లుతున్నాను. (నరసింహ పెరుమాళ్ క్షేత్రం). మీరు నాతో వస్తారా?

వ్యాస: సరే నాన్నమ్మ, వస్తాము. కిందటి సారి మీరు అళ్వారులు గురించి చెప్పారు. ఇప్పుడు అళ్వారులు గురించి మరి కొన్ని విషయాలు చెబుతారా?

ఆండాళ్ నాన్నమ్మ: అడిగి మంచి పని చేసావు. ఇప్పుడు మీ ఇద్దరికీ వారి గురించి చెబుతాను.

వారు ముగ్గురు కాట్టళగియసింగ పెరుమాళ్ సన్నిధి వైపు నడవ సాగరు.

ఆండాళ్ నాన్నమ్మ: మొత్తం 12 ఆళ్వారులు ఉన్నారు. వారు మొత్తం 4000 పాశురాలు (పాటలు) పాడారు. వారి పాశురాల సంగ్రహాన్ని ‘నాలాయిర దివ్య ప్రబంధం’ అంటారు. నిజానికి నిన్న నేను చదివిన అమలనాదిపిరాన్ కూడా దివ్య ప్రబంధం సంగ్రహణ లోని ఒక భాగమే.

పరాశర: ఓ! ఈ 12 అళ్వారులు ఎవరు?

12 అళ్వారులు

ఆండాళ్ నాన్నమ్మ: పొయిగై ఆళ్వార్ , భూదత్త ఆళ్వార్ , పెయాళ్వార్, తిరుమళిశై ఆళ్వార్, మధురకవి ఆళ్వార్, నమ్మాళ్వార్, కులశేఖర ఆళ్వార్, పెరియాళ్వార్, ఆండాళ్, తొందరడిప్పొడి ఆళ్వార్, తిరుప్పాణ్ ఆళ్వార్, తిరుమంగై ఆళ్వార్. వీరు 12 ఆళ్వారులు.

వ్యాస: బావుంది నాన్నమ్మ. అయితే పెరుమాళ్ యొక్క గొప్ప అనుగ్రహం వీరిపైన ఉన్నదా?

ఆండాళ్ నాన్నమ్మ: అవును వ్యాస. భగవానుడు వారికి సంపూర్ణ ఆశీర్వాదము ప్రసాదించిరి. లోక కళ్యాణార్థం భగవాన్ కృపను పాశురముల రూపంలో వేల సంవత్సరాల క్రితం పంచి పెట్టారు. ఈ పాశురముల ద్వారా మనము భగవానుని అర్థం చేసుకొని వారి కళ్యాణ గుణములను ఆనందించుచున్నాము.

పరాశర: అవునా ! నాన్నమ్మ, మనం వేదం మాధ్యమంగా భగవానుని అర్థం చేసుకుంటాం అని అనుకున్నాను.

ఆండాళ్ నాన్నమ్మ: అవును. ఖచ్చితంగా. కాని, వేదం చాలా విశాలమైనది. ఎన్నో క్లిష్టమైన విషయాలు సంస్కృతంలో వివరించ బడ్డాయి వేదంలో. వేదాధ్యయనం లేకుండా అర్థం చేసుకోవడం కష్టం. కాని, ఆళ్వారులు వేదసారాన్ని ఈ 4000 పాశురాలలో సరళమైన తమిళ భాషలో రచించారు. నీకు తెలుసు, పెరుమాళ్ ని కీర్తించడమే వేద సారం. పైగా, ఆళ్వారులకు స్వయంగా భగవానుని కృపా కటాక్షం తో పొందిన జ్ఞానం ఇది. ఇది చాలా ముఖ్యమైన విషయం.

వ్యాస: అవును, మాకు ఇప్పుడు అర్థం అయ్యింది. అళ్వారులు పెరుమాళ్ వర్ణన చాలా సరళంగా సూటిగా వివరించారు. ఇప్పుడు మీరు ఈ విషయాలను మాకు సరళంగా వివరిస్తున్నట్టు.

అండాళ్ నాన్నమ్మ: చాలా బావుంది వ్యాస. ఇది మంచి ఉదాహరణం. ఇప్పుడు, నీకు గుర్తుందా, గతంలో చర్చించాము పెరుమాళ్ 5 విభిన్న స్వరూపాల్లో ఉంటారని – పరమపదం లో, వ్యూహం లో, అవతార రూపం లో, అంతర్యామి గా మరియు అర్చారూపం లో అని. విభిన్న ఆళ్వారులు పెరుమాళ్ విభిన్న రూపాల యందు అనురాగం ఉండేది.

పరాశర: ఓ – మనకు ఎట్లాగైతే శ్రీ రంగంనాథుడు అంటే ఇష్టమో, అట్లాగే అళ్వారులకు కూడా వారి వారికి ఇష్టమైన పెరుమాళ్ ఉండేవారా?

ఆండాళ్ నాన్నమ్మ: అవును. ముదల్ అళ్వారులకు ( మొదలు ౩ ఆళ్వారులు – పొయిగై ఆళ్వార్, భూదత్త ఆళ్వార్ , పెయాళ్వార్) భగవానుని పరత్వ గుణము యందు అనురాగం ఎక్కువగా ఉండేది – పరమపదంలో ఉన్నట్టుగా. తిరుమళిశై ఆళ్వారుకు అందరి హృదయాలలో నివసించి అంతర్యామిగా ఉన్నపెరుమాళ్ యందు మిక్కిలి అనురాగం ఉండెను,. నమ్మాళ్వార్, పెరియాళ్వార్ మరియు ఆండాళ్ కృష్ణుడి యందు అమితమైన భక్తి యుండెను. కులశేఖర ఆళ్వార్ రాముని యందు, తొండరడిప్పొడి ఆళ్వార్ మరియు తిరుప్పాణ్ ఆళ్వారులు శ్రీ రంగనాథుని యందు, తిరుమంగై ఆళ్వార్ అర్చావతార పెరుమాళ్ల యందు మిక్కిలి ప్రేమ, అనురాగాలు ఉండేవి.

వ్యాస మరియు పరాశర: నాన్నమ్మ, మీరు మధురకవి ఆళ్వార్ ను వదిలేసారు.

ఆండాళ్ నాన్నమ్మ: బాగా  పరిషీలించారు. మధురకవి ఆళ్వార్ కు నమ్మాళ్వార్ అందే మిక్కిలి అనురాగము ఉండేది.

పెరుమాళ్ కోసం పువ్వులు కొనటకు అంగడి దగ్గర ఆగేను ఆండాళ్ నాన్నమ్మ.

పరాశర: నాన్నమ్మ, ఒక్కో ఆళ్వారు గురించి వివరంగా చెబుతారా?

ఆండాళ్ నాన్నమ్మ: తప్పకుండా. కాని ఇప్పుడు గుడి దగ్గరకు వచ్చేసాము. లోని కి వెళ్లి పెరుమాళ్లుని దర్శించి సేవించు కుందాం. మరో సారి , ప్రతి ఆళ్వారు గురించి వివరిస్తాను.

వ్యాస మరియు పరాశర: సరే నాన్నమ్మ, లోపలికి వెళ్లదాం. నరసింహా పెరుమళ్ దర్శనం కోసం ఇంకా ఎదురు చూడలేక ఉన్నాము మనము.

అడియేన్ శ్రీదేవి రామానుజ దాసి

మూలము : http://pillai.koyil.org/index.php/2014/10/beginners-guide-introduction-to-azhwars/

పొందుపరిచిన స్థానము http://pillai.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం – http://pillai.koyil.org