Author Archives: tejashree

బాల పాఠము – శ్రీమన్నారాయణుడి దివ్యమైన కృప

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

శ్రీ వైష్ణవం – బాల పాఠము

<< బాల పాఠము – శ్రీమన్నారాయణుడి దివ్యమైన అర్చారూపములు మరియు గుణములు

ఒక మనోహరమైన ఆదివారం ప్రొద్దున్నే ఆండాళ్ నాన్నమ్మ అమలనాదిపిరాన్ చదువుతుండగా వ్యాస మరియు పరాశర వింటారు.

పరాశర: నాన్నమ్మ, మీరు ఏమి చదువుతున్నారు? మీరు ప్రతిరోజు ప్రొద్దున్నే చదువుతుండగా మేము వింటున్నాము.

ఆండాళ్ నాన్నమ్మ: పరాశర, దీన్ని అమలనాదిపిరాన్ అంటారు. 12 ఆళ్వారులలో ఒకరైన తిరుప్పాణ్ ఆళ్వారు రచించారు.

 

periyaperumal-thiruppanazhwar

శ్రీరంగనాథుడు – తిరుప్పాణ్ ఆళ్వారు

 

వ్యాస: ఆళ్వారులు ఎవరు? అమలనాదిపిరాన్ అంటే ఏమిటి? వారి గురించి ఇంకా తెలుసుకోవాలని ఉంది నాన్నమ్మ, మీరు మాకు చెబుతారా?

ఆండాళ్ నాన్నమ్మ: నేను తప్పకుండ మీకు ఆళ్వారులు, వారి రచనల గురించి చెప్పగలను, కాని దానికి ముందు, మీరు శ్రీరంగనాథుని గురించి ఇంకొంచం ఎక్కువ తెలుసుకోవాలి.

వ్యాస: అది ఏమిటి, అవ్వా?

ఆండాళ్ నాన్నమ్మ: వారి కృపను గురించి తెలుసుకోవాలి.

పరాశర: దయచేసి చెప్పండి నాన్నమ్మ.

ఆండాళ్ నాన్నమ్మ:  నేను చెప్పాబోయేది మీరు గ్రహించటం కొంచం కష్టం. కాబట్టి, జాగ్రత్తగా వినండి, సరేనా?

పరాశర మరియు వ్యాస: సరే నాన్నమ్మ.

ఆండాళ్ నాన్నమ్మ: మనం ఇప్పటికే మునుపటి చర్చలలో చూసాము శ్రీమన్నారాయణుడు పరమపదము నుంచి శ్రీరాముడిగా, కృష్ణడిగా  మరియు ఎన్నో అర్చావతార ఎంపెరుమానులు శ్రీరంగనాథునిగా  దిగివచ్చారు. వారు అంతర్యామిగా ప్రతి ఒక్కరిలో ఉన్నారు.

పరాశర మరియు వ్యాస ఇప్పుడు ఆండాళ్ నాన్నమ్మ యొక్క ప్రతి పదముపైన ప్రత్యేక దృష్టి పెడుతున్నారు.

ఆండాళ్ నాన్నమ్మ: మునిపటి చర్చలలో మీకు గుర్తుందా వారు ఎందుకు ఇన్ని రూపాలలో ప్రత్యక్షమైనారో?

పరాశర మరియు వ్యాస: ఓ అవును నాన్నమ్మ! మనందరం అంటే వారికి చాలా ఇష్టం. అందుకోసం మనతో ఉండటానికి  వారు క్రిందకి వస్తారు.

ఆండాళ్ నాన్నమ్మ: అద్భుతం! నువ్వు మూల సూత్రాలను చాలా బాగా అర్థంచేసుకున్నావు. వారు క్రిందకి మనతో ఉండటానికి మాత్రమే కాదు, వారు క్రమేణా మనందరినీ పరమపదానికి తీసుకోని వెళ్లాలని వారి కోరిక.

పరాశర: ఎందుకు నాన్నమ్మ? ఆ స్థలానికి అంత ప్రత్యేకత ఎందుకు? శ్రీరంగం కంటే బావుంటుందా?

paramapadhanathan

పరమపదంలో(శ్రీవైకుంఠం లో) పరమపదనాథుడు

ఆండాళ్ నాన్నమ్మ: హ! హా! నిస్సందేహంగా, శ్రీరంగం  చాలా బావుంది. కాని పరమపదం వారి నిత్య స్థానం, అక్కడ నిర్మలమైన ఆనందం మరియు వారకి ఎడతెగకుండా సేవ చేసుకోవటానికి అవకాశాలు సమృద్ధిగా ఉంటాయి. ఇక్కడ చూడండి, మనము గుడికి వెళ్తాము, ఉత్సవాలలో పాల్గొంటాము, కాని ఒక సమయానికి మనము ఇంటికి రావాలి మరియు ఇతర పనులు చేసుకోవాలి. కాని పరమపదంలో ఇలాంటి భంగాలు ఉండవు – అది నిరంతర ఆనందం.

వ్యాస: ఓ! అట్లాగే నాకు ఇష్టం – స్థిరమైన ఆనందం.

ఆండాళ్ నాన్నమ్మ: పైగా, ఇక్కడ, మన శరీర సామర్ద్యం మితమైనది – మనము అలసిపోతాము, కొన్నిసార్లు జలుబు చేస్తుంది, జ్వరం వస్తుంది… కాని పరమపదంలో, ఈ ఇబ్బందులు ఏవీ లేకుండా దివ్యమైన శరీరం దొరుకుతుంది. మనము శాశ్వతముగా కైన్కర్యంలో నిమగ్నమై ఉండికూడా ఏ అలసట, అనారోగ్యం అనుభవించము.

పరాశర: ఓ! ఇది ఇంకా మంచిది. అయితే, వారు మనలని పరమపదానికి తీసుకుని వెళ్ళటానికి ఏం చేస్తారు?

ఆండాళ్ నాన్నమ్మ: అద్భుతమైన ప్రశ్న. వారు వారి అమితమైన కరుణతో ఎన్నో చేస్తారు. కరుణ అంటే ఎదుటి వారికీ దయతో సహాయం చేయటం. వారు స్వయంగా దిగి శ్రీరామ, కృష్ణ, రంగనాథ, శ్రీనివాస, మొదలగు లాగా వచ్చారు. కాని వారు ఇంకా మనలోని చాలా మందిని తీసుకుని వెళ్ళలేకపోయారు, ఎందు కంటే చాలామంది మనుష్యులు వారిని స్పష్టంగా అర్థంచేసుకొని సర్వశ్రేష్ఠునిగా అంగీకరించలేదు.

వ్యాస: వారు ముందే ఉండగా ఎందుకు మనుష్యులు వారిని అర్థం చేసుకోవట్లేదు?

ఆండాళ్ నాన్నమ్మ: ఎందుకంటే వారు చాలా పెద్దవారు, కాబట్టి ఈర్ష్యతో కొంతమంది జనాలు, వారి శ్రేష్ఠుత్వానికి భయపడి కొందరు వారి దరికి రావట్లేదు. 

పరాశర: ఓ అలాగా. ఇది ఆళ్వారుల జననానికి దారితీస్తుంది అని ఊహిస్తున్నాను.

ఆండాళ్ నాన్నమ్మ: తెలివైన వాడవు. అవును, పెరుమాళ్ కు ఒక ఆలోచన వచ్చింది. మీకు తెలుసా వేటగాళ్ళు జింకలను ఎలా పట్టుకుంటారో? చాలా కష్టంగా ఒక జింకను పట్టుకుంటారు. తరువాత ఆ జింకకు ఇతర జింకలను ఎలా ఆకర్షించాలో శిక్షణ ఇస్తారు. ఎప్పుడైతే ఈ జింకకు ఇతర జింకలు ఆకర్షితులవుతారో, వేటగాడు వెంటనే అన్నిటిననీ పట్టుకుంటాడు.

వ్యాస: అవును నాన్నమ్మ.  ఇదే కుయుక్తితో ఏనుగులను కూడా పట్టుకుంటారు అని విన్నాను.

ఆండాళ్ నాన్నమ్మ: అవును. అలాగే, పెరుమాళ్ వారి నిష్కారణమైన కరుణతో  ప్రతి ఒక్కరికి సహాయం చేయుటకు, కొంత మంది జనాలను ఎంపిక చేసుకొని వారికి తనఎడల నిండు భక్తిని నిండు జ్ఞానాన్ని మరియు మిగిలిన వన్నీ ప్రసాదిస్తారు. ఇలాంటి వ్యక్తులు పెరుమాళ్ భక్తిలో మునిగిఉండే వారిని ఆళ్వారులు అంటారు.

పరాశర: ఓ! అయితే, ఆళ్వారుల ద్వారా చాలా మంది భక్తులై వారిని చేరుకుంటారు. ఓ! ఇది పెరుమాళ్ యొక్క గొప్ప పద్ధతి.

Azhwars

ఆండాళ్ నాన్నమ్మ: అవును, ఇది వారి గొప్ప కరుణ. గుర్తుపెట్టుకోండి, ఎవరూ వారి సొంత ప్రయత్నంతో ఆళ్వారులుగా మారారు. భగవాన్ కటాక్షంతో మాత్రమే, వారు ఆళ్వారులుగా మారతారు. ఎందుకంటే సొంత ప్రయత్నముతో పెరుమాళ్ వైపు కొంతవరకు భక్తిలో అభివృద్ధి చెందవచ్చు – కాని పెరుమాళ్ పైనే సంపూర్ణ భక్తి ఉండటం అంటే, వారికి భగవాన్ యొక్క సంపూర్ణ కటాక్షం ఉండాలి. అలాగే సొంత ప్రయత్నముతో కొంతవరకు జ్ఞానంలో  అభివృద్ధి చెందవచ్చు – కాని అన్నిటి గురించి సంపూర్ణ జ్ఞానం  ఉండాలంటే అలాంటి జ్ఞానం ఉన్న ఒక్క భగవానుడే ఇతరులకు అలాంటి జ్ఞానం ఉండాలని కటాక్షించ గలరు.

పరాశర: అవును, నాన్నమ్మ. మాకు ఇప్పుడు అర్థమైయింది. మీరు ఎంత మంచిగా మాకు ఈ సూత్రాలను వివరిస్తున్నారు. చూడండి, ఇది కొంచం కఠినమైన విషయము అని మీరు చెప్పినందుకు, మేము కళ్లు రెప్ప కూడా వాల్చలేదు.

ఆండాళ్ నాన్నమ్మ: అవును. మిమ్మల్ని బయటకు ఆడుకోవటానికి వదిలే ముందు, నేను మీకు అమలనాదిపిరాన్ గురించి వివరిస్తాను, ఎందుకంటే మీరు ముందు అడిగారు కాబట్టి. ఇది రచించినది తిరుప్పాణ్ ఆళ్వార్, పెరియ పెరుమాళ్ దివ్య మంగళ సౌందర్యాన్ని పూర్తిగా అనుభవించినవారు. వారు 5 వ పాసురములో ” అనేక సంవత్సరాలుగా మీరు కఠిన తపస్సు చేస్తున్నారు, కేవలము నన్నుపాప విముక్తుడను చేసి నిన్ను అర్థము చేసుకొని నిన్ను చేసుకోవడానికి సహాయం చేయుచున్నారు” అని వారు శ్రీరంగనాథునికి చెబుతున్నారు, . అక్కడినుండి మన మొత్తం సంభాషణ శ్రీమన్నారాయణ కృప గురించి మొదలైయింది. ఇప్పుడు మీకు మొత్తం విషయము గురించి మంచి అవగాహన ఉంది. మరో సారి, నేను మీకు ఆళ్వారుల గురించి మరింత చెబుతాను. ఇప్పుడు మీరు ఇద్దరూ కొద్దిసేపు ఆడుకోవచ్చు.

పరాశర మరియు వ్యాస: ధన్యవాదం నాన్నమ్మ. మేము తప్పకుండా తొందరలోనే తిరిగి వచ్చి ఆళ్వారుల గురించి వింటాము.

అడియేన్ శ్రీదేవి రామానుజ దాసి

మూలము : http://pillai.koyil.org/index.php/2014/09/beginners-guide-sriman-narayanas-divine-mercy/

పొందుపరిచిన స్థానము http://pillai.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

బాల పాఠము – శ్రీ మహాలక్ష్మి వారి సహజమైన తల్లి గుణము

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

శ్రీ వైష్ణవం – బాల పాఠము

<<బాల పాఠము – శ్రీమన్నారాయణుడి దివ్యమైన అర్చారూపములు మరియు గుణములు

sriranganachiar-3

మరుసటి రోజు, ఆణ్డాళమ్మగారు పరాశరుని మరియు వ్యాసుని శ్రీ రంగం ఆలయానికి ఉత్తర వీధి ద్వారా తీసుకువెళ్ళుతుంది. పిల్లలు ఇద్దరు వారి కుడి వైపున ఉన్న ఒక సన్నిధిని కనుగొనెను.

వ్యాస~: పాట్టి, ఇది ఎవరి సన్నిధి?

ఆణ్డాల్ పాట్టి~: వ్యాస, ఇది శ్రీ రంగనాయకి తాయార్ సన్నిధి.

పరాశర~: పాట్టి, కానీ నిన్న ఊరేగింపులో మనము కేవలము శ్రీ రంగనాథునినే చూసాము.

ఆణ్డాళ్ పాట్టి~: అవును, పరాశర. నువ్వు అన్నది నిజమే. ఎందుకంటే, శ్రీ రంగనాయకి తాయార్ తన సన్నిద్ధి నుండి బయటకు రాదు. ఆకరికి శ్రీ రంగనాథుడు అంతటి వాడికే ఆవిడను చూడాలని అనిపించినప్పుడు, తనే స్వయముగా తాయార్ సన్నిధికి వెళ్ళ వలసి ఉంటుంది.

పరాశర~: ఆహా, సరే పాట్టి. అట్లా అయితే, మనము ప్రతిసారి ఆవిడ సన్నిధికి వెళ్ళి ఆమెను సేవించుకోవాలి. అయితే ఇప్పుడు, మనము శ్రీ రంగంలో ఉన్నప్పుడు అల్లా, ఆలయానికి వెళ్ళడానికి మరో కారణం దొరికింది.

తాయార్ దర్శనం అయ్యాక, వాళ్ళు సన్నిధి నుండి బయటకు వచ్చిరి.

ఆండాళ్ పాట్టి~: నేను మీద్దరిని ఒక ప్రశ్న అడుగుతాను. మీరు సాయంత్రంపూట ఆటలు ఆడుకొని ఆలస్యంగా ఇంటికి వచ్చినప్పుడు, మీ తండ్రి ఎట్లా స్పందిస్తారు? మిమ్మల్ని ఏమని అంటారు?

వ్యాస~: పాట్టి, ఆయన ఆ సమయంలో చాలా కోప్పడతారు.

ఆణ్డాళ్ పాట్టి~: అప్పుడు మీ నాన్న గారు మిమ్మల్ని ఇద్దరిని శిక్షిస్తార?

పరాశర~: అయ్యో, పాట్టి, మేము చాలా అరుదుగా శింక్షించబడతాము. ఎందుకంటే, నాన్నగారికి కోపం వచ్చినప్పుడల్లా, మా అమ్మ మమ్మల్ని నాన్న గారి చేత శిక్షించబడకుండా ఆపుతూ ఉంటుంది.

ఆణ్డాళ్ పాట్టి~: అదే విధముగా, పెరుమాళ్ కి అయిష్టకరమైన పనులు మనము తెలిసో తెలియకో చేస్తూ ఉంటాం కదా? ఆ సమయాలలో, స్వామికి మన మీద కోపం వచ్చినప్పుడల్లా, తాయార్ స్వామితో మాట్లాడి మనని ఎన్నో శిక్షల నుండి రక్షిస్తూ ఉంటుంది.

పరాశర~: నువ్వు అన్నది నిజమే, పాట్టి. తాయార్ మనకు అమ్మ లాంటిది.

ఆణ్డాళ్ పాట్టి~: ఏ విధముగా నంపెరుమాళ్ మన రక్షణకై ఆయుధాలను ధరించి ఉంటాడో, మన అమ్మ తన యొక్క మృదువైన స్వభావమునకు గుర్తుగా ఏలప్పుడు తన చేతిలో పద్మాలని ధరించి ఉంటుంది. శ్రీ రంగనాథ సన్నిధిలో ఉన్న పెరుమాళ్ళను సేవించుకోవడానికి, మనము రంగ-రంగ గోపురమును, నాళికెత్తాన్ ద్వారమును, గరుడ సన్నిధిని, ఆ తరువాత ధ్వజాస్తంభమును దాటవలసి ఉంటుంది, కానీ మనము ఉత్తర వీధిని ప్రవేశించిన వెంటనే తాయార్ సన్నిధిలో ఉన్న అమ్మను దర్శించుకోవచ్చు. ఆమె మనకు అంత దగ్గరగా ఉంటుంది.

వ్యాస~: ఓహో, అలాగా పాట్టి.

ఆణ్డాళ్ పాట్టి~: మన అమ్మ సీతా దేవి రూపములో ఉన్నప్పుడు కూడా, తను శ్రీరాముని నుండి కాకాసరుని కాపాడింది. ఇంద్రుని కుమారుడైన కాకాసరుడు ఆ నాడు ఒక కాకిలా రూపుదాల్చి, సీతా దేవిని ఇబ్బంది పెట్టాడు. అప్పుడు శ్రీ రాముడు అతన్ని శిక్షించబోతుంటే, మన అమ్మ ఎంతో దయతో కాకాసరుడిని శ్రీ రాముడు నుండి కాపాడింది. అదే విధంగా, శ్రీ రాముడు రావణుని అంతం చేసిన తరువాత, సీతా దేవి అశోక వనములో ఉన్న రాక్షసులని కూడా కాపాడింది. సితా దేవి అమ్మను ఇబ్బంది పెట్టించిన రాక్షసులపై మన హనుమంతుడుకి వాళ్ళను అంతం చేయాలని అనిపించే అంత కోపం వచ్చింది. కానీ అప్పుడు మన అమ్మ దయతో వాళ్ళను కాపాడి, వాళ్ళ యొక్క నిస్సహాయ పరిస్థితి వల్ల ఆ రాక్షసులు రావణుడి ఆదేశాలను అమలపరచవలసి వచ్చిందని హనుమంతునికి వివరించింది. ఈ విధంగా, ఓ తల్లిలా మన అమ్మ మనని ఏల్లప్పుడూ కాపాడుతునే ఉంటుంది.

sita-rama-kakasura

సీతా దేవి కాకాసరుని కాపాడుట

sita_with_rakshasis

రాక్షసుల మధ్య సీతా దేవి

పరాశర మరియు వ్యాస~: మనని కూడా ఆ తల్లి ఎల్లప్పుడు కాపాడుతుందని ఆశిస్తున్నాము, పాట్టి.

ఆణ్డాళ్ పాట్టి~: తప్పకుండా కాపాడుతుంది. ఆమె ఎల్లప్పుడూ మన గురుంచి పెరుమాళ్ళుకు పురుషకారముచే (సిఫార్సు) చేసి, మనని రక్షించమని చెపట్టమే తన యొక్క మొదటి మరియు ముఖ్యమైన విధి.

పరాశర~: ఆమె కేవలము స్వామితో మనకు అనుకూలంగా మాట్లాడమేన, లేద ఇంకేమైన చేస్తుందా, పాట్టి?

ఆణ్డాళ్ పాట్టి~: స్వామి మనను క్షమించేవరకు మనకు అనుకూలంగా మాట్లాడుతునే ఉంటుంది. ఎప్పుడు స్వామి మనను అంగీకరిస్తాడో, అప్పుడు మన అమ్మ స్వామితో పాటుగ మన భక్తిని మరియు సేవని అనందంగా స్వీకరిస్తుంది.

వ్యాస~: అదెట్లా, పాట్టి?

ఆణ్డాళ్ పాట్టి~: ఓ, అది అర్థం చేసుకోవడము బహు తేలిక. మీరు మీ తల్లిదండ్రులను ఆరాధించేటప్పుడు, మీరు కేవలము మీ నాన్నగారిని ఒక్కరినే ఆరాధిస్తారా?

పరాశర~: కాదు పాట్టి. మేము ఇద్దరిని సమానముగా ప్రేమిస్తాము మరియు ఇద్దరికి సేవ చేయాలని అనుకుంటాము.

ఆణ్డాళ్ పాట్టి~: అవును…ఇప్పుడు మీకు అర్థమయింది. అదే విధముగా, తాయార్ మనము స్వామిని చేరే అంతటి వరకు, మనకు అనుకూలంగా స్వామితో మాట్లాడుతుంది. పెరుమాళ్ళను మనము చేరుకున్న తరువాత, స్వామితో పాటుగా మన ప్రేమని, భక్తిని అందుకుంటుంది.

namperumal-nachiar_serthi2

తాయర్ మరియు నంపెరుమాళ్ – పంగుని  ఉత్తరము(ఉత్రం) రోజున

పరాశర మరియు వ్యాస~: ఆహా, చాలా తేలికగా అర్థమయ్యేటట్టు చేప్పావు, పాట్టి. మళ్ళీ తరువాత కూడా, ఇంకా విని తెలుసుకోవాలని ఆశిస్తున్నాము. ఇప్పుడు బయటకు వెళ్ళి, కాశేపు ఆడుకుంటాము, పాట్టి.

పరాశర మరియు వ్యాస ఆడుకోవటానికి బయటకు పరుగెట్టిరి!

అడియేన్ : తేజశ్రీ రామానుజ దాసి

మూలము: http://pillai.koyil.org/index.php/2014/08/beginners-guide-sri-mahalakshmis-motherly-nature/

పొందుపరిచిన స్థానము http://pillai.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org