Category Archives: Beginner’s guide

Posters – SrI rAmAnuja kathAmrutham

Published by:

SrI:  SrImathE SatakOpAya nama:  SrImathE rAmAnujAya nama:  SrImath varavaramunayE nama:

Posters

SrI rAmAnujA – yathirAja who appread to uplift everyone

Sri rAmAnuja kathAmrutham series – We are presenting the life history of SrI rAmAnuja in six languages in a beautiful pictorial manner.

Text preparation/Proof reading/Poster preparation:
  • English – Smt Janaki/Smt Lakshmi/Smt Janaki
  • thamizh – Smt Kannammal/Smt Bhooma/Smt Janaki
  • Hindi – Sri Shyamsundar/Smt Kannammal/Smt Janaki
  • Kannada – Smt Subadhra/Sri Keshav/Sow Anjali
  • Telugu – Smt Vaishnavi/Sri Dasarathi/Sow Anjali
  • Malayalam – Sow Arsha/Sri Jayakrishna/Sow Arsha

ಶ್ರೀವೈಷ್ಣವಮ್ – ಆರಂಭಿಗರ ಕೈಪಿಡಿ – ಪರಾಶರ ಭಟ್ಟರ್

Published by:

ಶ್ರೀಃ ಶ್ರೀಮತೆ ಶಠಗೋಪಾಯ ನಮಃ ಶ್ರೀಮತೆ ರಾಮಾನುಜಾಯ ನಮಃ ಶ್ರೀಮತ್ ವರವರಮುನಯೆ ನಮಃ

ಪೂರ್ಣ‌ ‌ಸರಣಿ‌

ಎಂಬಾರ್

ಪರಾಶರ , ವ್ಯಾಸ  ವೇದವಲ್ಲಿ ಮತ್ತು ಅತ್ತುೞಾಯ್ ಜೊತೆಗೆ ಆಂಡಾಲ್  ಅಜ್ಜಿ ಮನೆಗೆ ಬರುತ್ತಾರೆ. ಅಜ್ಜಿ: ಸ್ವಾಗತ ಮಕ್ಕಳೇ.  ಇಂದು ನಾವು ಮುಂದಿನ ಆಚಾರ್ಯರ ಬಗ್ಗೆ ಮಾತನಾಡೋಣ, ಪರಾಶರ ಭಟ್ಟರ್ , ಅವರು ಎಂಬಾರ್ನ ಶಿಷ್ಯರಾಗಿದ್ದರು ಮತ್ತು ಎಂಬಾರ್ ಮತ್ತು ಎಂಪೆರುಮಾನಾರ್  ಬಗ್ಗೆ ಅಪಾರ ಭಕ್ತಿ ಹೊಂದಿದ್ದರು. ನಾನು ಈಗಾಗಲೇ ಮಕ್ಕಳಿಗೆ ಹೇಳಿದಂತೆ, ಎಂಪೆರುಮಾನಾರ್ , ಪರಾಶರ ಮತ್ತು ವ್ಯಾಸ ಮಹರ್ಷಿಗಳ ಬಗ್ಗೆ ಕೃತಜ್ಞತೆಯನ್ನು ವ್ಯಕ್ತಪಡಿಸಲು ಒಂದು ಮಾರ್ಗವನ್ನು ಹೊಂದಿದ್ದರು  , ಕೂರಥ್ ಆೞ್ವಾನ್‌ಗೆ ಜನಿಸಿದ ಇಬ್ಬರು ಗಂಡುಮಕ್ಕಳನ್ನು ಪರಾಶರ ಭಟ್ಟರ್ ಮತ್ತು ವೇಧ ವ್ಯಾಸ ಭಟ್ಟರ್ ಎಂದು ಹೆಸರಿಸಿದ್ದಾರೆ. ಆಳವಂಧಾರ್ಗೆ  ಅವರು ನೀಡಿದ ಮೂರು ಭರವಸೆಗಳಲ್ಲಿ ಇದು ಒಂದು. ಪರಾಶರ  ಭಟ್ಟರ್  ಮತ್ತು ವೇದ  ವ್ಯಾಸ  ಭಟ್ಟರ್ ಅವರು ಶ್ರೀರಂಗಂನ ಪೆರಿಯ ಪೆರುಮಾಳಿಂದ ಪಡೆದ ಪ್ರಸಾದಂನಿಂದ ಕೂರಥ್ ಆೞ್ವಾನ್ ಮತ್ತು ಅವರ ಪತ್ನಿ ಆಂಡಾಳ್ ಗೆ ಜನಿಸಿದರು

ಕೂರತ್ ಆಳ್ವಾನ್ ಅವರ ಮಕ್ಕಳು ಪರಾಶರ ಭಟ್ಟರ್ ಮತ್ತು ವೇದ ವ್ಯಾಸ ಭಟ್ಟರ್

ಪರಾಶರ : ಅಜ್ಜಿ , ಇ ಆಚಾರ್ಯರ ಮೇರೆಗೆ ನನಗೂ ವ್ಯಾಸನಿಗು , ಪರಾಶ , ವ್ಯಾಸ ಎಂದು ಹೆಸರಿಟ್ಟರೆ ?

ಅಜ್ಜಿ : ಹೌದು ಪರಾಶರ . ಮಕ್ಕಳಿಗೆ ಹೆಚ್ಚಾಗಿ ಆಚಾರ್ಯ ಅಥವಾ ಪೆರುಮಾಳ್ ಹೆಸರು ಇಡಲಾಗುತ್ತದೆ , ಕನಿಷ್ಟ ಪಕ್ಷ ಹಾಗಾದರೂ ಮಕ್ಕಳನ್ನು ಕರೆಯುವ ಸಲುವಾಗಿ , ನಮ್ಮ ಆಚಾರ್ಯ ಮತ್ತು ಪೆರುಮಾಳ್ ದಿವ್ಯ ಹೆಸರನ್ನು ಕರೆಯುವ ಅವಕಾಶ ದೊರಕುವುದು. ಅದಕ್ಕಾಗಿ ಮಕ್ಕಳನ್ನು ಪೆರುಮಾಳ್, ತಾಯಾರ್ ಅಥವಾ ಆಚಾರ್ಯರ ಹೆಸರು ಇಡಬೇಕು, ಹಾಗಾಗಿ ನಾವು ಅವರ ದಿವ್ಯ ಹೆಸರು ಹೇಳುತ್ತಾ ಅವರ ಕಲ್ಯಾಣ ಗುಣಗಳ ಬಗ್ಗೆ ಯೋಚಿಸಬಹುದು. ಇಲ್ಲದಿದ್ದರೆ , ಈ ಕಾರ್ಯನಿರತ ಜಗತ್ತಿನಲ್ಲಿ , ಪೆರುಮಾಳಿನ ದಿವ್ಯ ನಾಮಗಳನ್ನು ಜಪಿಸಲು ಸಮಯವನ್ನು ನಿಗದಿಪಡಿಸಲು ಯಾರಿಂದ ಸಾಧ್ಯ ? ಆದರೆ ಇತ್ತೀಚಿನ ದಿನಗಳಲ್ಲಿ ವಿಷಯಗಳು ಬದಲಾಗಿವೆ. ಜನರು ಅರ್ಥವಿಲ್ಲದ , ಪೆರುಮಾಳ್ ತಾಯಾರ್ ಅಥವಾ ಆಚಾರ್ಯನ್ ಬಗ್ಗೆ ನೆನೆಪಿಸಲಾಗದ  ಫ್ಯಾಷನ್ ಹೆಸರುಗಳ ಹಿಂದೆ ಹೋಗುತ್ತಾರೆ.

ಶ್ರೀರಂಗಂಗೆ ಬಂದ ನಂತರ, ಆೞ್ವಾನ್ ದೈನಂದಿನ ಆಹಾರಕ್ಕಾಗಿ ಉಂಜ ವ್ರುತ್ತಿ  (ಭಿಕ್ಷೆ) ಮಾಡಿದರು ಮತ್ತು ಒಂದು ದಿನ ಭಾರೀ ಮಳೆಯಿಂದಾಗಿ, ಆೞ್ವಾನ್ ಉಂಜ ವ್ರುತ್ತಿ ಮಾಡಲು ಹೊರಗೆ ಹೋಗಲು ಸಾಧ್ಯವಾಗಲಿಲ್ಲ. ಆೞ್ವಾನ್  ಮತ್ತು ಅವರ ಪತ್ನಿ ಆಂಡಾಳ್  ಖಾಲಿ ಹೊಟ್ಟೆಯಲ್ಲಿ ಮಲಗಬೇಕಾಯಿತು. ರಾತ್ರಿಯ ಸಮಯದಲ್ಲಿ, ದೇವಾಲಯದಿಂದ ಅಂತಿಮ ನೈವೇದ್ಯಂ  ಗಂಟೆ ಬಾರಿಸುವುದನ್ನು ಆಂಡಾಳ್  ಕೇಳುತ್ತಾಳೆ . “ಇಲ್ಲಿ, ನಿಮ್ಮ ಶುದ್ಧ ಭಕ್ತ, ಯಾವುದೇ ಪ್ರಸಾದವಿಲ್ಲದೆ  ಆೞ್ವಾನ್   ಇದ್ದಾರೆ  ಆದರೆ ನೀವು ಅಲ್ಲಿ ಉತ್ತಮವಾದ ಭೋಗಮ್ ಅನ್ನು ಆನಂದಿಸುತ್ತಿದ್ದೀರಿ” ಎಂದು ಆಂಡಾಳ್  ಎಂಪೆರುಮಾನ್ ಗೆ  ಹೇಳುತ್ತಾರೆ. ಇದನ್ನು ಅರ್ಥಮಾಡಿಕೊಂಡ ಪೆರಿಯ ಪೆರುಮಾಳ್  ತನ್ನ ಪ್ರಸಾದಮ್ ಅನ್ನು ಆೞ್ವಾನ್ ಮತ್ತು ಅಂಡಾಲ್ಗೆ ತನ್ನ ಎಲ್ಲಾ ಸಾಮಗ್ರಿಗಳೊಂದಿಗೆ (ದೇವಾಲಯದಿಂದ ಸರಿಯಾದ ಗೌರವಗಳು) ಉತ್ತಮ ನಂಬಿ ಮೂಲಕ ಕಳುಹಿಸುತ್ತಾನೆ. ಪ್ರಸಾದಂ ಬರುತ್ತಿರುವುದನ್ನು ನೋಡಿ ಆೞ್ವಾನ್  ವಿಸ್ಮಯಗೊಳ್ಳುತ್ತಾರೆ . ತಕ್ಷಣ, ಅವರು  ಆಂಡಾಲ್ ಕಡೆಗೆ ತಿರುಗಿ, “ನೀನು  ಎಂಪೆರುಮಾನ್ ಗೆ ದೂರು ನೀಡಿದ್ದೀಯಾ?” ಎಂದು ಕೇಳುತ್ತಾರೆ ಮತ್ತು ಆಂಡಾಲ್ ತನ್ನ ವಿನಂತಿಯನ್ನು ಒಪ್ಪಿಕೊಳ್ಳುತ್ತಾಳೆ . ಆೞ್ವಾನ್  ತಮ್ಮ ಪ್ರಸಾದವನ್ನು ಒದಗಿಸಲು ಎಂಪೆರುಮಾನ್  ಅನ್ನು ಒತ್ತಾಯಿಸಿದ್ದಕ್ಕಾಗಿ ಅಸಮಾಧಾನಗೊಳ್ಳುತ್ತಾರೆ. ಅವರು ಕೇವಲ 2 ಹಿಡಿ ಗಳಷ್ಟು  ಪ್ರಸಾದಮ್ ಅನ್ನು ಸ್ವೀಕರಿಸುತ್ತಾರೆ, ಸ್ವಲ್ಪವನ್ನು  ಅವರು ಸೇವಿಸುತ್ತಾರೆ ಮತ್ತು ಅವಶೇಷಗಳನ್ನು ಆಂಡಾಲ್ಗೆ ನೀಡುತ್ತಾರೆ. ಅಂತಿಮವಾಗಿ ಆ 2 ಹಿಡಿ  ಪ್ರಸಾದದಿಂದ  ಇಬ್ಬರು ಸುಂದರ ಮಕ್ಕಳಂತೆ  ಆಶೀರ್ವದಿಸಲ್ಪಡುತ್ತಾರೆ.

ವ್ಯಾಸ : ಅಜ್ಜಿ, ಎಂಬಾರ್ ಹೇಗೆ ಭಟ್ಟರ್ ಅವರ ಆಚಾರ್ಯಾರಾದರು  ?

ಅಜ್ಜಿ : ಇಬ್ಬರು ಮಕ್ಕಳ ಜನನದ ನಂತರ, ಮಕ್ಕಳನ್ನು ನೋಡುವಂತೆ ಮಕ್ಕಳನ್ನು ತನ್ನ ಬಳಿಗೆ ಕರೆತರಲು ಎಂಪೆರುಮಾನ್  ಎಂಬಾರ್ ಅನ್ನು ಕಳುಹಿಸುತ್ತಾರೆ. ಎಂಬಾರ್ ಇಬ್ಬರು ಮಕ್ಕಳನ್ನು ನೋಡಿದ ತಕ್ಷಣ ಈ  ಇಬ್ಬರು ಹುಡುಗರು ಸಂಪ್ರದಾಯಂ ಗಾಗಿ ಜನಿಸಿದ್ದಾರೆ ಎಂದು  ಗುರುತಿಸುತ್ತಾರೆ . ಅವರು  ಇಬ್ಬರು ಮಕ್ಕಳ ಮುಖದಲ್ಲಿ   ದೊಡ್ಡ ತೇಜಸ್ (ದೈವಿಕ ಹೊಳಪು) ಅನ್ನು ಕಂಡು ಮತ್ತು ಯಾವುದೇ ಕೆಟ್ಟ ಪರಿಣಾಮಗಳು ಎರಡು ಮಕ್ಕಳಿಗೆ ಹಾನಿ ಮಾಡದಿರಲಿ ಎಂದು ತಕ್ಷಣವೇ ಧ್ವಯ  ಮಹಾ ಮಂತ್ರವನ್ನು ರಕ್ಷೈ (ರಕ್ಷಣೆ) ಎಂದು ಪಠಿಸುತ್ತಾರೆ  . ವಿಚಾರಿಸಿದಾಗ, ಎಂಬಾರ್ ಅವರು ಇಬ್ಬರು ಮಕ್ಕಳಿಗೆ ರಕ್ಷೆ  ಎಂದು ಧ್ವಯಂ ಪಠಿಸಿದಂತೆ  ಹೇಳುತ್ತಾರೆ.ಎಂಬಾರ್ ಇಬ್ಬರು ಮಕ್ಕಳಿಗೆ ಧ್ವಯಂ ಅನ್ನು ಪಠಿಸಿ ಪ್ರಾರಂಭಿಸಿದ ಕಾರಣ ಅವರನ್ನು ಆ ಮಕ್ಕಳಿಗೆ ಆಚಾರ್ಯನಾಗಿ ನೇಮಿಸಲಾಯಿತು. ಆ ಇಬ್ಬರು ಮಕ್ಕಳು ಎಂಬಾರ್ ಮತ್ತು ಅವರ ತಂದೆ ಆಳ್ವಾನ್ ನಿಂದ ಅಧ್ಯಯನ ಮಾಡುತ್ತ ಬೆಳೆದರು. ಇಬ್ಬರು ಮಕ್ಕಳು  ಪೆರಿಯ ಪೆರುಮಾಳ್ ಕೃಪೆಯಿಂದ ಹುಟ್ಟಿದರಿಂದ ಅವರಿಬ್ಬರಿಗೂ ಪೆರಿಯ ಪೆರುಮಾಳ್ ಮತ್ತು ಪೆರಿಯ ಪಿರಾಟ್ಟಿ (ಶ್ರೀ ರಂಗ ನಾಚ್ಚಿಯಾರ್ ) ಕಡೆಗೆ ಅಪಾರ  ಪ್ರೀತಿ ಹೊಂದಿದ್ದರು. ಪರಾಶರ ಭಟ್ಟರನ್ನು ಪೆರಿಯ ಪೆರುಮಾಳಿಗೆ ದತ್ತು ಕೊಡಬೇಕೆಂದು ಎಂಪೆರುಮಾನಾರ್  ಆಳ್ವಾನ್ ಗೆ ಹೇಳಿದಾಗ ಆಳ್ವಾನ್ ಅದರಂತೆಯೇ ಮಾಡಿದರು. ಭಟ್ಟರ್ ಅವರು ಚಿಕ್ಕವರಿದ್ದಾಗ ಶ್ರೀ ರಂಗ ನಾಚ್ಚಿಯಾರ್ ಅವರ ಸನ್ನಿಧಿಯಲ್ಲಿಯೇ ಆಕೆಯ ಆರಕ್ಷೆಯಲ್ಲಿ   ಬೆಳೆದರು ಎಂದು ಹೇಳಲಾಗುತ್ತದೆ . ಪೆರಿಯ ಪೆರುಮಾಳ್, ಪಿರಾಟ್ಟಿ ಮತ್ತು ಭಟ್ಟರ್ ನಡುವೆ ಅಂತಹ ಬಂಧ ಮತ್ತು ಪ್ರೀತಿ ಇತ್ತು. ಒಮ್ಮೆ, ಭಟ್ಟರ್ ಅವರು ಪೆರುಮಾಳ್ ಸನ್ನಿಧಿಯಲ್ಲಿ ಪಾಸುರಂಗಳನ್ನು ಪಠಿಸಿ ಹೊರಗೆ ಬರುತ್ತಾರೆ . ಆಗ ರಾಮಾನುಜರು ಅವರನ್ನು ನೋಡಿ , ಭಟ್ಟರನ್ನು ತನ್ನಂತೆಯೇ ಪರಿಗಣಿಸಬೇಕು ಎಂದು ಆನಂತಾಳ್ವಾನ್  ಮತ್ತು ಇತರ ಶಿಷ್ಯರಿಗೆ ಸೂಚಿಸಿದರು. ರಾಮಾನುಜರು ಭಟ್ಟರಲ್ಲಿ ಸ್ವತಃ ತಮ್ಮನ್ನು ತಾವೇ ನೋಡಿದರು.  ಭಟ್ಟರ್ ಮುಂದಿನ ಧರ್ಶಣ  ಪ್ರವರ್ತಕರ್ (ಸಂಪ್ರದಾಯದ ನಾಯಕ) ಎಂದು ರಾಮಾನುಜರ್ ಗೆ ತಿಳಿದಿತ್ತು. ಭಟ್ಟರ್ ಚಿಕ್ಕ ವ್ಯಯಸ್ಸಿನಿಂದಲೇ ಬಹಳ ಚತುರರು. ಅವರ ಚಾಣಕ್ಯತೆಯ ಕಥೆಗಳು ಬಹಳ ಇವೆ

ಅತ್ತುೞಾಯ್:ಅಜ್ಜಿ ಅವರ ಬುದ್ಧಿವಂತಿಕೆಯ ಕಥೆಗಳು ಹೇಳಿ.

ಅಜ್ಜಿ ;  ಒಮ್ಮೆ , ಭಟ್ಟರ್ ಬೀದಿಯಲ್ಲಿ ಆಟವಾಡುತ್ತಿದ್ದರು , ಆಗ ಒಂದು ಪಲ್ಲಕ್ಕಿಯಲ್ಲಿ ಸರ್ವಜ್ಞ ಭಟ್ಟನ್ ಎಂಬ ವಿದ್ವಾಂಸರು ಬಂದರು . ರಾಮಾನುಜರಂತಹ ಮಹಾನ್ ವಿದ್ವಾಂಸರು ಇರುವ ಶ್ರೀರಂಗದಲ್ಲಿ ಒಬ್ಬರು ಪಲ್ಲಕ್ಕಿಯಲ್ಲಿ ಬರುವುದನ್ನು ಕಂಡು ಭಟ್ಟರು ಆಘಾತಕ್ಕೊಳಗಾದರು , ಭಟ್ಟರ್ ಅವರ ಬಳಿ ಹೋಗಿ ಚರ್ಚೆಗೆ ಸವಾಲು ಕೊಡುತ್ತಾರೆ. ಸರ್ವಜ್ಞ ಭಟ್ಟನ್ , ಭಟ್ಟರನ್ನು ಸಾಮಾನ್ಯ ಬಲಕನೆಂದು ಭಾವಿಸಿ ಯಾವುದೇ ಪ್ರಶ್ನೆಗೆ ಉತ್ತರ ಕೊಡುವುದಾಗಿ  ಭಟ್ಟರನ್ನು ಪ್ರಶ್ನೆ ಕೇಳಲು ಹೇಳುತ್ತಾರೆ.  ಭಟ್ಟರು ಒಂದು ಹಿಡಿ ಮರಳು ಹಿಡಿದುಕೊಂಡು ಅವರ ಕೈ ಯಲ್ಲಿ ಎಷ್ಟು ಮರಳು ಇದೆ ಎಂದು ಕೇಳಿದರು. ಸರ್ವಜ್ಞ ಭಟ್ಟನ್ ಭಾವೋದ್ವೇಗದಿಂದ ಮಾತು ಹೊರಡದ ಕಾರಣ ತನಗೆ ಗೊತ್ತಿಲ್ಲವೆಂದು ಹೇಳಿದರು .  “ಒಂದು ಹಿಡಿಯಷ್ಟು” ಎಂದು ಉತ್ತರ ಹೇಳಿರಬಹುದು ಎಂದು ಭಟ್ಟರ್ ಹೇಳಿದರು. ಭಟ್ಟರ್ ಚತುರತೆಯಿಂದ ಆಶ್ಚರ್ಯಗೊಂಡ ಸರ್ವಜ್ಞ ಭಟ್ಟನ್ ತಕ್ಷಣ ಪಲ್ಲಕ್ಕಿಯಿಂದ ಇಳಿದು ಬಂದು ಭಟ್ಟರನ್ನು ಒಯ್ದು ಅವರ ಹೆತ್ತವರ ಬಳಿ ಅಪಾರವಾಗಿ ಪ್ರಶಂಶಿಸಿದರು.

ವೇದವಲ್ಲಿ : ಎಂತಹ ಜಾಣ ಉತ್ತರ.

ಅಜ್ಜಿ : ಭಟ್ಟರ್ ಬಾಲ್ಯದಿಂದಲೇ ಚಾತುರ್ಯ ಮತ್ತು ಅಪಾರ ಗ್ರಹಣೆ ಹೊಂದಿದ್ದರು. ತನ್ನ ಗುರುಕುಲಂ ಸಮಯದಲ್ಲಿ ಅವನು ತುಂಬಾ ಚಿಕ್ಕವನಾಗಿದ್ದಾಗ, ಭಟ್ಟರ್ ಬೀದಿಗಳಲ್ಲಿ ಆಡುತ್ತಿದ್ದನು. ಆ ಸಮಯದಲ್ಲಿ, ಅಳ್ವಾನ್ ಬಂದು ತರಗತಿಗೆ ಹಾಜರಾಗುವ ಬದಲು ಭಟ್ಟರ್ ಏಕೆ ಆಡುತ್ತಿದ್ದಾನೆ ಎಂದು ಕೇಳುತ್ತಾನೆ . ಭಟ್ಟರ್ ಹೇಳುತ್ತಾರೆ “ಪ್ರತಿದಿನ ಅವರು ಒಂದೇ ಸಂದೈ ಯನ್ನು ಮತ್ತೆ ಮತ್ತೆ ಕಲಿಸುತ್ತಿದ್ದಾರೆ” – ಸಾಮಾನ್ಯವಾಗಿ ಅದೇ ಸಂದೈ ಅನ್ನು 15 ದಿನಗಳವರೆಗೆ ಪುನರಾವರ್ತಿಸಲಾಗುತ್ತದೆ. ಆದರೆ ಭಟ್ಟರ್ ಮೊದಲ ದಿನದಲ್ಲಿಯೇ ಸರಿಯಾಗಿ ಗ್ರಹಿಸಬಲ್ಲ. ಆಳ್ವಾನ್ ಅವನನ್ನು ಪಾಸುರಂನಿಂದ ಪರೀಕ್ಷಿಸುತ್ತಾನೆ ಮತ್ತು ಭಟ್ಟರ್ ಅದನ್ನು ಸುಲಭವಾಗಿ ಪಠಿಸುತ್ತಾನೆ.

ವ್ಯಾಸ : ತಂದೆಯಂತೆ ಮಗ !

ಅಜ್ಜಿ : ಅದೇ! ಭಟ್ಟರ್ ಅವರ ತಂದೆ ಆಳ್ವಾನ್  ಅವರಂತೆಯೇ ಇದ್ದರು, ಅವರು ಉತ್ತಮ ಜ್ಞಾನ ಮತ್ತು  ಜ್ಞಾಪಕ  ಶಕ್ತಿಯನ್ನು ಹೊಂದಿದ್ದರು. ಆಳ್ವಾನ್ ‌ನ ಇನ್ನೂ ಕೆಲವು ಗುಣಗಳು ಭಟ್ಟರ್‌ಗೆ ಬಂದವು, ಉದಾಹರಣೆಗೆ ನಮ್ರತೆ ಮತ್ತು ವೈಭವ. ಒಮ್ಮೆ ಹೇಗೋ ಒಂದು ನಾಯಿ ಶ್ರೀರಂಗಂ ದೇವಾಲಯದ ಒಳಗೆ ಬಂದಿತು. ಸಾಮಾನ್ಯವಾಗಿ ಅಂತಹ ಸಮಯದಲ್ಲಿ, ದೇವಾಲಯದ ಅರ್ಚಕರು ಶುದ್ಧೀಕರಣದ ಸಲುವಾಗಿ ಸಂಪ್ರೋಕ್ಷಣೆ ಮಾಡುವರು. ಅಂದು ಅರ್ಚಕರು ಲಘು ಸಂಪ್ರೋಕ್ಷಣೆ ಮಾಡುವುದಾಗಿ ನಿರ್ಧರಿಸಿದರು. ಇದನ್ನು ಕೇಳಿದ ಭಟ್ಟರ್, ಅವರು ದಿನವೂ ದೇವಾಲಯದ ಒಳಗೆ ಬರುತ್ತಾರೆ ಆದರೆ ಯಾವ ಸಂಪ್ರೋಕ್ಷಣೆ ಮಾಡಿರಲಿಲ್ಲ, ಆದರೆ ಏಕೆ ನಾಯಿ ಬಂದಾಗ ಸಂಪ್ರೋಕ್ಷಣೆ ಮಾಡುವರು ಎಂದು ಪೆರಿಯ ಪೆರುಮಾಳ್ ಹತಿರ ಓಡಿ ಅವರ ಬಳಿ ಹೇಳುತ್ತಾರೆ. ಅಂತಹ ನಮ್ರತೆಯು ಅಂತಹ ಮಹಾನ್ ವಿದ್ವಾಂಸನಾದ ನಂತರವೂ ಅವರು ತನ್ನನ್ನು ನಾಯಿಗಿಂತ ಕೆಳಮಟ್ಟದಲ್ಲಿ ಪರಿಗಣಿಸುತ್ತಾರೆ . ದೇವಲೋಕದಲ್ಲಿ   ದೇವನಾಗಿ   ಜನಿಸುವುದಕ್ಕಿಂತ ಶ್ರೀರಂಗಂನಲ್ಲಿ ನಾಯಿಯಾಗಿ ಜನಿಸಲು ಅವರು ಬಯಸುತ್ತಾರೆ ಎಂದು ಅವರು ಹೇಳುತ್ತಾರೆ.

ವೇದವಲ್ಲಿ :  ಅಜ್ಜಿ , ರಂಗ ನಾಚ್ಚಿಯಾರ್ ಭಟ್ಟರನ್ನು ಬೆಳೆಸಿದರೆ ತಿರುಕ್ಕಚ್ಚಿ ನಂಬಿ ದೇವ ಪೆರುಮಾಳ ಜೊತೆ ಮತನಾಡಿದಂತೆ  ಭಟ್ಟರ್ ಕೂಡ  ಪೆರುಮಾಳ್ ಪಿರಾಟ್ಟಿ ಜೊತೆ ಮಾತನಾಡಿದರೆ?   

ಅಜ್ಜಿ :  ಹೌದು ವೇದವಲ್ಲಿ , ನೀನು ಹೇಳುವುದು ಸರಿ. ಭಟ್ಟರ್ ಕೂಡ ಶ್ರೀರಂಗದಲ್ಲಿ ಪೆರುಮಾಳ್ ಪಿರಾಟ್ಟಿ ಜೊತೆ ಮಾತನಾಡುತ್ತಾರೆ . ನಿಮಗೆ ಗೊತ್ತೇ, ವರ್ಷಕ್ಕೊಮ್ಮೆ , ವೈಕುಂಠ ಏಕಾದಶಿ ದಿನದ ಹಿಂದಿನ ದಿನ , ಪಗಲ್ ಪತ್ತು ಉತ್ಸವದ 10 ನೇ ದಿನ , ನಂಪೆರುಮಾಳ್ ನಾಚ್ಚಿಯಾರ್ ತಿರುಕ್ಕೋಲಂ ನಲ್ಲಿ ಅಲಂಕಾರ ಮಾಡಿಕೊಳ್ಳುತ್ತಾರೆ . ಅವರು ರಂಗ ನಾಚ್ಚಿಯಾರ್ ಅವರ ಎಲ್ಲ ಒಡವೆಗಳನ್ನು ಧರಿಸಿ ನಾಚ್ಚಿಯಾರಂತೆ ಸುಂದರವಾಗಿ ಕೂರುತ್ತಾರೆ. ಹೀಗೆ   ಒಂದು ದಿನ ನಂಪೆರುಮಾಳ್ ಭಟ್ಟರನ್ನು ಕರೆದು ಅವರು ತಾಯಾರಂತೆ ಕಾಣುವರೆ ಎಂದು ಕೇಳುತ್ತಾರೆ.  ಭಟ್ಟರ್ ಯಾವಾಗಲೂ ತಾಯಾರ್ ಕಡೆಗೆ ಭಾಗಶಃರಾಗಿ ನಂಪೆರುಮಾಳ್ ಕಡೆ ಪ್ರೀತಿ ವತ್ಸಲ್ಯದಿಂದ ನೋಡುತ್ತ ಎಲ್ಲಾ ಅಲಂಕಾರಗಳು ಪರಿಪೂರ್ಣವಾಗಿದರೂ ಆಕೆಯ ಕಣ್ಣಲ್ಲಿರುವ ಕರುಣೆ ಎಂಪೆರುಮಾನ್ ಕಣ್ಣಲ್ಲಿ ಕಾಣಲಿಲ್ಲ ಎನ್ನುತ್ತಾರೆ. ಭಟ್ಟರ್ ಅವರ ತಾಯಿ ರಂಗ ನಾಚ್ಚಿಯಾರ್  ಅವರ ಮೇಲೆ ಇದ್ದ ಪ್ರೀತಿ ಅಂತಹದ್ದಾಗಿತ್ತು. ಭಟ್ಟರ್‌ಗೆ ನೂರಾರು ಅನುಯಾಯಿಗಳು  ಅವರ ಕಾಲಕ್ಷೇಪಮ್‌ಗಳನ್ನು ನಿಯಮಿತವಾಗಿ ಆಲಿಸುತ್ತಿದ್ದರು , ಅವರು ತಮ್ಮ  ಮತ್ತು ಅವರ ಬೋಧನೆಗಳಿಂದ ಪ್ರಭಾವಿತರಾಗಿದ್ದರೂ ,  ಭಟ್ಟರ್ ಅವರನ್ನು ಇಷ್ಟಪಡದವರು ಕೂಡ ಕೆಲವರು  ಇದ್ದರು. ಮಹಾನ್ ವ್ಯಕ್ತಿಗಳಿಗೆ ಇದು ತುಂಬಾ ಸಾಮಾನ್ಯವಾಗಿದೆ. ರಾಮಾನುಜರ್  ಅವರಿಗೂ ಇದು ಸಂಭವಿಸಿದೆ. ಒಮ್ಮೆ, ಭಟ್ಟರ್ ಅವರನ್ನು ಇಷ್ಟಪಡದ ಕೆಲವರು ಅಸೂಯೆ ಮತ್ತು ದ್ವೇಷದಿಂದ ಅವನನ್ನು ಗದರಿಸಲು ಪ್ರಾರಂಭಿಸಿದರು. ಯಾರಾದರೂ ನಿಮ್ಮನ್ನು ಗದರಿಸಿದರೆ  ನೀವು ಏನು ಮಾಡುತ್ತೀರಿ, ವ್ಯಾಸ ?

ವ್ಯಾಸ :  ನಾನು ಅವರನ್ನು ಗದರಿಸುವೆ. ನಾನೇಕೆ ಸುಮ್ಮನಿರಬೇಕು ?

ಅಜ್ಜಿ :  ನಮ್ಮಲ್ಲಿ ಹೆಚ್ಚಿನವರು, ವಯಸ್ಕರು ಸಹ ಮಾಡುತ್ತಾರೆ. ಆದರೆ ಭಟ್ಟರ್ ಏನು ಮಾಡಿದ್ದಾರೆಂದು ನಿಮಗೆ ತಿಳಿದಿದೆಯೇ? ತನ್ನನ್ನು ಗದರಿಸಿದ  ವ್ಯಕ್ತಿಗೆ ಅವರು ತನ್ನ ಆಭರಣಗಳು ಮತ್ತು ದುಬಾರಿ ಶಾಲುಗಳನ್ನು ಪ್ರಸ್ತುತಪಡಿಸಿದರು. ಭಟ್ಟರ್ ಅವರಿಗೆ ಕೃತಜ್ಞತೆ ಹೇಳುತ್ತಾರೆ  “ಪ್ರತಿಯೊಬ್ಬ ಶ್ರೀವೈಷ್ಣವನು ಎರಡು ಕೆಲಸಗಳನ್ನು ಮಾಡಬೇಕು – ಎಂಪೆರುಮಾನ್  ವೈಭವವನ್ನು ಹಾಡಿ ಮತ್ತು ತನ್ನದೇ ಆದ ದೋಷಗಳ ಬಗ್ಗೆ ಪ್ರಲಾಪಿಸುವುದು. ಎಂಪೆರುಮಾನ್  ವೈಭವವನ್ನು ಹಾಡುವಲ್ಲಿ ನಾನು ತುಂಬಾ ಆಳವಾಗಿ ಮುಳುಗಿದ್ದೇನೆ ಮತ್ತು ನನ್ನ ದೋಷಗಳ ಬಗ್ಗೆ  ಪ್ರಲಾಪಿಸುವ  ಕರ್ತವ್ಯವನ್ನು ನಾನು ಮರೆತಿದ್ದೇನೆ. ಈಗ ನೀವು ನನ್ನ ಕರ್ತವ್ಯವನ್ನು ಪೂರೈಸುವ ಮೂಲಕ ನನಗೆ ದೊಡ್ಡ ಉಪಕಾರ ಮಾಡಿದ್ದೀರಿ, ಆದ್ದರಿಂದ ನಾನು ನಿಮಗೆ ಮಾತ್ರ ಪ್ರತಿಫಲ ನೀಡಬೇಕು ”. ಅವರ ವೈಭವವು ಅಂತಹದ್ದಾಗಿತ್ತು. ಪರಾಶರ : ಅಜ್ಜಿ, ರಾಮಾನುಜರು ನಂಜೀಯರ್ ಅನ್ನು ಸಂಪ್ರದಾಯಕ್ಕೆ ತರುವುದಾಗಿ ಭಟ್ಟರಿಗೆ ಸೂಚಿಸಿದರು ಎಂದು ನೀವಿ ಹೇಳಿದ್ದು ನನಗೆ ನೆನೆಪಿದೆ . ಭಟ್ಟರ್ ಅದನ್ನು ಹೇಗೆ ಮಾಡಿದರು ?

ಪರಾಶರ ಭಟ್ಟರ್ ( ಅವರ ತಿರುವಡಿಯಲ್ಲಿ ನಂಜೀಯರ್ )- ಶ್ರೀರಂಗಂ

ಅಜ್ಜಿ : ನೀವು ಅದನ್ನು  ನೆನಪಿಸಿಕೊಂಡಿದ್ದಕ್ಕೆ ನನಗೆ ತುಂಬಾ ಸಂತೋಷವಾಗಿದೆ ಪರಾಶರ. ಹೌದು, ರಾಮಾನುಜರ್  ಅವರ ದೈವಿಕ ಸೂಚನೆಗಳ ಪ್ರಕಾರ, ಭಟ್ಟರು ತಿರುನಾರಾಯಣಪುರಂ ಗೆ  ಹೋಗಿ ನಮ್ಮ ಸಂಪ್ರದಾಯಕ್ಕೆ  ನಂಜೀಯರ್ ಅನ್ನು ಕರೆತರುತ್ತಾನೆ. ಈ ಸ್ಥಳದ ಬಗ್ಗೆ ನಾವು ಈಗಾಗಲೇ ಕೇಳಿದ್ದೇವೆ? ಯಾವಾಗ ಎಂದು ಯಾರಿಗಾದರೂ ನೆನಪಿದೆಯೇ?

ವೇದವಲ್ಲಿ : ನನಗೆ ನೆನಪಿದೆ . ತಿರುನಾರಾಯಣಪುರಂ ದೇವಾಲಯವು  ರಾಮಾನುಜರು ಸುಧಾರಿಸಿದ ದೇವಾಲಯಗಳಲ್ಲಿ  ಒಂದು. ರಾಮಾನುಜರ್  ದೇವಾಲಯದ ಆಡಳಿತವನ್ನು ಮೇಲಕೋಟೆ  ನಲ್ಲಿ ಪುನಃ ಜಾರಿಗೊಳಿಸಿದರು.

ಅಜ್ಜಿ :  ತುಂಬಾ ಜಾಣೆ ವೇದವಲ್ಲಿ . ರಾಮಾನುಜರ್  ಮುಸ್ಲಿಂ ಆಕ್ರಮಣಕಾರರಿಂದ ತಿರುನಾರಾಯಣಪುರಂ  ದೇವಾಲಯದ ಸೆಲ್ವಪ್ಪಿಲ್ಲೈ ಉತ್ಸವ ಮೂರ್ತಿಯನ್ನು ಮರಳಿ ತಂದು ದೇವಾಲಯದ ಆಡಳಿತವನ್ನು ಪುನಃಸ್ಥಾಪಿಸಿದರು. ಭಟ್ಟರ್ ಮಾಧವಾಚಾರ್ಯಯರ್  (ನಂಜೀಯರ್  ಅವರ ಸ್ವಂತ ಹೆಸರು  ) ನ ತದೀಯಾರಾಧಾನ  ಕೂಟಮ್  (ಭಾಗವತರಿಗೆ ಆಹಾರವನ್ನು ನೀಡುವ ಸಭಾಂಗಣ) ಗೆ ಹೋಗುತ್ತಾರೆ . ಅವನು ಊಟ ಮಾಡದೆ ಅಲ್ಲಿ ಕಾಯುತ್ತಾನೆ ಮತ್ತು ಮಾಧವಾಚಾರ್ಯಯರ್   ಅವನನ್ನು   ಗಮನಿಸಿ  , ಅವನ ಬಳಿಗೆ ಬಂದು ಅವನು ಯಾಕೆ ಊಟ ಮಾಡುವುದಿಲ್ಲ ಮತ್ತು ಅವನಿಗೆ ಏನು ಬೇಕು ಎಂದು ಕೇಳುತ್ತಾನೆ. ಭಟ್ಟರ್ ಅವರೊಂದಿಗೆ ಚರ್ಚಿಸಲು ಬಯಸುತ್ತಾರೆ ಎಂದು ಹೇಳುತ್ತಾರೆ. ಮಾಧವಾಚಾರ್ಯಯರ್  , ಭಟ್ಟರ್ ಬಗ್ಗೆ ಕೇಳಿದ ನಂತರ ಇದನ್ನು ಶೀಘ್ರವಾಗಿ ಅರಿತುಕೊಳ್ಳುತ್ತಾನೆ ಮತ್ತು (ಅವನಿಗೆ ಸವಾಲು ಹಾಕುವ ಧೈರ್ಯ ಯಾರಿಗೂ ಇರುವುದಿಲ್ಲವಾದ್ದರಿಂದ) ಚರ್ಚೆಗೆ ಒಪ್ಪುತ್ತಾನೆ.ಭಟ್ಟರ್ ಮೊದಲಿಗೆ ತಿರುನೆಡುಂದಾಂಡಗಂ ಉಪಯೋಗಿಸಿ ನಂತರ ಶಾಸ್ತ್ರಗಳಿಂದ ಸೂಕ್ತ ಅರ್ಥಗಳನ್ನು ವಿವರಿಸುತ್ತ ಎಂಪೆರುಮಾನ್ ನ ವೈಭವಗಳನ್ನು ಸ್ವಾಮಿತ್ವವನ್ನು ದೃಡೀಕರಿಸಿದರು . ಮಾಧವಾಚಾರ್ಯಯರ್ ಅವರ ಸೋಲು ಒಪ್ಪಿಕೊಂಡು ಭಟ್ಟರ್ ಪಾದ ಕಮಲಗಳಲ್ಲಿ ಬಿದ್ದು ಅವರನ್ನು ತನ್ನ ಆಚಾರ್ಯನಾಗಿ ಒಪ್ಪಿಕ್ಕೊಳ್ಳುತ್ತಾರೆ. ಭಟ್ಟರ್ ಅವರಿಗೆ ಅರುಳಿಚೆಯಲ್ ಕಲಿಯಲು ನಿಶ್ಚಿತ ಆದೇಶ ನೀಡಿ ಸಂಪ್ರದಾಯ ಅರ್ಥಗಳನ್ನು ಬೋಧಿಸಿದರು .ಭಟ್ಟರ್ ಅವರಿಂದ ಹೊರಡಲು  ನಿಯಮನ ಪಡೆದು ಶ್ರೀರಂಗಕ್ಕೆ ಹೊರಟರು. ಅವರು ಶ್ರೀರಂಗಕ್ಕೆ ಸೇರಿದ ತಕ್ಷಣ ಅವರಿಗೆ ಅದ್ಭುತವಾದ ಸ್ವಾಗತ ನೀಡಲಾಯಿತು. ಕಾತುರದಿಂದ ಭಟ್ಟರಿಗಾಗಿ ಕಾಯುತ್ತಿದ್ದ ಪೆರಿಯ ಪೆರುಮಾಳ್, ಅತ್ಯಂತ ಆಸಕ್ತಿಯಿಂದ ನಡೆದ ವೃತ್ತಾಂತವನ್ನು ಭಟ್ಟರಿಂದ ಕೇಳಿದರು. ಭಟ್ಟರ ದಿಗ್ವಿಜಯದಿಂದ ಸಂತೋಷಗೊಂಡ ಪೆರಿಯ ಪೆರುಮಾಳ್ ಭಟ್ಟರ್ ಅವರಿಗೆ ಮತ್ತೊಮ್ಮೆ ತಿರುನೆಡುಂಧಾಂಡಕಂ ಪಠಿಸಲು ಕೇಳುತ್ತಾರೆ . ಭಟ್ಟರ್‌ಗೆ ನಂಪೆರುಮಾಳ್  ಮತ್ತು ರಂಗ ನಾಚ್ಚಿಯಾರ್‌ನ ತಿರುಮೇನಿ   (ದೈವಿಕ ರೂಪ) ಬಗ್ಗೆ ಅಪಾರ ಪ್ರೀತಿ ಇತ್ತು. ಒಮ್ಮೆ ಭಟ್ಟರ್ ಕೆಲವು ಪಾಸುರಮ್‌ಗಳನ್ನು ಮತ್ತು ಅದರ ಅರ್ಥಗಳನ್ನು ಪೆರಿಯ ಪೆರುಮಾಳ್ ಎದುರು ಪಠಿಸಿದಾಗ ಪೆರಿಯ ಪೆರುಮಾಳ್  ಬಹಳ ಸಂತೋಷಗೊಂಡು “ನಿಮಗೆ ಈಗ ಮೋಕ್ಷಮ್ ನೀಡಲಾಗಿದೆ” ಎಂದು ಹೇಳುತ್ತಾರೆ. ಭಟ್ಟರ್ ತುಂಬಾ ಸಂತೋಷವಾಗುತ್ತಾನೆ ಆದರೆ , ಅವರು  ಪರಮಪಧಂನಲ್ಲಿ ನಂಪೆರುಮಾಳ್  ಆಗಿ ಕಾಣಿಸದಿದ್ದರೆ, ಭಟ್ಟರ್ ಒಂದು  ರಂಧ್ರವನ್ನು ಮಾಡಿ ಪರಮಪದಂನಿಂದ ಜಿಗಿದು ಮತ್ತೆ ಶ್ರೀರಂಗಕ್ಕೆ ಬರುತ್ತಾರೆ ಎಂದು  ನಂಪೆರುಮಾಳಿಗೆ  ಹೇಳುತ್ತಾರೆ. ಒಮ್ಮೆ, ಪರಮಪಧನಾಥನ್ಗೆ   2 ಕೈಗಳು ಅಥವಾ 4 ಕೈಗಳನ್ನು ಹೊಂದಿದ್ದೀರಾ ಎಂದು ಅನಂತಾಳ್ವಾನ್  ಭಟ್ಟರ್ ಅವರನ್ನು ಕೇಳಿದಾಗ, ಭಟ್ಟರ್ ಅವರಿಗೆ 2 ಕೈಗಳಿದ್ದರೆ  ಅವನು ಪೆರಿಯ ಪೆರುಮಾಳ್ನಂತೆ  ಕಾಣುತ್ತಾನೆ ಮತ್ತು ಅವನಿಗೆ 4 ಕೈಗಳಿದ್ದರೆ, ಅವನು ನಂಪೆರುಮಾಳ್ನಂತೆ ಕಾಣುತ್ತಾನೆ ಎಂದು ಉತ್ತರಿಸಿದರು. ನಂಪೆರುಮಾಳ್  ಹೊರತುಪಡಿಸಿ ಬೇರೆ ಯಾರನ್ನೂ ನೋಡುವ ಬಗ್ಗೆ ಭಟ್ಟರ್‌ಗೆ ಯೋಚಿಸಲಾಗಲಿಲ್ಲ. ಅವರು ಪೆರುಮಾಳ್ನ  ಎಲ್ಲಾ ದಿವ್ಯ ತಿರುಮೇನಿಗಳನ್ನು ನಂಪೆರುಮಾಳ್ ಗೆ  ಸಂಬಂಧಿಸಿದ್ದಾರೆ. ನಂಪೆರುಮಾಳ್  ಅವರಿಗೆ ಮೋಕ್ಷಮ್ ಅನ್ನು ನೀಡುತ್ತಿದ್ದಂತೆ, ಭಟ್ಟರ್, ತನ್ನ ತಾಯಿ ಆಂಡಾಲ್ ಅವರ ಆಶೀರ್ವಾದದೊಂದಿಗೆ, ಈ ಜಗತ್ತನ್ನು ತೊರೆದು ಪರಮಪದದಲ್ಲಿ ಎಂಪೆರುಮಾನ್ ಗೆ ನಿತ್ಯ ಕೈಂಕರ್ಯ ಮಾಡಲು ಇತರ ಆಚಾರ್ಯರೊಂದಿಗೆ ಸೇರಿದರು. ಅವರು ಮುಂದಿನ  ಆಚಾರ್ಯನ್ ಆಗುವ ನಂಜೀಯರ್‌ಗೆ ನಮ್ಮ ಶ್ರೀವೈಷ್ಣವ ಸಂಪ್ರದಾಯದ ಮಾರ್ಗವನ್ನು  ಹಾದುಹೋಗುತ್ತಾರೆ.

ಅತ್ತುೞಾಯ್: ಅಜ್ಜಿ , ಭಟ್ಟರ್ ಅವರ ಜೀವನವು ಕೇಳಲು ತುಂಬಾ ಆಸಕ್ತಿದಾಯಕವಾಗಿದೆ. ಅವರು ನಂಪೆರುಮಾಳ್  ಬಗ್ಗೆ ತೋರುತ್ತಿರುವ ಭಕ್ತಿ ಮತ್ತು ಅವರ ಬಂಧ ಮನಸ್ಸಿಗೆ ತೃಪ್ತಿ ಕೊಡುತ್ತದೆ. ಅಂತಹ ಶ್ರೇಷ್ಠ ಗಂಡ ಮತ್ತು ಗಂಡು ಮಕ್ಕಳನ್ನು ಹೊಂದಲು ಆಂಡಾಲ್  ಧನ್ಯಳು ಅಲ್ಲವೇ  .

ಅಜ್ಜಿ : ಹೌದು ಅತ್ತುೞಾಯ್. ಆಂಡಾಲ್ ನಿಜವಾಗಿಯೂ ಧನ್ಯಳು. ನಾಳೆ , ನಿಮಗೆ ನಮ್ಮ ಮುಂದಿನ ಆಚಾರ್ಯರಾದ ನಂಜೀಯರ್‌ ಬಗ್ಗೆ ಹೆಚ್ಚಿಗೆ ಹೇಳುವೆನು. ಈಗ ಈ  ಹಣ್ಣುಗಳನ್ನು ತಗದುಕೊಂಡು ಮನೆಗೆ ಹೋಗಿ. ಮಕ್ಕಳು ಭಟ್ಟರ ದಿವ್ಯ ಚರಿತ್ರೆಯನ್ನು ನೆನೆಯುತ್ತ ಮನೆಗೆ ಹಿಂತಿರುಗಿದರು

ಅನುವಾದ : ಅಡಿಯೇನ್ ರಂಗನಾಯಕಿ ರಾಮಾನುಜ ದಾಸಿ

ಮೂಲ: http://pillai.koyil.org/index.php/2016/08/beginners-guide-bhattar/

ಆರ್ಕೈವ್ ಮಾಡಲಾಗಿದೆ :  http://pillai.koyil.org 

ಪ್ರಮೇಯಂ (ಲಕ್ಷ್ಯ) – http://koyil.org
ಪ್ರಮಾಣಂ (ಶಾಸ್ತ್ರ ) – http://granthams.koyil.org
ಪ್ರಮಾತಾ (ಪೂರ್ವಾಚಾರ್ಯರು ) – http://acharyas.koyil.org
ಶ್ರೀವೈಷ್ಣವ ಶಿಕ್ಷಣ/ಮಕ್ಕಳ ಪೋರ್ಟಲ್ – http://pillai.koyil.org

Learn 108 dhivyadhESams (திவ்யதேசங்கள்)

Published by:

SrI:  SrImathE SatakOpAya nama:  SrImathE rAmAnujAya nama:  SrImath varavaramunayE nama:

Santhai class schedule, joining details, full audio recordings (classes, simple explanations (speeches) etc) can be seen at http://pillai.koyil.org/index.php/2017/11/learners-series/ .


Lectures  (விரிவுரை) in thamizh

108 Dhivya desams (108 திவ்ய தேசங்கள்)
Title Audio Video

1. SrIrangam (ஸ்ரீரங்கம்)

thamizh thamizh

2. thirukkOzhi/uRaiyUr (உறையூர் )

thamizh thamizh

3. thirukkarambanUr/uthamar kOyil (உத்தமர் கோயில் )

thamizh thamizh

4. thiruveLLaRai/swetha giri (திருவெள்ளறை/ஸ்வேத கிரி)

thamizh thamizh

5. thiru anbil (திரு அன்பில்)

thamizh thamizh

ಶ್ರೀವೈಷ್ಣವಮ್ – ಆರಂಭಿಗರ ಕೈಪಿಡಿ – ಎಂಬಾರ್

Published by:

ಶ್ರೀಃ ಶ್ರೀಮತೇ ಶಠಕೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮತ್ ವರವರಮುನಯೇ ನಮಃ

ಪೂರ್ಣ‌ ‌ಸರಣಿ‌

ರಾಮಾನುಜರ್ – ಭಾಗ 2

ಪರಾಶರ , ವ್ಯಾಸ ವೇದವಲ್ಲಿ ಮತ್ತು ಅತ್ತುಳಾಯ್  ಅವರೊಂದಿಗೆ ಆಂಡಾಳ್  ಅಜ್ಜಿ ಅವರ ಮನೆಗೆ ಪ್ರವೇಶಿಸಿಸುತ್ತಾರೆ.

ಅಜ್ಜಿ: ಬನ್ನಿ ಮಕ್ಕಳೇ . ನಿಮ್ಮ ಕೈ ಕಾಲುಗಳನ್ನು ತೊಳೆಯಿರಿ. ನಾನು ಸ್ವಲ್ಪ ಪ್ರಸಾದವನ್ನು ತರುತ್ತೇನೆ. ನಾಳೆ ಯಾವ ದಿನ ಎಂದು ನಿಮಗೆ ತಿಳಿದಿದೆಯೇ? ನಾಳೆ ಆಳವಂಧಾರ್ ಅವರ ತಿರುನಕ್ಷತ್ರ, ಆಡಿ , ಉತ್ರಾಡಮ್. ಇಲ್ಲಿ ಯಾರಿಗೆ , ಆಳವಂಧಾರ್ ನೆನಪಿದೆ  ?

ಅತ್ತುಳಾಯ್  : ನನಗೆ ನೆನಪಿದೆ! ಅವರು ರಾಮಾನುಜರ್ ಅನ್ನು ನಮ್ಮ ಸಂಪ್ರದಾಯಕ್ಕೆ ತರಲು ದೇವ ಪೆರುಮಾಳ್ ಗೆ ಪ್ರಾರ್ಥಿಸಿದ ಆಚಾರ್ಯರು.

ವ್ಯಾಸ : ಹೌದು. ಅಲ್ಲದೆ, ಅವರು ಪರಮಪದಂಗೆ ತಲುಪಿದ ನಂತರ, ಅವರ ತಿರುಮೇನಿಯಲ್ಲಿ, ಮೂರು ಬೆರಳುಗಳನ್ನು ಮುಚ್ಚಲಾಯಿತು, ಅದು ಅವರ ಕೊನೆಯ ಮೂರು ಅತೃಪ್ತ ಆಸೆಗಳನ್ನು ಸೂಚಿಸುತ್ತದೆ ಮತ್ತು ರಾಮಾನುಜರ್ ಅವುಗಳನ್ನು ಪೂರೈಸುವ ಭರವಸೆ ನೀಡಿದರು. ರಾಮಾನುಜರ್ ಭರವಸೆ ನೀಡಿದಂತೆ, ಮೂರು ಬೆರಳುಗಳು ತೆರೆದಿವೆ.

ಪರಾಶರ : ಅಜ್ಜಿ , ರಾಮಾನುಜರ್ ಮತ್ತು ಆಳವಂಧಾರ್ ನಡುವಿನ ಸಂಬಂಧವು ಮನಸ್ಸು ಮತ್ತು ಆತ್ಮ ಮತ್ತು ದೈಹಿಕ ಇಂದ್ರಿಯಗಳಿಗೆ ಮೀರಿದೆ ಎಂದು ನೀವು ಹೇಗೆ ಹೇಳಿದ್ದೀರಿ ನಮಗೆ ನೆನೆಪಿದೆ.

ಅಜ್ಜಿ : ನಿಖರವಾಗಿ! ಅದು ನಾಳೆ ಅವರ ತಿರುನಕ್ಷತ್ರ. ಇಲ್ಲಿ ಈ ಪ್ರಸಾದವನ್ನು ತೆಗೆದುಕೊಳ್ಳಿ. ನಾಳೆ ದೇವಸ್ಥಾನಕ್ಕೆ ಹೋಗುವುದನ್ನು ಮರೆಯಬೇಡಿ ಮತ್ತು ರಾಮಾನುಜರ್ ಅವರನ್ನು ಸಂಪ್ರದಾಯಕ್ಕೆ ಕರೆತಂದ ಮಹಾನ್ ಆಚಾರ್ಯರಿಗೆ ಗೌರವ ಸಲ್ಲಿಸಿ. ಇಂದು, ನಮ್ಮ ಮುಂದಿನ ಆಚಾರ್ಯ ಎಂಬಾರ್ ಬಗ್ಗೆ ತಿಳಿದುಕೊಳ್ಳೋಣ . ಎಂಬಾರ್ ಮಧುರಮಂಗಲಂ ಕಮಲ ನಯನ ಭಟ್ಟರ್ ಮತ್ತು ಶ್ರೀದೇವಿ ಅಮ್ಮಾಳ್ ಮಗನಾಗಿ  ಜನಿಸಿದರು. ಅವರ ಜನ್ಮ ಹೆಸರು ಗೋವಿಂದ ಪೆರುಮಾಲ್. ಅವರನ್ನು ಗೋವಿಂದ ಭಟ್ಟರ್, ಗೋವಿಂದ ಧಾಸರ್ ಮತ್ತು ರಾಮಾನುಜ ಪಾಧಾಚಾರ್ಯರ್ ಎಂದೂ ಕರೆಯಲಾಗುತ್ತಿತ್ತು. ಅವರು ಎಂಪೆರುಮಾನಾರ್ ನ ಸೋದರಸಂಬಂಧಿಯಾಗಿದ್ದರು ಮತ್ತು ಒಮ್ಮೆ ರಾಮಾನುಜರ್ ಅವರನ್ನು ಕೊಲ್ಲದಂತೆ ಉಳಿಸಿದರು.

ವೇದವಲ್ಲಿ : ಕೊಲ್ಲಲ್ಪಟ್ಟರೆ ? ಅಜ್ಜಿ , ರಾಮಾನುಜರ್ ಅವರ ಜೀವವು ಒಮ್ಮೆ ಮಾತ್ರ ಅಪಾಯದಲ್ಲಿದೆ ಎಂದು ನಾವು  ಭಾವಿಸಿದೆವು ಮತ್ತು ಕೂರತ್ತಾಳ್ವಾನ್ ಮತ್ತು ಪೆರಿಯ ನಂಬಿ ಅವರ ಜೀವವನ್ನು ಉಳಿಸಿದ್ದಾರೆ. ಅವರ ಜೀವನ ಎಷ್ಟು ಬಾರಿ ಅಪಾಯದಲ್ಲಿದೆ?

ಅಜ್ಜಿ : ಸಾಕಷ್ಟು ಬಾರಿ! ಸಮಯ ಬಂದಾಗ ಮತ್ತು ಯಾವಾಗ ಎಂದು ಹೇಳುತ್ತೇನೆ. ಸ್ವಂತ ಗುರು ಯಾಧವ ಪ್ರಕಾಸರ್ ಅವರನ್ನು ಕೊಲ್ಲಲು ಬಯಸಿದಾಗ ಅವರ ಜೀವನವು ಮೊದಲ ಬಾರಿಗೆ ಅಪಾಯದಲ್ಲಿದೆ. ವೇದಗಳಲ್ಲಿ  ಸೂಚಿಸಲಾದ ಅರ್ಥಗಳಿಗೆ ರಾಮಾನುಜರ್ ಮತ್ತು ಯಾಧವ ಪ್ರಕಾಸರ್ ಯಾವಾಗಲೂ ಭಿನ್ನಾಭಿಪ್ರಾಯಗಳನ್ನು ಹೊಂದಿದ್ದರು. ಯಾಧವ ಪ್ರಕಾಸರ್ ವೇದಗಳಲ್ಲಿನ ಕೆಲವು ನುಡಿಗಟ್ಟುಗಳಿಗೆ ತಪ್ಪು ಮತ್ತು ಕುಶಲತೆಯಿಂದ ಅರ್ಥಗಳನ್ನು ನೀಡುತ್ತಿದ್ದರು. ಅದನ್ನು ಕಳಿದ ರಾಮಾನುಜರಿಗೆ ಬಹಳ ಅತೃಪ್ತರಾಗಿ ನಮ್ಮಾ ವಿಶಿಷ್ಟಾದ್ವೈತ ಸಂಪ್ರದಾಯದ ಮೇರೆಗೆ ನಿಜವಾದ ಅರ್ಥಗಳನ್ನು ಹೇಳುತ್ತಿದ್ದರು. ಅದ್ವೈತಿಯಾದ ಯಾಧವ ಪ್ರಕಾಶರಿಗೆ ರಾಮಾನುಜರು ನೀಡುವ ವಿವರಣೆಗಳಿಂದ ಎಂದೂ  ಸಂತೋಷಪಡಲಿಲ್ಲ . ರಾಮಾನುಜರು  ಹೇಳಿದಂತೆ ವಿವರಣೆಗಳು ಹೆಚ್ಚು ಅರ್ಥಪೂರ್ಣವೆಂದು ಅವರು ತಿಳಿದಿದ್ದರು ಮತ್ತು ಆದ್ದರಿಂದ ಸ್ಪರ್ಧಾತ್ಮಕತೆಯನ್ನು ಅನುಭವಿಸಲು ಪ್ರಾರಂಭಿಸಿದರು. ರಾಮಾನುಜರ್ ಅವರನ್ನು ಆಚಾರ್ಯ ಸ್ಥಾನದಿಂದ ಶೀಘ್ರದಲ್ಲೇ ಹೊರಹಾಕುತ್ತಾರೆ ಎಂದು ಅವರು ಭಾವಿಸಿದರು , ಆದರೆ ರಾಮಾನುಜರ್ ಅವರಿಗೆ ಅಂತಹ ಯಾವುದೇ ಉದ್ದೇಶಗಳಿಲ್ಲ. ಇದು ಯಾಧವ ಪ್ರಕಾಶರ್ ಮನಸ್ಸಿನಲ್ಲಿ ರಾಮಾನುಜರ್ ಬಗ್ಗೆ ಅಸೂಯೆ ಮತ್ತು ದ್ವೇಷಕ್ಕೆ ಕಾರಣವಾಯಿತು. ಯಾಧವ ಪ್ರಕಾಶರ್ ಮತ್ತು ಅವನ ಶಿಷ್ಯರ ಸಂಪೂರ್ಣ ಸಭೆ ವಾರಣಾಸಿ ಯಾತ್ರೆಗೆ ಹೋದಾಗ ಅವರು ರಾಮಾನುಜರ್ ಅನ್ನು ಕೊಲ್ಲಲು ಯೋಜಿಸಿದರು. ಈ ದುರ್ಯೋಜನೆ  ಬಗ್ಗೆ ತಿಳಿದುಕೊಂಡ ಗೋವಿಂದ ಪೆರುಮಾಲ್ ಅವರು ರಾಮಾನುಜರ್ ಅವರಿಗೆ ಈ ಬಗ್ಗೆ ಮಾಹಿತಿ ನೀಡುತ್ತಾರೆ ಮತ್ತು ಗುಂಪಿನೊಂದಿಗೆ ಯಾತ್ರೆಯನ್ನು ಮುಂದುವರಿಸದಂತೆ ಎಚ್ಚರಿಕೆ ನೀಡುತ್ತಾರೆ. ಅವರು  ರಾಮಾನುಜರ್ ನನ್ನು ದಕ್ಷಿಣಕ್ಕೆ ಕಾಂಚೀಪುರಂ ಕಡೆಗೆ ಹೋಗುವಂತೆ ಹೇಳುತ್ತಾರೆ ಇದರಿಂದ ಅವನ ಜೀವ ಉಳಿಸಲಾಗುತ್ತದೆ. ರಾಮಾನುಜರು ಅದರಂತೆಯೇ ಮಾಡಿ ಅವರ ಗುರುವಿನ ಕಪಟ ಯೋಜನೆಯಿಂದ ತಪ್ಪಿಸಿ ಕೊಳ್ಳುತ್ತಾರೆ  . ಹೀಗಾಗಿ ಗೋವಿಂದ ಪೆರುಮಾಳ್ ರಾಮಾನುಜರ ಜೀವ ಉಳಿಸಿದರು .

ವ್ಯಾಸ : ಅಜ್ಜಿ , ಗೋವಿಂದ ಪೆರುಮಾಳ್ ಕೂಡ ಯಾದವ ಪ್ರಕಾಶರ ಶಿಷ್ಯರೇ ?

ಎಂಬಾರ್ – ಮಧುರಮಂಗಲಂ

ಅಜ್ಜಿ  : ಹೌದು ವ್ಯಾಸ . ರಾಮಾನುಜರು ಮತ್ತು ಗೋವಿಂದ ಪೆರುಮಾಳ್ ಇಬ್ಬರೂ ಯಾದವ ಪ್ರಕಾಶರ ಬಳಿ ಅಧ್ಯಯನ ಮಾಡುತ್ತಿದ್ದರು. ರಾಮಾನುಜರು ತನ್ನನ್ನು ಉಳಿಸಿಕೊಳ್ಳಲು ದಕ್ಷಿಣಕ್ಕೆ ಹೋಗಬೇಕಾಗಿದ್ದರೂ, ಗೋವಿಂದ ಪೆರುಮಾಳ್ ಯಾತ್ರೆಯನ್ನು ಮುಂದುವರೆಸುತ್ತಾನೆ ಮತ್ತು ಶಿವ ಭಕ್ತನಾಗಿ ಕಾಳಹಸ್ತಿ  ಎಂಬ ಪ್ರದೇಶದಲ್ಲಿ ಉಳ್ಳಂಗೈ  ಕೊಂಡ  ನಾಯನಾರ್ ಎಂದು ಪ್ರಸಿದ್ಧರಾಗುತ್ತಾರೆ. ಇದನ್ನು ತಿಳಿದುಕೊಂಡ ರಾಮಾನುಜರು , ಗೋವಿಂದ ಪೆರುಮಾಳನ್ನು ಸುಧಾರಿಸಿ ಮತ್ತೆ ನಮ್ಮ ಸಂಪ್ರದಾಯಕ್ಕೆ ತರಲು ಅವರ ಸೋದರ ಮಾವನಾದ ಪೆರಿಯ ತಿರುಮಲೈ ನಂಬಿ ಅವರನ್ನು ಕಳುಹಿಸುತ್ತಾರೆ.   ಪೆರಿಯ ತಿರುಮಲೈ ನಂಬಿಯವರು ಕಾಳಹಸ್ತಿಗೆ ಹೋಗಿ ನಮ್ಮಾಳ್ವಾರ್ ಪಾಸುರಗಳು ಮತ್ತು ಆಳವಂಧಾರರ  ಸ್ತೋತ್ರ ರತ್ನಂ ಶ್ಲೋಕಗಳಿಂದ ಗೋವಿಂದ ಪೆರುಮಾಳನ್ನು ಸುಧಾರಣೆಗೊಳಿಸಿದರು  . ಗೋವಿಂದ ಪೆರುಮಾಳ್ ಅವರ ತಪ್ಪು ಅರಿತು ಮತ್ತೆ ನಮ್ಮ ಸಂಪ್ರದಾಯಕ್ಕೆ ಮರಳಿದರು. ಆದ್ದರಿಂದ ಮಕ್ಕಳೇ , ಆಳವಂದಾರ್ ಅವರು ಪರಮಪದ ತಲುಪಿದ ನಂತರವೂ , ರಾಮಾನುಜರನ್ನು ಮಾತ್ರವಲ್ಲದೆ ಗೋವಿಂದ ಪೆರುಮಾಳನ್ನು ಕೂಡ ನಮ್ಮ ಸಂಪ್ರದಾಯಕ್ಕೆ ಕರೆತರುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಪೆರಿಯ ತಿರುಮಲೈ ನಂಬಿಯವರು ಅವರನ್ನು ಸಂಪ್ರದಾಯಕ್ಕೆ ಕರೆತಂದರಾದ್ದರಿಂದ , ಅವರು ಅವರ ಆಚಾರ್ಯನಾಗಿ ಪಂಚ ಸಂಸ್ಕಾರವನ್ನು ಮಾಡಿದರು. ಪೆರಿಯ ತಿರುಮಲೈ ನಂಬಿ ತಿರುಪತಿಗೆ ಗೋವಿಂದ ಪೇರುಮಾಳೋಡನೇ ಹಿಂತಿರುಗಿದರು ಮತ್ತು ಗೋವಿಂದ ಪೆರುಮಾಳ್ ಅವರ ಆಚಾರ್ಯನಿಗೆ ಕೈಂಕರ್ಯಗಳನ್ನು ಮಾಡಲು ಮುಂದುವರೆಸಿದರು . ಇಲ್ಲಿ, ನೀವು ಎಲ್ಲರೂ ಗಮನಿಸಬೇಕಾದ ಬಹಳ ಮುಖ್ಯವಾದ ವಿಷಯವಿದೆ.  ಇಲ್ಲಿ ನೀವು ಗಮನಿಸಬೇಕಾದ ವಿಷಯವೇನೆಂದರೆ ರಾಮಾನುಜರು ಮತ್ತು ಪೆರಿಯ ತಿರುಮಲೈ ನಂಬಿಯವರು ಗೋವಿಂದ ಪೆರುಮಾಳನ್ನು ಸುಧಾರಿಸಲು ಹೋದರೂ ಆದರೆ ಗೋವಿಂದ ಪೆರುಮಾಳ್  ಅವರನ್ನು ಈ ವಿಷಯವಾಗಿ ಎಂದಿಗೂ ಸಂಪರ್ಕಿಸಲಿಲ್ಲ . ಅಂತಹ ಅಚಾರ್ಯರು ತಮ್ಮ ಶಿಷ್ಯರ ಕಡೆಗೆ ತಮ್ಮ ಸುಧಾರಣೆಗಾಗಿ ತಲುಪುತ್ತಾರೆ ಮತ್ತು ಅವರ ಶಿಷ್ಯರ ಒಳ್ಳೆಯತನಕ್ಕಾಗಿ ಬಹಳ ಕಾಳಜಿ ವಹಿಸುತ್ತಾರೆ. ಅವರನ್ನು ಕೃಪಾ ಮಾತ್ರಾ ಪ್ರಸನ್ನ ಆಚಾರ್ಯರು ಎಂದು ಕರೆಯಲಾಗುತ್ತದೆ. ಅವರು ಸ್ವತಃ ತಮ್ಮ ಶಿಷ್ಯರನ್ನು ಎಂಪೆರುಮಾನಂತೆಯೇ ಶುದ್ಧವಾದ , ಕಾರಣವಿಲ್ಲದ ಕರುಣೆಯಿಂದ ಸಂಪರ್ಕಿಸುತ್ತಾರೆ. ರಾಮಾನುಜರ್ ಮತ್ತು ಪೆರಿಯ ತಿರುಮಲೈ ನಂಬಿ ಇಬ್ಬರೂ ಗೋವಿಂದ ಪೆರುಮಾಳ್ ಗಾಗಿ ಕೃಪಾ ಮಾತ್ರ ಪ್ರಸನ್ನ ಆಚಾರ್ಯರು.        

ಪರಾಶರ : ಅಜ್ಜಿ , ನಮಗೆ ಗೋವಿಂದ ಪೆರುಮಾಳ್ ಬಗ್ಗೆ ಹೆಚ್ಚಿಗೆ ಹೇಳಿ. ಅವರು ಮಾಡಿದ  ಕೈಂಕರ್ಯಗಳೇನು?

 ಅಜ್ಜಿ : ಗೋವಿಂದ ಪೆರುಮಾಳ್  ಅವರ ಆಚಾರ್ಯನ್ ಪೆರಿಯ ತಿರುಮಲೈ ನಂಬಿಗಾಗಿ ಆಚಾರ್ಯ ಅಭಿಮಾನಮ್ ಅನ್ನು ತೋರಿಸಿದ ಅನೇಕ ಘಟನೆಗಳು ಇವೆ. ಒಮ್ಮೆ, ಗೋವಿಂದ ಪೆರುಮಾಳ್  ಪೆರಿಯ ತಿರುಮಲೈ ನಂಬಿಗಾಗಿ ಹಾಸಿಗೆಯನ್ನು ತಯಾರಿಸುತ್ತಿದ್ದಾಗ, ಅವನ ಆಚಾರ್ಯ ಅದರ ಮೇಲೆ ಮಲಗುವ ಮೊದಲು ಅವನು ಹಾಸಿಗೆಯ ಮೇಲೆ ಮಲಗುತ್ತಾನೆ. ನಂಬಿ ಅದರ ಬಗ್ಗೆ ಗೋವಿಂದ ಪೆರುಮಾಳ್  ಅವರಿಂದ ವಿಚಾರಿಸುತ್ತಾರೆ . ಈ ಕೃತ್ಯಕ್ಕಾಗಿ ಅವನು ನರಕಕ್ಕೆ  ಹೋಗಬಹುದೆಂದು ತಿಳಿದಿದ್ದರೂ, ಅವನ ಆಚಾರ್ಯನ್  ಹಾಸಿಗೆ ಸುರಕ್ಷಿತ ಮತ್ತು ಮಲಗಲು ಅನುಕೂಲಕರವಾಗಿರುವವರೆಗೂ ಅವನ ಮನಸ್ಸಿಗೆ ತೃಪ್ತಿಯಿಲ್ಲ  ಎಂದು ಗೋವಿಂದ ಪೆರುಮಾಳ್  ಉತ್ತರಿಸುತ್ತಾನೆ. ಆಚಾರ್ಯ ಅಭಿಮಾನಮ್ ಅವರು ತಮ್ಮ ಬಗ್ಗೆ ತಲೆಕೆಡಿಸಿಕೊಳ್ಳದಿರುವ ಸ್ತಾಯಿ ಹೊಂದಿತ್ತು  ಮತ್ತು ಅವರ ಆಚಾರ್ಯ  ಅವರ ತಿರುಮೇನಿ ಬಗ್ಗೆ  ಅತ್ಯಂತ ಕಾಳಜಿ ವಹಿಸುತ್ತಾರೆ ಎಂದು ಇದು ತೋರಿಸುತ್ತದೆ . ಪೆರಿಯ ತಿರುಮಲೈ ನಂಬಿಯಿಂದ ಶ್ರೀ ರಾಮಾಯಣಂ ಸಾರವನ್ನು ಕಲಿಯಲು ರಾಮಾನುಜರ್ ತಿರುಪತಿಗೆ ಬರುವ ಸಮಯ ಬಂದಿತು. ಒಂದು ವರ್ಷ ನಂಬಿಯಿಂದ ಅದನ್ನು ಕಲಿತ ನಂತರ, ನಿರ್ಗಮಿಸುವಾಗ, ನಂಬಿ ರಾಮಾನುಜರ್‌ಗೆ ಏನನ್ನಾದರೂ ನೀಡಲು ಮುಂದಾಗುತ್ತಾರೆ ಆಗ  ರಾಮಾನುಜರ್ ಅವರು ಗೋವಿಂದ ಪೆರುಮಾಳ್  ಅನ್ನು ಕೇಳುತ್ತಾರೆ ಮತ್ತು ನಂಬಿ ಸಹ ಸಂತೋಷದಿಂದ ಗೋವಿಂದ ಪೆರುಮಾಳ್  ಅನ್ನು ರಾಮಾನುಜರ್ ಗೆ ಕೈಂಕರ್ಯಂಗೆ ನೀಡಲು ಒಪ್ಪುತ್ತಾರೆ. ಇದನ್ನು ತಿಳಿದುಕೊಂಡಾಗ, ಗೋವಿಂದ ಪೆರುಮಾಳ್  ಅವರು ಪೆರಿಯ ತಿರುಮಲೈ ನಂಬಿಯನ್ನು ಅಗಲಿ ಹೋಗಲು ಬೇಸರ ವ್ಯಕ್ತಪಡಿಸುತ್ತಾರೆ.

ವ್ಯಾಸ : ಅಜ್ಜಿ, ನಂಬಿಯವರು ಏಕೆ ಗೋವಿಂದ ಪೆರುಮಾಳನ್ನು ನೀಡಿದರು? ಗೋವಿಂದ ಪೆರುಮಾಳ್ ಅವರು ತಮ್ಮ ಆಚಾರ್ಯರಿಗೆ ಕೈಂಕರ್ಯಂ ಮಾಡುವುದರಲ್ಲಿ ಸಂತೋಷವಾಗಿದ್ದರೆ ಏಕೆ ಹೊರಡಬೇಕಾಯಿತು?

ಅಜ್ಜಿ : ವ್ಯಾಸ , ರಾಮಾನುಜರಿಗೆ ವಿವಿಧ ಕೈಂಕರ್ಯಗಳನ್ನು ಮಾಡುವ ಮೂಲಕ ನಮ್ಮ ಸಂಪ್ರದಾಯದಲ್ಲಿ ಹೆಚ್ಚಿನ ಪಾತ್ರವನ್ನು ವಹಿಸಬೇಕಾಯಿತು. ಅವರ ಬಾಲ್ಯದಿಂದ , ರಾಮಾನುಜರ್ ಕಡೆಗೆ ಅತ್ಯಂತ ಪ್ರೀತಿ ವಾತ್ಸಲ್ಯ ಹೊಂದಿದ್ದರು. ರಾಮಾನುಜರು ಪರಮಪದ  ಸೇರಿದ ನಂತರ ಅವರು ಪರಾಶರ ಭಟ್ಟರ್ ಮತ್ತು ರಾಮಾನುಜರ ಹಲವಾರು  ಶಿಷ್ಯರನ್ನು ಸ್ವೀಕರಿಸಿ ಮಾರ್ಗದರ್ಶಣೆ ನೀಡಬೇಕಾಯಿತು. ಇಂತಹ ಕರ್ತವ್ಯ ಜವಾಬ್ದಾರಿಗಳು ಇದ್ದರಿಂದ ಅವರು ತಮ್ಮ ಆಚಾರ್ಯನ್ ಅನ್ನು ತೊರೆಯುವ ತ್ಯಾಗ ಮಾಡಿ ರಾಮಾನುಜರನ್ನು ಅವರ ಮಾರ್ಗದರ್ಶಕರಾಗಿ ಸ್ವೀಕರಿಸಿದರು.ನಂತರ ಅವರು ರಾಮಾನುಜರನ್ನು ತಮ್ಮ ಸರ್ವಸ್ವ ಎಂದು ಸ್ವೀಕರಿಸಿ ರಾಮಾನುಜರ್ ತಿರುಮೇನಿ ಚಿತ್ರಿಸುವ ಅದ್ಭುತವಾದ ಸುಂದರ ಪಾಸುರಂ ರಚಿಸಿದರು. ಅದು “ಎಂಪೆರುಮಾನಾರ್ ವಡಿವಳಗು  ಪಾಸುರಂ “ ಕಳೆದ ಬಾರಿ ನಾನು ನಿಮಗೆ ಹೇಳಿದಂತೆ , ಸಂಪ್ರದಾಯ ವಿಷಯಕ್ಕೆ ಬಂದಾಗ, ಹೆಚ್ಚಿನ ಒಳಿತಿಗಾಗಿ ತ್ಯಾಗ ಮಾಡಲು ನೀವು ಸಿದ್ಧರಾಗಿರಬೇಕು. ಗೋವಿಂದ ಪೆರುಮಾಲ್ ಕೂಡ ಹಾಗೆ.

ಅತ್ತುಳಾಯ್  : ಗೋವಿಂದ ಪೆರುಮಾಳ್ ಮದುವೆಯಾದರೆ ? ಅವರಿಗೆ ಮಕ್ಕಳಿದ್ದರೆ ?

ಅಜ್ಜಿ : ಗೋವಿಂದ ಪೆರುಮಾಳ್ ಸದಾ ಭಗವತ್  ವಿಷಯದಲ್ಲಿ  ಭಾಗಿಯಾಗಿ ಅವರು ಎಲ್ಲರಲ್ಲೂ ಎಂಪೆರುಮಾನ್ ಅನ್ನು  ಕಾಣುತ್ತಿದ್ದರು .ಅವರು ಮದುವೆಯಾಗಿದ್ದರೂ  ಸಹ ಭಾಗವತ ವಿಷಯದಲ್ಲಿ ಅವರ ಉನ್ನತ ಸ್ಥಾನ ವನ್ನು ಗಣಿಸಿ ಎಂಪೆರುಮಾನಾರ್ ಸ್ವತಃ ಗೋವಿಂದ ಪೆರುಮಾಳನ್ನು ಸನ್ಯಾಸ ಆಶ್ರಮಕ್ಕೆ  ಬಳಕೆಗೆ ತಂದು ಅವರಿಗೆ ಎಂಬಾರ್ ಎಂದು ಹೆಸರಿಟ್ಟರು . ಅವರ ಅಂತಿಮ ಕಾಲಘಟ್ಟದಲ್ಲಿ , ಎಂಬಾರ್, ಪರಾಶರ ಭಟ್ಟರಿಗೆ ನಮ್ಮ ಸುಂದರ ಶ್ರೀವೈಷ್ಣವ ಸಂಪ್ರದಾಯವನ್ನು ಮುಂದುವರಿಸಲು ಸೂಚಿಸುತ್ತಾರೆ .  ಸದಾ ಎಂಪೆರುಮಾನಾರ್ ಪಾದ ಕಮಲಗಳನ್ನು  ಧ್ಯಾನಿಸುತ್ತ “ಎಂಪೆರುಮಾನಾರ್ ತಿರುವಡಿಗಳೇ  ತಂಜಮ್ “ ಎಂದು ಪಠಿಸಲು  ಸೂಚಿಸುತ್ತಾರೆ.  ಅವರ ಆಚಾರ್ಯನ್ ಪಾದಕಮಲಗಳಲ್ಲಿ ಧ್ಯಾನಿಸುತ್ತಾ ಆಚಾರ್ಯನಿಗೆ ಮಾಡಿದ ವಾಗ್ದಾನಗಳನ್ನು ಪೂರೈಸಿ , ಎಂಬಾರ್ ಆಚಾರ್ಯನಿಗೆ ಕೈಂಕರ್ಯ ಮುಂದುವರಿಸಲು ಪರಮಪದಂ ಸೇರಿದರು.  ಭಟ್ಟರ್ ತನ್ನ ಆಚಾರ್ಯನ್ ಹೆಜ್ಜೆಗಳನ್ನು ಅನುಸರಿಸುತ್ತಾ ಮತ್ತು ನಮ್ಮ ಸಂಪ್ರಾದಾಯಂ ನ ಕಳಂಕವಿಲ್ಲದ  ಮತ್ತು ಪ್ರಕಾಶಮಾನವಾದ ಪರಂಪರೆಯನ್ನು ಮುಂದುವರಿಸುತ್ತಾನೆ.

ವೇದವಲ್ಲಿ : ಅಜ್ಜಿ , ಭಟ್ಟರ್ ಬಗ್ಗೆ ಇನ್ನಷ್ಟು ಹೇಳಿ .

ಅಜ್ಜಿ : ಮುಂದಿನ ಬಾರಿ ನೀವು ಭೇಟಿ ನೀಡಿದಾಗ ಭಟ್ಟರ್ ಬಗ್ಗೆ ಹೆಚ್ಚಿನದನ್ನು ಹೇಳುತ್ತೇನೆ. ಹೊರಗೆ ಕತ್ತಲು ಬರುತ್ತಿರುವುದರಿಂದ ಈಗ ಮನೆಗೆ ಹೋಗಿ. ಮತ್ತು ನಾಳೆ ಆಳವಂಧಾರ ತಿರುನಕ್ಷತ್ರಕ್ಕಾಗಿ ದೇವಸ್ಥಾನಕ್ಕೆ ಭೇಟಿ ನೀಡಲು ಮರೆಯಬೇಡಿ.

ಮಕ್ಕಳು ತಮ್ಮ ಮನೆಗಳಿಗೆ ಆಳವಂಧಾರ, ಪೆರಿಯ ತಿರುಮಲೈ ನಂಬಿ, ರಾಮಾನುಜರ್ ಮತ್ತು ಎಂಬಾರ್ ಬಗ್ಗೆ ಯೋಚಿಸುತ್ತಾ ಹೊರಡುತ್ತಾರೆ.

ಅಡಿಯೇನ್ ರಂಗನಾಯಕಿ ರಾಮಾನುಜ ದಾಸಿ

ಮೂಲ: http://pillai.koyil.org/index.php/2016/08/beginners-guide-embar/

ಆರ್ಕೈವ್ ಮಾಡಲಾಗಿದೆ :  http://pillai.koyil.org 

ಪ್ರಮೇಯಂ (ಲಕ್ಷ್ಯ) – http://koyil.org
ಪ್ರಮಾಣಂ (ಶಾಸ್ತ್ರ ) – http://granthams.koyil.org
ಪ್ರಮಾತಾ (ಪೂರ್ವಾಚಾರ್ಯರು ) – http://acharyas.koyil.org
ಶ್ರೀವೈಷ್ಣವ ಶಿಕ್ಷಣ/ಮಕ್ಕಳ ಪೋರ್ಟಲ್ – http://pillai.koyil.org

ಶ್ರೀವೈಷ್ಣವಮ್ – ಆರಂಭಿಗರ ಕೈಪಿಡಿ – ರಾಮಾನುಜರ್ – ಭಾಗ 2

Published by:

ಶ್ರೀಃ ಶ್ರೀಮತೇ ಶಠಕೋಪಾಯ ನಮಃ ಶ್ರೀಮತೇ ರಾಮಾನುಜಾಯ ನಮಃ ಶ್ರೀಮತ್ ವರವರಮುನಯೇ ನಮಃ

ಪೂರ್ಣ‌ ‌ಸರಣಿ‌

ರಾಮಾನುಜರ್ – ಭಾಗ 1

ಪರಾಶರ, ವ್ಯಾಸ, ವೇದವಲ್ಲಿ  ಮತ್ತು ಅತ್ತುೞಾಯ್ ಆಂಡಾಳಜ್ಜಿ ಮನೆಗೆ ಬರುತ್ತಾರೆ.

 ಪರಾಶರ: ಅಜ್ಜಿ , ನಿನ್ನೆ ನೀವು ರಾಮಾನುಜರ್ ಅವರ ಜೀವನದ ಬಗ್ಗೆ ಮತ್ತು ಅವರ ಎಲ್ಲಾ ಶಿಷ್ಯರ ಜೀವನದ ಬಗ್ಗೆ ನಮಗೆ ತಿಳಿಸುತ್ತೀರಿ ಎಂದು ಹೇಳಿದ್ದೀರಿ.

ಅಜ್ಜಿ: ಅವರ ಶಿಷ್ಯರ ಬಗ್ಗೆ ಹೇಳುವ ಮೊದಲು , ನಾವು ರಾಮ್ಅನುಜರ್ ಅವರ ಒಂದು ವಿಶೇಷ ವಿಶೇಷ ಅಂಶವನ್ನೂ ತಿಳಿದುಕೊಳ್ಳಬೇಕು. ಅಂದರೆ, ಅವರ ದೈಹಿಕ ನೋಟಕ್ಕೂ ಮುಂಚೆಯೇ, ನಮ್ಮಾೞ್ವಾರ್ ಅವರು ಸುಮಾರು 5000 ವರ್ಷಗಳ ಹಿಂದೆ ಮಧುರಕವಿ ಆೞ್ವಾರ್ ಮತ್ತು ನಂತರ ನಾಥಮುನಿಗಳ್  ಅವರಿಗೆ  ಮುನ್ಸೂಚಿಸಿದರು. ಎಂಪೆರುಮಾನಾರ್ ನ  ವೈಭವವನ್ನು ಸಂಪೂರ್ಣವಾಗಿ ಬಹಿರಂಗಪಡಿಸುವ ಚರಮೋಪಾಯ ನಿರ್ಣಯಂ ಎಂಬ ದೊಡ್ಡ ಗ್ರಂಥ ಇದೆ – ಈ ಪುಸ್ತಕವು ನಮ್ಮಾೞ್ವಾರ್  –  ನಾಥಮುನಿಗಳ್  ಸಂಭಾಷಣೆ ಮತ್ತು ಎಂಪೆರುಮಾನಾರ್ ನ ಅವತಾರವನ್ನು ಬಹಿರಂಗವಾಗಿ ಧಾಖಲಿಸುತ್ತದೆ. ನಮ್ಮಾೞ್ವಾರ್  ಮಧುರಕವಿ ಆೞ್ವಾರ್ಗೆ ನೀಡಿದ  ಎಂಪೆರುಮಾನಾರ್ ನ ದೈವಿಕ ವಿಗ್ರಹವನ್ನು  ಇನ್ನೂ ಆೞ್ವಾರ್ ತಿರುನಗರಿಯ ಭವಿಷ್ಯದಾಚಾರ್ಯನ್ ಸನ್ನಿಧಿಯಲ್ಲಿ ಪೂಜಿಸಲಾಗುತ್ತದೆ.

ರಾಮಾನುಜರ್ – ಆೞ್ವಾರ್ ತಿರುನಗರಿ

ವ್ಯಾಸ :ವಾಹ್! ಅಂದರೆ , ಆೞ್ವಾರ್ ಮತ್ತು ಕೆಲವು ಆಚಾರ್ಯರು ಈಗಾಗಲೇ ಅವರ ಜನ್ಮವನ್ನು ತಿಳಿದಿದ್ದರು. ಅದು ಅದ್ಭುತ ಅಜ್ಜಿ . ದಯವಿಟ್ಟು ಅವರ ಜೀವನವನ್ನು ಇನ್ನಷ್ಟು ಮುಂದುವರಿಸಿ.

ಅಜ್ಜಿ : ಹೌದು, ರಾಮಾನುಜರು ವೈಷ್ಣವ ತತ್ತ್ವಶಾಸ್ತ್ರವನ್ನು ಪ್ರಚಾರ ಮಾಡಲು ನಮ್ಮ ದೇಶದ ಉದ್ದ ಮತ್ತು ಅಗಲವನ್ನು ಪ್ರಯಾಣಿಸಿದರು, ಕೆಲವೊಮ್ಮೆ ಯಾವುದೇ ಹೋರಾಟವಿಲ್ಲದೆ ಆದರೆ ಇತರ ಕಡೆಯಿಂದ ಸಾಕಷ್ಟು ಪ್ರತಿರೋಧವನ್ನು ಹೊಂದಿದ್ದರು. ರಾಮಾನುಜರು ತನ್ನ ಜ್ಞಾನ ಮತ್ತು ಪ್ರೀತಿಯಿಂದ ಎಲ್ಲ ಜನರನ್ನು ಗೆದ್ದರು . ಅವರು ಕಾಂಚೀಪುರಂ ನಲ್ಲಿದ್ದಾಗ, ಅವರು ತಂಜಮ್ಮಾಳ್ ಅವರನ್ನು ಮದುವೆಯಾದರು ಆದರೆ ನಂತರ ಧೇವ ಪೆರುಮಾಳ್ ನಿಂದ ಸನ್ಯಾಸಾಶ್ರಮ ಅನ್ನು ಸ್ವೀಕರಿಸುತ್ತಾರೆ. ರಾಮಾನುಜರು , ಅವನು ತನ್ನ ಸೋದರಳಿಯ, ಮುಧಲಿಯಾಂಡಾನ್  ಹೊರತುಪಡಿಸಿ ತನ್ನ ಜೀವನದಲ್ಲಿ ತನ್ನ ಎಲ್ಲ ವಸ್ತುಗಳನ್ನು ತ್ಯಜಿಸುವುದಾಗಿ ಭರವಸೆ ನೀಡಿ ಸನ್ಯಾಸಾಶ್ರಮ ಅನ್ನು ಸ್ವೀಕರಿಸುತ್ತಾರೆ .

ವ್ಯಾಸ : ಅಜ್ಜಿ , ಅವರು  ಯಾಕೆ ಮದುವೆಯಾಗಿ ನಂತರ ಸನ್ಯಾಸಾಶ್ರಮ ಅನ್ನು ಸ್ವೀಕರಿಸಿದರು ?  ಅವರು  ಮದುವೆಯಾಗಿರುವಾಗಲೇ  ಮತ್ತು ಅವರು  ಮಾಡಿದ ಎಲ್ಲಾ ಕೈಂಕರ್ಯಗಳನ್ನು ಏಕೆ ಮಾಡಬಾರದು?

ಅಜ್ಜಿ : ವ್ಯಾಸ , ಇದಕ್ಕೆ ಹಲವು ಕಾರಣಗಳಿವೆ. ಒಂದು, ಅವರ  ಮತ್ತು ಅವರ  ಹೆಂಡತಿಯ ನಡುವೆ ಕೆಲವು ಭಿನ್ನಾಭಿಪ್ರಾಯಗಳಿದ್ದವು , ಎರಡು, ಉನ್ನತ ಕಾರಣಕ್ಕಾಗಿ ನೀವು ಯಾವಾಗಲೂ ಕೆಲವು ತ್ಯಾಗಗಳನ್ನು ಮಾಡಲು ಸಿದ್ಧರಿರಬೇಕು. ನಾವೆಲ್ಲರೂ ತಿಳಿದಿರುವಂತೆ, ವೈಷ್ಣವ ತತ್ತ್ವಶಾಸ್ತ್ರವನ್ನು ಪ್ರಚಾರ ಮಾಡುವ ಮೂಲಕ ನಮ್ಮ ದೇಶದ ಉದ್ದಗಲಕ್ಕು  ಗೆಲ್ಲುವ ಜವಾಬ್ದಾರಿಯನ್ನು ಅವರು ಹೆಗಲಿಗೆ ಹಾಕಿದರು. ಉದಾ., ನಮ್ಮ ದೇಶದ ಸೈನಿಕರು ನಮ್ಮ ದೇಶವನ್ನು ಕಾಪಾಡುತ್ತಾರೆ, ಅವರ ಕುಟುಂಬಗಳನ್ನು ಮತ್ತು ಆತ್ಮೀಯರನ್ನು ಬಿಟ್ಟು ಹೆಚ್ಚಿನ ಜವಾಬ್ದಾರಿಯನ್ನು ಹೊಂದಿರುತ್ತಾರೆ. ದೇಶವನ್ನು ಕಾಪಾಡುವುದು ಎಂಬುವುದು  ಬಹಳ ಒಳ್ಳೆಯ ಕಾರಣ . ಅಂತೆಯೇ, ರಾಮಾನುಜರ ಮನಸ್ಸಿನಲ್ಲಿ ಉನ್ನತ ಕಾರಣವಿತ್ತು. ವೇದಗಳ ನಿಜವಾದ ಸಾರವನ್ನು ಉನ್ನತಿಗೇರಿಸುವುದು ತನ್ನ ಉದ್ದೇಶ ಎಂದು ಅವರಿಗೆ ತಿಳಿದಿತ್ತು. ಆದ್ದರಿಂದ ಅವರು ಸನ್ಯಾಸಾಶ್ರಮ ಅನ್ನು ಸ್ವೀಕರಿಸಿದರು. ಅವರು ಜೀಯರ್ ಆದ ಕೂಡಲೇ, ಮುಧಲಿಯಾಂಡಾನ್ ಮತ್ತು ಕೂರತ್‌ ಆೞ್ವಾನ್ ರಂತಹ ಮಹಾನ್ ವಿದ್ವಾಂಸರು ರಾಮಾನುಜರ ಶಿಷ್ಯರಾಗುತ್ತಾರೆ.

ಅತ್ತುೞಾಯ್: ಇಷ್ಟು ದೊಡ್ಡ ಜವಾಬ್ದಾರಿಯನ್ನು ತೆಗೆದುಕೊಳ್ಳುವುದು ಹೊರೆಯಲ್ಲವೇ? ರಾಮಾನುಜರು  ಇದನ್ನು ಹೇಗೆ ಒಂಟಿಯಾಗಿ ಮಾಡಿದರು ?  ಅಜ್ಜಿ : ಇಲ್ಲ ಅತ್ತುೞಾಯ್! ಅದು ಯಾವುದೇ ಹೊರೆಯಾಗಿರಲಿಲ್ಲ. ನಿಮ್ಮ ಕೆಲಸದ ಬಗ್ಗೆ ನೀವು ಆಸಕ್ತಿ ಹೊಂದಿರುವಾಗ, ನೀವು ಅದನ್ನು ಎಂದಿಗೂ ಹೊರೆಯಾಗಿ ಕಾಣುವುದಿಲ್ಲ. ಇದಲ್ಲದೆ, ರಾಮಾನುಜರು  ಎಂದಿಗೂ ಒಬ್ಬಂಟಿಯಾಗಿರಲಿಲ್ಲ. ಅವರೊಂದಿಗೆ ಯಾವಾಗಲೂ ಮುಧಲಿಯಾಂಡಾನ್, ಕೂರತ್‌ ಆೞ್ವಾನ್, ಎಂಬಾರ್, ಅನಂತ್ ಆೞ್ವಾನ್ ,ಕಿಡಂಬಿ ಆಚ್ಚಾನ್  , ವಡುಗ ನಂಬಿಪಿಳ್ಳೈ, ಉರಂಗಾವಿಲ್ಲಿ ದಾಸರ್  ಮುಂತಾದ ಮಹಾನ್ ಶಿಷ್ಯರು ಅವರ ಸಾಧನೆಗಳ ಪ್ರಯಾಣದ ಮೂಲಕ ಅವರು ಅವರೊಂದಿಗೆ ಇದ್ದರು . ರಾಮಾನುಜರನ್ನು ನೋಯಿಸಲು ಮತ್ತು ಅವರನ್ನು ಕೊಲ್ಲಲು ಅನೇಕ ಪ್ರಯತ್ನಗಳು ನಡೆದವು. ಅಂತಹ ಸಂದರ್ಭಗಳಲ್ಲಿ, ಶಿಷ್ಯರು ಎಂಬಾರ್ ಮತ್ತು ಕುರಥಾ ಅಜ್ವಾನ್ ಅವರ ಅಚಾರ್ಯರ ಜೀವವನ್ನು ಉಳಿಸಲು ತಮ್ಮ ಪ್ರಾಣವನ್ನು ಅಪಾಯಕ್ಕೆ ದೂಡುತ್ತಾರೆ. ಕೂರತ್‌ ಆೞ್ವಾನ್ ಮತ್ತು ಪೆರಿಯ ನಂಬಿ ಶೈವ ಚಕ್ರವರ್ತಿಯ ರಾಜ್ಯಕ್ಕೆ ಹೋಗಿ ದೃಷ್ಟಿ ಕಳೆದುಕೊಂಡಿರುವುದು ನಿಮಗೆಲ್ಲರಿಗೂ ನೆನಪಿದೆಯೇ ? ಅಂತಹ ಮಹಾನ್ ಶಿಷ್ಯರ ಸುತ್ತಲೂ, ಅನೇಕ ದೇವಾಲಯಗಳಲ್ಲಿ ಸರಿಯಾದ ದೇವಾಲಯದ ಆಡಳಿತವನ್ನು ಪುನಃ ಸ್ಥಾಪಿಸುವಲ್ಲಿ ಕೂಡ ರಾಮಾನುಜರು ಹೆಚ್ಚಿನ ಕಾಳಜಿ ವಹಿಸಿದರು.

ರಾಮಾನುಜರ್ -ಶ್ರೀರಂಗಂ

ವೇದವಲ್ಲಿ : ಹೌದು ಅಜ್ಜಿ , ಶ್ರೀರಂಗಂ ಮತ್ತು ತಿರುಪತಿಯಂತಹ ಅನೇಕ ದೇವಾಲಯಗಳಲ್ಲಿ ಸ್ಥಾಪಿಸಲಾದ ಎಲ್ಲಾ ದೇವಾಲಯದ ನಿಯಮಗಳು ಮತ್ತು ಪದ್ಧತಿಗಳನ್ನು ರಾಮಾನುಜರ್ ಸ್ಥಾಪಿಸಿದ್ದಾರೆ ಎಂದು ನಾನು ಕೇಳಿದೆ. ಇದರ ಬಗ್ಗೆ ನೀವು ನಮಗೆ ಹೆಚ್ಚು ಹೇಳಬಲ್ಲಿರಾ?

ಅಜ್ಜಿ : ಅದು ಸರಿ ವೇದವಲ್ಲಿ. ಅವರು ಕೇವಲ ವೇದಗಳಲ್ಲಿ ಹೇಳಿರುವ ಪದ್ಧತಿಗಳನ್ನು ಪುನಃ ಜಾರಿಗೊಳಿಸಿದರು . ಎಲ್ಲಾ ಪದ್ಧತಿಗಳನ್ನು ನಿಗದಿತ ರೀತಿಯಲ್ಲಿ ಅನುಸರಿಸಲಾಗಿದೆಯೆಂದು ಅವರು ಗಮನಿಸಿ ಮತ್ತು ಅವುಗಳನ್ನು ಸ್ಥಾಪಿಸುವಲ್ಲಿ ಹೆಚ್ಚಿನ ಕಾಳಜಿ ವಹಿಸಿದರು. ಶ್ರೀರಂಗಂನಲ್ಲಿ, ದೇವಾಲಯವನ್ನು ಪೆರಿಯ ಕೋಯಿಲ್ ನಂಬಿ ಎಂಬವರಿಂದ  ರಕ್ಷಿಸಲಾಗಿತ್ತು . ನಾನು ಮೊದಲು ಹೇಳಿದಂತೆ ,ರಾಮಾನುಜರ್ ದೇವಾಲಯದ ಆಡಳಿತವನ್ನು ಅಗತ್ಯವಿದ್ದ ಬದಲಾವಣೆಗಳನ್ನು ಮಾಡಲು ಪೆರಿಯಕೋಯಿಲ್ ನಂಬಿಯಿಂದ  ತಕ್ಷಣದ ಅನುಮೋದನೆ ಪಡೆಯಲು ಆಗಲಿಲ್ಲ. ರಾಮಾನುಜರ್ ಅವರು ಶ್ರೀ ವೈಶ್ನವಂನ ಸಿದ್ದಾಂತಗಳನ್ನು ಪೆರಿಯ ಕೋಯಿಲ್ ನಂಬಿಗೆ  ಮಾರ್ಗದರ್ಶನ ಮಾಡಲು ಮತ್ತು ಶಿಕ್ಷಣ ನೀಡಲು ಕೂರತ್‌ ಆೞ್ವಾನ್ ಅನ್ನು ಕಳುಹಿಸಬೇಕಾಗಿತ್ತು ಮತ್ತು ದೇವಾಲಯದ ಆಡಳಿತದಲ್ಲಿನ ಬದಲಾವಣೆಗಳ ಯೋಜನೆಯನ್ನು ಮುಂದುವರಿಸಲಾಯಿತು.  . ಪೆರಿಯ ಕೋಯಿಲ್ ನಂಬಿ, ಆೞ್ವಾನ್ ಮಾರ್ಗದರ್ಶನ ಮಾಡಿದ ನಂತರ, ರಾಮಾನುಜರ್ ಗೆ ಶರಣಾಗುತ್ತಾರೆ  ಮತ್ತು ನಂತರ ಅವರಿಗೆ ತಿರುವರಂಗತ್ತು  ಅಮುಧನಾರ್ ಎಂದು ಮರುನಾಮಕರಣ ಮಾಡಲಾಯಿತು . ನಂತರ ಅವರು ರಾಮಾನುಜರ್ ನನ್ನು ಹೊಗಳುತ್ತಾ ರಾಮಾನುಜ ನೂಱ್ಱಂದಾದಿ ರಚಿಸಿದರು  . ತಿರುವೇಂಕಟಮುಡೇಯಾನ್ ಅವರನ್ನು ವಿಷ್ಣು ಭಗವಾನ್ ಎಂದು ಗುರುತಿಸುವುದು ರಾಮಾನುಜರ್ ಅವರಿಂದ ಮಾಡಲ್ಪಟ್ಟಿದೆ ಎಂದು ನಿಮಗೆ ತಿಳಿದಿದೆಯೇ ಮತ್ತು ಅದಲ್ಲವೆಂದು ಹಕ್ಕು ಸಾಧಿಸುವ ಇತರ ಪಂಗಡಗಳೂ ಇದ್ದರು ? 

ರಾಮಾನುಜರ್ – ತಿರುಮಲೈ

ಪರಾಶರ : ಏನು? ನಾವು ತಿರುವೇಂಕಟಮುಡೇಯಾನ್ ಸ್ವತಃ  ವಿಷ್ಣು ಬಿಟ್ಟು ಬೇರೆ ಅಲ್ಲ ಎಂದು ತಿಳಿದಿದ್ದೇವೆ. ಆ ಬಗ್ಗೆ ಅವರಿಗೆ ಯಾವಾಗ ಅನುಮಾನವಿತ್ತು? ಅಜ್ಜಿ : ಹೌದು! ತಿರುವೇಂಕಟಮುಡೇಯಾನ್ ಸ್ವತಃ ಭಗವಾನ್ ವಿಷ್ಣು. ಆದರೆ ಅದಲ್ಲವೆಂದು ಹಕ್ಕು ಸಾಧಿಸುವವರು ಕೆಲವರು ಇದ್ದರು. ಕೆಲವರು ಅವರು ರುದ್ರನ್ ಮತ್ತು  ಸ್ಕಂಧನ್ (ಸುಬ್ರಮಣ್ಯ) ಅವತಾರ  ಎಂದು ಹೇಳಿದರು. ರಾಮಾನುಜರು ಆ ವಿಷಯ ಕೇಳಿದ ತಕ್ಷಣ ತಿರುಪತಿಗೆ ಪ್ರಯಾಣಿಸಿದರು . ಅವರು  ಈ ಘಟನೆಗಳಿಂದ  ತುಂಬಾ ಅಸಮಾಧಾನ ಹೊಂದಿದ್ದರು ಮತ್ತು ತಿರುವೇಂಕಟಮುಡೇಯಾನ್ ಅವರ ಸ್ವಸ್ವರೂಪದ ಸತ್ಯವನ್ನು ಸ್ಥಾಪಿಸಿದರು, ಅವರು ಬೇರೆ ಯಾರೂ ಅಲ್ಲ ಎಂದು ಶಂಖು  ಮತ್ತು ಚಕ್ರದೊಂದಿಗೆ ಭಗವಾನ್ ಶ್ರೀಮಾನ್ ನಾರಾಯಣ  ಎಂದು ಸ್ಥಾಪಿಸಿದರು . ಆದ್ದರಿಂದ, ತಿರುಪತಿಯಲ್ಲಿ, ರಾಮಾನುಜರು ದೇವಾಲಯದ ಆಡಳಿತವನ್ನು ಸ್ಥಾಪಿಸುವುದಕ್ಕಿಂತ ಹೆಚ್ಚಿನದನ್ನು ಮಾಡಿದರು. ಅವರು ತಿರುವೇಂಕಟಮುಡೇಯಾನ್ ನ ಸ್ವಸ್ವರೂಪವನ್ನು ಸ್ಥಾಪಿಸಿದರು. ಆದ್ದರಿಂದ, ರಾಮಾನುಜರನ್ನು ತಿರುವೇಂಕಟಮುಡೇಯಾನ್ ಅವರ ಆಚಾರ್ಯನ್ ಎಂದು ವೈಭವೀಕರಿಸಲಾಗಿದೆ. ಇಲ್ಲಿ, ರಾಮಾನುಜರು ತನ್ನ ಸೋದರಮಾವ ಪೆರಿಯ ತಿರುಮಲೈ ನಂಬಿಯಿಂದ ರಾಮಾಯಣದ  ಸಾರ ಕಲಿತರು  . ಅವರು ಇತರ ಅನೇಕ ದೇವಾಲಯಗಳಲ್ಲಿ ದೇವಾಲಯದ ಕರ್ತವ್ಯಗಳನ್ನು ಸ್ಥಾಪಿಸಲು ಹೋಗುತ್ತಾರೆ, ಅವುಗಳಲ್ಲಿ ತಿರುನಾರಾಯಣಪುರಂ ದೇವಾಲಯವು  ಪ್ರಮುಖ ದೇವಾಲಯವಾಗಿದೆ .

ರಾಮಾನುಜರ್ – ತಿರುನಾರಾಯಣಪುರಂ

ಅತ್ತುೞಾಯ್: ಅಜ್ಜಿ , ಆ ದಿನಗಳಲ್ಲಿ ಮೇಲಕೋಟೆ ನಲ್ಲಿರುವ ಜೈನರು ರಾಮಾನುಜರಿಗೆ ಸಮಸ್ಯೆಗಳನ್ನು ಸೃಷ್ಟಿಸಿದ್ದಾರೆ ಎಂದು ನಾನು ಕೇಳಿದೆ.

ವ್ಯಾಸ : ತಿರುನಾರಾಯಣ ಪುರಂ ದೇವಾಲಯದ ಪೆರುಮಾಳ್ ಅನ್ನು ಮುಸ್ಲಿಂ ಆಕ್ರಮಣಕಾರರು ಕದ್ದಿದ್ದಾರೆ ಎಂದು ನಾನು ಕೇಳಿದೆ.

ಅಜ್ಜಿ : ಹೌದು, ಅದು ನಿಜ. ದೇವಾಲಯಗಳ ಮತ್ತು ನಮ್ಮ ಸಂಪ್ರದಾಯಂನ ಸುಧಾರಣೆಗಾಗಿ ಯೋಜನೆಗಳನ್ನು  ಸ್ಥಾಪಿಸಲು ಸುಧಾರಣೆಗಳನ್ನು ತರುವಾಗ ರಾಮಾನುಜರು ಹಲವಾರು ಕಷ್ಟಗಳನ್ನು ಎದುರಿಸಿದರು. ಆದಾಗ್ಯೂ, ಬದಲಾವಣೆಗಳನ್ನು  ಅನೇಕರು ಸ್ವಾಗತಿಸಲಿಲ್ಲ. ಪ್ರತಿಯೊಬ್ಬರೂ ಹಳೆಯ ಪದ್ಧತಿಗಳೊಂದಿಗೆ ಸರಿ ಅಥವಾ ತಪ್ಪು, ಬದಲಾವಣೆಗಳನ್ನು ಎಂದಿಗೂ ಸ್ವೀಕರಿಸುವುದಿಲ್ಲ ಅಥವಾ ಹೆಚ್ಚು ಅಗತ್ಯವಿರುವ ಬದಲಾವಣೆಯನ್ನು ತರಲು ಪ್ರಯತ್ನಿಸುವ ವ್ಯಕ್ತಿಯನ್ನು ಸಹ ಸ್ವೀಕರಿಸುವುದಿಲ್ಲ . ಅದು ಸಮಾಜದ ಸಾಮಾನ್ಯ ವರ್ತನೆ. ಇಂದಿನ ಯುಗದಲ್ಲಂತೂ ಬದಲಾವಣೆ ಕಷ್ಟ, ಆದ್ದರಿಂದ 1000 ವರ್ಷಗಳ ಹಿಂದೆ ಕಲ್ಪನೆ ಮಾಡಿದರೆ , ಪದ್ಧತಿಗಳು ಮತ್ತು ನಂಬಿಕೆಗಳು ತುಂಬಾ ಕಠಿಣವಾಗಿದ್ದಾಗ, ಯಾವುದೇ ಸಕಾರಾತ್ಮಕ ಫಲಿತಾಂಶವನ್ನು ತರುವ ಮೊದಲು ರಾಮಾನುಜರು ಸಾಕಷ್ಟು ಪ್ರತಿರೋಧವನ್ನು ಎದುರಿಸಬೇಕಾಯಿತು. ಜೈನ ವಿದ್ವಾಂಸರು ನಮ್ಮ ವಿಶಿಷ್ಠಾದ್ವೈತ ತತ್ತ್ವಶಾಸ್ತ್ರದ ಶಾಶ್ವತ ಸತ್ಯವನ್ನು ಒಪ್ಪಿಕೊಳ್ಳಲು ಹಿಂಜರಿಯುತ್ತಿದ್ದರು. 1000 ಜೈನ ವಿದ್ವಾಂಸರು ಒಂದೇ ಸಮಯದಲ್ಲಿ 1000 ಪ್ರಶ್ನೆಗಳಿಗೆ ಉತ್ತರಿಸಲು ರಾಮಾನುಜರಿಗೆ  ಸವಾಲು ಹಾಕಲಾಯಿತು . ರಾಮಾನುಜರು ತನ್ನ ಮೂಲ ರೂಪವನ್ನು ತೆಗೆದುಕೊಂಡು  – 1000 ಹೆಡೆಗಳ ಆದಿಶೇಷನ್ ರೂಪವನ್ನು ಎತ್ತಿ ಮತ್ತು ಅವರ ಎಲ್ಲಾ ಪ್ರಶ್ನೆಗಳಿಗೆ ಏಕಕಾಲದಲ್ಲಿ ಉತ್ತರಿಸುತ್ತಾನೆ ಮತ್ತು ಆ ಮೂಲಕ ಚರ್ಚೆಯಲ್ಲಿ ಗೆಲ್ಲುತ್ತಾನೆ.

ತಿರುನಾರಾಯಣ ಪುರಂ ದೇವಸ್ಥಾನದ ಸೆಲ್ವಪ್ಪಿಳ್ಳೈ  ಉತ್ಸವ ಮೂರ್ತಿ ಮುಸ್ಲಿಂ ಆಕ್ರಮಣಕಾರರಿಂದ ಕದಿಯಲ್ಪಟ್ಟನು ಮತ್ತು ಆಕ್ರಮಣಕಾರನ ಮಗಳ ಆವರಣದಲ್ಲಿದ್ದನು, ಅವಳು ಸೆಲ್ವಪ್ಪಿಳ್ಳೈಗೆ ಅಪಾರ ಪ್ರೀತಿಯಿಂದ ತುಂಬಿದ್ದಳು. ಸೆಲ್ವಪ್ಪಿಳ್ಳೈಯನ್ನು ರಕ್ಷಿಸಲು ರಾಮಾನುಜರು ಬಂದಾಗ , ಆಕ್ರಮಣಕಾರರ ಮಗಳು ಸೆಲ್ವಪ್ಪಿಳ್ಳೈಯಿಂದ ಬೇರ್ಪಡುವಿಕೆಯನ್ನು ಸಹಿಸಲಾಗಲಿಲ್ಲ.

ಅತ್ತುೞಾಯ್: ಭಗವಾನ್ ಕೃಷ್ಣನಿಂದ ಬೇರ್ಪಡಿಸುವಿಕೆಯನ್ನು ಆಂಡಾಲ್ ಸಹಿಸಲಾಗದಂತೆಯೇ!

ಅಜ್ಜಿ : ಹೌದು, ನಿಖರವಾಗಿ ಆಂಡಾಳ್ ನಂತೆ. ಮುಸ್ಲಿಂ ಆಕ್ರಮಣಕಾರರ ಮಗಳು ಸಹ ಸೆಲ್ವಪ್ಪಿಳ್ಳೈ ರಾಮಾನುಜರೊಂದಿಗೆ ದೂರ ಹೋಗಲು ಆಲೋಚನೆಯನ್ನು ಸಹಿಸಲಾರಳು. ಅಂತಿಮವಾಗಿ, ಇದನ್ನು ಕಂಡ ರಾಮಾನುಜರು ಮುಸ್ಲಿಂ ರಾಜನ ಮಗಳು ಮತ್ತು ಸೆಲ್ವಪ್ಪಿಳ್ಳೈ ಅವರ ಮದುವೆಯನ್ನು ನಿರ್ವಹಿಸುತ್ತಾರೆ. ನಿಜವಾದ ಭಕ್ತಿ ಮತ್ತು ಸ್ವಾಮಿಯ ಮೇಲಿನ ಪ್ರೀತಿ ಯಾವುದೇ ಜಾತಿ ಅಥವಾ ಧರ್ಮವನ್ನು ಮೀರಿದೆ ಎಂದು ಇದು ಮತ್ತೆ ತೋರಿಸುತ್ತದೆ.

ಕೂರತ್ ಆಳ್ವಾನ್ – ರಾಮಾನುಜರ್ – ಮುದಲಿಯಾನ್ಡಾನ್

ವ್ಯಾಸ : ಅಜ್ಜಿ, ರಾಮಾನುಜರು ಆಳವಂದಾರರ 3 ಆಸೆಗಳನ್ನು ಹೇಗೆ ಪೂರೈಸಿದರು ಎಂದು ನೀವು ನಮಗೇ ಹೇಳಲೇ ಇಲ್ಲ .

ಅಜ್ಜಿ : ಕೂರತ್ ಆಳ್ವಾನ್ ಗೆ ಇಬ್ಬರು ಮಕ್ಕಳೊಂದಿಗೆ ಆಶೀರ್ವದಿಸಲಾಯಿತು.  ರಾಮಾನುಜರು ಇಬ್ಬರು ಗಂಡುಮಕ್ಕಳಿಗೆ  ವ್ಯಾಸ ಮತ್ತು ಪರಾಶರ ಎಂದು ಹೆಸರಿಸುತ್ತಾರೆ   ಮತ್ತು ಆ ಮೂಲಕ ಇಬ್ಬರು ಋಷಿಗಳ  ಶ್ರೇಷ್ಠತೆಯನ್ನು ಅಂಗೀಕರಿಸುತ್ತಾರೆ ಮತ್ತು ಆ ಮೂಲಕ ಆಳವಂದಾರ್  ಗೆ ನೀಡಿದ ಮೊದಲ ಭರವಸೆಯನ್ನು ಈಡೇರಿಸುತ್ತಾರೆ. ಗೋವಿಂದ ಭಟ್ಟರ್, ನಂತರ ಎಂಬಾರ್ ಎಂದು ಹೆಸರಿಸಲ್ಪಟ್ಟ ಸಿರಿಯ ಗೋವಿಂದ ಪೆರುಮಾಲ್ ಎಂಬ ಕಿರಿಯ ಸಹೋದರನನ್ನು ಹೊಂದಿದ್ದರು, ಅವರ ಮಗನಿಗೆ ನಮ್ಮಾಳ್ವಾರ್ ಪೈಕಿ  ಪರಾಂಕುಶ  ನಂಬಿ ಎಂದು ಹೆಸರಿಸಲಾಯಿತು, ಇದರಿಂದಾಗಿ ಎರಡನೇ ಭರವಸೆಯನ್ನು ಈಡೇರಿಸಲಾಯಿತು. ಮತ್ತು ಅಂತಿಮವಾಗಿ , ಅವರು ಮೂರನೆಯ ಭರವಸೆಯನ್ನು ಈಡೇರಿಸಲು ಶ್ರೀಭಾಷ್ಯಂ ಬರೆಯುತ್ತಾರೆ. ಶ್ರೀಭಾಷ್ಯಂ ಬರೆಯಲು, ರಾಮಾನುಜರು ಕೂರತ್ ಆಳ್ವಾನ್  ಜೊತೆ ಕಾಶ್ಮೀರಕ್ಕೆ ಪ್ರಯಾಣಿಸುತ್ತಾರೆ.

ವೇದವಲ್ಲಿ : ಕಾಶ್ಮೀರದಲ್ಲಿ ಏನಾಯಿತು ?

ಅಜ್ಜಿ : ಶ್ರೀ ಭಾಷ್ಯಂ ಬರೆಯಲು ಈ ಹಿಂದೆ ಬರೆದ ಪುಸ್ತಕವನ್ನು ಪಡೆಯಲು ರಾಮಾನುಜರು ಕಾಶ್ಮೀರಕ್ಕೆ ಪ್ರಯಾಣಿಸುತ್ತಾನೆ . ಅವರು ಪುಸ್ತಕವನ್ನು ಪಡೆದಾಗ, ಅಲ್ಲಿನ ಕೆಲವು ದುಷ್ಟ ಜನರು, ರಾಮಾನುಜರು ತಮ್ಮ ಭಂಡಾರದಿಂದ ಪುಸ್ತಕವನ್ನು ತನ್ನ ಸ್ವಂತ ಉದ್ದೇಶಕ್ಕಾಗಿ ಬಳಸುತ್ತಿದ್ದಾರೆ ಎಂಬ ಕಲ್ಪನೆಯನ್ನು ಸಹಿಸಲಾಗಲಿಲ್ಲ , ಅವರನ್ನು ಹಿಂಬಾಲಿಸಿದರು ಮತ್ತು ಪುಸ್ತಕವನ್ನೂ ಕಸಿದುಕೊಂಡರು.

ವ್ಯಾಸ : ಬಹಳ ಕ್ರೂರ .

ಅಜ್ಜಿ : ಹೌದು! ಹೇಗಾದರೂ, ದುಷ್ಟ ಜನರು ಪುಸ್ತಕದ ಮೇಲೆ ಕೈ ಹಾಕುವ ಮೊದಲೇ, ಆಳ್ವಾನ್ ಇಡೀ ಪುಸ್ತಕ ಮತ್ತು ಶ್ರೀಭಾಷ್ಯಂ ಬರೆಯಲು ಬೇಕಾದ ವಿಷಯಗಳನ್ನು ಕಂಠಪಾಠ ಮಾಡಿದ್ದರು.

ವ್ಯಾಸ : ಇಡೀ ಪುಸ್ತಕವನ್ನು ಕಂಠಪಾಠ ಮಾಡಿದ್ದೀರಾ? ಅದು ಹೇಗೆ ಸಾಧ್ಯ ಅಜ್ಜಿ ? ನನ್ನ ಸಂಪೂರ್ಣ ಪಠ್ಯ ಪುಸ್ತಕಗಳನ್ನು ನಾನು ನೆನಪಿಟ್ಟುಕೊಳ್ಳಬಹುದೆಂದು ನಾನು ಬಯಸುತ್ತೇನೆ!

ಅಜ್ಜಿ (ನಗುತ್ತ): ಕೂರತ್ ಆಳ್ವಾನ್  ಕೇವಲ ರಾಮಾನುಜರಿಗೆ ಶಿಷ್ಯನಾಗಿರಲಿಲ್ಲ, ಅವನು ದೊಡ್ಡ ಆಸ್ತಿ ಮತ್ತು ರಾಮಾನುಜರಿಗೆ ಆಶೀರ್ವಾದ. ರಾಮಾನುಜರು  ಅವರೊಂದಿಗಿನ ಒಡನಾಟದಿಂದಾಗಿ ಎಲ್ಲರೂ ಉನ್ನತಿ ಹೊಂದಿದ್ದಾಗ, ಕೂರತ್ ಆಳ್ವಾನ್  ಅವರೊಂದಿಗಿನ ಒಡನಾಟದಿಂದ ಅವರು ಉನ್ನತಿ ಹೊಂದಿದ್ದಾರೆ ಎಂದು ಕೂರತ್ ಆಳ್ವಾನ್  ಸ್ವತಃ ಹೇಳುತ್ತಾರೆ . ಅಂತಹ ಮಹಾನ್ ವಿದ್ವಾಂಸರ ಹೊರತಾಗಿಯೂ, ಅಹಂಕಾರದ ಅಣುವು ಸಹ ಆಳ್ವಾನ್ ನ ಶುದ್ಧ ಹೃದಯಕ್ಕೆ ಇಳಿಯುವುದಿಲ್ಲ, ಅದು ರಾಮಾನುಜರ್  ಅವರ ನಿವಾಸವಾಗಿದೆ. ಕೂರತ್ ಆಳ್ವಾನ್  ಸಹಾಯದಿಂದ, ರಾಮಾನುಜರ್  ಶ್ರೀಭಾಷ್ಯಂ ಅನ್ನು ಬರೆಯುವುದನ್ನು ಪೂರ್ಣಗೊಳಿಸುತ್ತಾರೆ  ಮತ್ತು ಆ ಮೂಲಕ ಆಳವಂದಾರಿಗೆ  ನೀಡಿದ ಅಂತಿಮ ಭರವಸೆಯನ್ನು ಈಡೇರಿಸುತ್ತಾರೆ . ಶ್ರೀರಂಗವನ್ನು ಆಳಿದ ಶೈವ ರಾಜ ಮರಣಹೊಂದಿದ ನಂತರ, ರಾಮಾನುಜರ್  ಶ್ರೀರಂಗಕ್ಕೆ ಹಿಂದಿರುಗುತ್ತಾರೆ .

ಅಂತಿಮವಾಗಿ, ಈ ಜಗತ್ತನ್ನು  ಬಿಟ್ಟು ದೈವೀಕ ಶಾಶ್ವತ ವಾಸಸ್ಥಾನವನ್ನು ತಲುಪುವ ಮೊದಲು, ಆಳವಂದಾರಂತೆಯೇ, ರಾಮಾನುಜರ್  ಮುಂದಿನ ಆಚಾರ್ಯನನ್ನು ನಿರ್ಧರಿಸುತ್ತಾರೆ  , ನಮ್ಮ ಸಂಪ್ರದಾಯವನ್ನು ಮುನ್ನಡೆಸಲು, ಆಳ್ವಾನ್  ಅವರ ಪೂಜ್ಯ ಪುತ್ರ, ಪರಾಶರ ಭಟ್ಟರ್ ಎಂದು ಸೂಚಿಸಿದರು. ಅವರು ಭಟ್ಟರ್ ಮತ್ತು ಇತರ ಕೆಲವು ಶಿಷ್ಯರಿಗೆ ಎಂಬಾರ್ ಅನ್ನು ಆಶ್ರಯಿಸಲು ಮತ್ತು ಎಂಬಾರ್ನ ಮಾರ್ಗದರ್ಶನದಲ್ಲಿ ಕಲಿಯಲು ಸೂಚಿಸುತ್ತಾರೆ .  ಅವರನ್ನು ಹೇಗೆ ಪಾಲಿಸುತ್ತರೋ ಹಾಗೆಯೇ ಭಟ್ಟರ್ ಅನ್ನು ಪಾಲಿಸುವಂತೆ ತನ್ನ ಶಿಷ್ಯರೆಲ್ಲರಿಗೂ ಹೇಳುತ್ತಾರೆ . ಆಳವಂದಾರ ಅವರು ರಾಮಾನುಜರ್  ಅವರನ್ನು ಸಂಪ್ರದಾಯಕ್ಕೆ ತರಲು ಪೆರಿಯ ನಂಬಿಯನ್ನು ಹೇಗೆ ನೇಮಿಸಿದರು ಅದರಂತೆಯೇ ಅವರು ನಂಜೀಯರ್ ಅವರನ್ನು ಸಂಪ್ರದಾಯಕ್ಕೆ ಕರೆತರಲು ಭಟ್ಟರ್ಗೆ  ಹೇಳುತ್ತಾರೆ . ತನ್ನ ಆಚಾರ್ಯ, ಪೆರಿಯ ನಂಬಿ ಮತ್ತು ಆಳವಂದಾರ ಬಗ್ಗೆ ಧ್ಯಾನಿಸುತ್ತಾ, ಎಂಪೆರುಮಾನಾರ್ ಈ ಜಗತ್ತನ್ನು ತೊರೆದು ತನ್ನ ಕೈಂಕರ್ಯಂ ಅನ್ನು ಭಗವಾನ್ ಶ್ರೀಮಾನ್ ನಾರಾಯಣನ್ ಅವರ ಶಾಶ್ವತ ವಾಸಸ್ಥಾನದಲ್ಲಿ ಮುಂದುವರೆಸುತ್ತಾರೆ  . ಶೀಘ್ರದಲ್ಲೇ, ರಾಮಾನುಜರ ಆಗಲಿಕೆಯನ್ನು ಸಹಿಸಲು ಸಾಧ್ಯವಾಗದೆ, ಎಂಬಾರ್ ಪರಮಪದಂಗೆ ಏರುತ್ತಾರೆ . 

ಪರಾಶರ : ಅಜ್ಜಿ , ರಾಮಾನುಜರ್ ಅವರ ದೇಹವನ್ನು ಇನ್ನೂ ಶ್ರೀರಂಗಂನಲ್ಲಿ ಸಂರಕ್ಷಿಸಲಾಗಿದೆ ಎಂದು ನಾನು ಕೇಳಿದೆ. ಅದು ನಿಜವೇ?

ಅಜ್ಜಿ : ಹೌದು ಪರಾಶರ , ಇದು ನಿಜ, ಮತ್ತು ನಾವು ಮಹಾನ್ ಆಚಾರ್ಯರ ಬಗ್ಗೆ ಮಾತನಾಡುವಾಗ , ನಾವು ತಿರುಮೇನಿ ಎಂದು ಹೇಳುತ್ತೇವೆ, ನಾವು ಪೆರುಮಾಳ್  ಅನ್ನು ಗೌರವದಿಂದ ಉಲ್ಲೇಖಿಸುವಂತೆ . ರಾಮಾನುಜರ್ ನ್ ತಿರುಮೇನಿ ಯನ್ನು ಶ್ರೀರಂಗಂ ದೇವಸ್ಥಾನದೊಳಗೆ  ರಾಮಾನುಜರ್ ತಿರುಮೇನಿ ಅವರ ಸನ್ನಿಧಿಯಲ್ಲಿ ಸ್ವಲ್ಪ ಕೆಳಗೆ ಸಂರಕ್ಷಿಸಲಾಗಿದೆ ಎಂಬುದು ನಿಜಕ್ಕೂ ನಿಜ,. ಇಂದು ನಾವು ರಾಮಾನುಜರ್ ಸನ್ನಿಧಿ ಎಂದು ಕಾಣುವ ಸನ್ನಿಧಿ ಒಂದು ಕಾಲದಲ್ಲಿ ಶ್ರೀರಂಗಂನ  ಶ್ರೀ ರಂಗನಾಥನ್ ಅವರ ವಸಂತ ಮಂಟಪವಾಗಿತ್ತು. ಈಗ, ನಮ್ಮ ಆಚಾರ್ಯರು ಮತ್ತು ಅವರ ವೈಭವಗಳ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಆಸಕ್ತಿ ಮತ್ತು ಒಳಗೊಳ್ಳುವಿಕೆಯನ್ನು ನೀಡುವಂತೆ ನಾವೆಲ್ಲರೂ ರಾಮಾನುಜರ್ ಮತ್ತು ಭಗವಾನ್ ಶ್ರೀ ರಂಗನಾಥನ್ ಅವರ ಕಮಲದ ಪಾದದಲ್ಲಿ ಪ್ರಾರ್ಥಿಸೋಣ . ಈಗ, ತಡವಾಗುತ್ತಿದ್ದಂತೆ ನೀವೆಲ್ಲರೂ ಹೊರಡಬೇಕು. ಮುಂದಿನ ಬಾರಿ ನಾವು ಭೇಟಿಯಾದಾಗ, ರಾಮಾನುಜರ್ ಅವರ ವಿವಿಧ ಶಿಷ್ಯರು, ಅವರ ವೈಭವಗಳು ಮತ್ತು ರಾಮಾನುಜರ್ ಅವರ ವಿಜಯಶಾಲಿ ಪ್ರಯಾಣದಲ್ಲಿ ಅವರು ನೀಡಿದ ಕೊಡುಗೆಗಳ ಬಗ್ಗೆ ನಾನು ನಿಮಗೆ ಹೇಳುತ್ತೇನೆ.

ಮಕ್ಕಳು ರಾಮಾನುಜರ್, ಅವರ ವಿವಿಧ ಕೈಂಕರ್ಯಗಳು, ಅವರು ಎದುರಿಸಿದ ವಿವಿಧ ತೊಂದರೆಗಳು ಮತ್ತು ಅವರು ನಮ್ಮ ಸಂಪ್ರದಾಯಕ್ಕೆ ಶ್ರೇಷ್ಠ ಆಚಾರ್ಯರಾಗಿ ಹೇಗೆ ಹೊರಹೊಮ್ಮಿದರು ಎಂಬುದರ ಬಗ್ಗೆ ಯೋಚಿಸುತ್ತ  ಹೊರಡುತ್ತಾರೆ .

ಅಡಿಯೇನ್ ರಂಗನಾಯಕಿ ರಾಮಾನುಜ ದಾಸಿ

ಮೂಲ: http://pillai.koyil.org/index.php/2016/08/beginners-guide-ramanujar-2/

ಆರ್ಕೈವ್ ಮಾಡಲಾಗಿದೆ :  http://pillai.koyil.org 

ಪ್ರಮೇಯಂ (ಲಕ್ಷ್ಯ) – http://koyil.org
ಪ್ರಮಾಣಂ (ಶಾಸ್ತ್ರ ) – http://granthams.koyil.org
ಪ್ರಮಾತಾ (ಪೂರ್ವಾಚಾರ್ಯರು ) – http://acharyas.koyil.org
ಶ್ರೀವೈಷ್ಣವ ಶಿಕ್ಷಣ/ಮಕ್ಕಳ ಪೋರ್ಟಲ್ – http://pillai.koyil.org