బాల పాఠము – శ్రీమన్నారయణుడు ఎవరు?

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

శ్రీ వైష్ణవం – బాల పాఠము

<< బాల పాఠము – శ్రీవైష్ణవము గురించి పరిచయము

 

ఆణ్డాళ్ పాట్టి పరాశర మరియు వ్యాసులని  శ్రీరంగము కోవెలకి తీసుకొని వెళ్ళింది.

srirangam-temple

వ్యాస~: ఆహా, పాట్టి, ఇది చాలా పెద్ద గుడి. మేము ఇంతకుముందు ఎన్నడూ ఇలాంటి పెద్ద ఆలయం చూడలేదు. రాజులు మాత్రమే ఇటువంటి పెద్ద భవనములలో ఉంటారని విన్నాము. మనము ఇప్పుడు ఏ రాజుగారినైనా దర్శించుకోవడానికి వెళ్ళుతున్నామా?

ఆణ్డాళ్ పాట్టి~: అవును, ఇప్పుడు మనము అందరికీ రాజైన రంగరాజన్ ని చుడడానికి వెళ్ళుతున్నాము. రంగరాజన్ (శ్రీరంగమునకు రాజు), మనము వారిని ప్రేమతో పెరియ పెరుమాళ్ మరియు నంపెరుమాళ్ అని పిలుస్తాము. పెరియ పెరుమాళ్ తన యొక్క ఆధిపత్యాన్ని లేదా స్వామిత్వమును మనకు తెలియపరచడానికి, వారు ఆది శేషునిపై పవళించి ఉంటారు. వీరు తమ భక్తుల రాకకై వేచి ఉండి అనుగ్రహిస్తారు, కాని నమ్పెరుమాళ్ సౌలభ్యముతో అనుగ్రహిస్తారు, ఎవరైనా వీరిని సులభముగా దర్శించుకోవచ్చు, ఎట్లా అంటే వీరు తమ భక్తుల యొక్క ఇబ్బందులను గ్రహించి, ఎవరైతే వీరిని దర్శించుకొనుటకు రాలేరో, వీరు తమ పుఱప్పాడు (సవారి/తిరువీధి సేవ) ద్వారా వాళ్ళని అనుగ్రహిస్తాడు. శ్రీరంగములో సంవత్సరము పొడుగునా నమ్పెరుమాళ్ తమ భక్తుల వద్దకి స్వయముగా తానే వచ్చి వారి అనుగ్రహమును అందరికీ ప్రసాదిస్తాడు.

పరాశర~: పాట్టి, కాని పెరుమాళ్ వైకుంఠములో కదా ఉండేది, మరి ఇక్కడ కూడా ఎందుకు ఉన్నారు?

ఆణ్డాళ్ పాట్టి~: అవును పరాశర,నీవు విన్నది నిజము. పెరుమాళ్ ఉండేది వైకుంఠములోనే కాని వారు మనతో ఉండడానికై ఇక్కడకు కూడా వస్తారు.నీవు వినే ఉంటావు, నీరు ఏ విధముగా తన స్వభావమును వివిధ రూపములలో కలిగి ఉండునో: ధ్రవము, ఆవిరి మరియు మంచు. అదే విధంగా, పెరుమాళ్ ఐదు రూపములను కలిగి ఉన్నారు,అవి పర, వ్యూహ, విభవ, అంతర్యామి మరియు అర్చ. ఇక్కడ శ్రీరంగములో పెరుమాళ్ అర్చావతారము లో ఉన్నారు. అవతారం అనగా క్రిందికి రావడము. నేను ఇంతకు ముందు చెప్పిన విధముగా, మనము అందరి మంచికై వారిని ప్రార్థిస్తాము. శ్రీమన్నారాయణుడు మన ప్రార్థనలను విని ఇక్కడికి వచ్చారు. ఇదే కాక, వారికి మన యెడల గొప్ప వాత్సల్యము కలిగి ఉండటముచే, ఆయన మనతోనే ఉండటానికి ఇష్టపడతాడు. ఈ కారణంగా స్వామి శ్రీరంగం లో వేంచేసి వున్నాడు.

bhagavan-5-forms-parathvadhi-panchakam

పాట్టి, వ్యాస, మరియు పరాశర సన్నిధిలోనికి వెళ్ళి పెరియ పెరుమాళ్ళను సేవించుకొనిరి.

వ్యాస~: మేము కూడా మీరు చెప్పినవాటిని విన్నతరువాత వీరియందు ప్రీతి కలుగుతున్నది. అంతే కాక, స్వామి చూడడానికి మనలానే ఉన్నారు, పాట్టి.

ఆణ్డాళ్ పాట్టి~: స్వామి చూచుటకు మాత్రమే కాదు, ఒకప్పుడు మన లానే జీవించాడు కూడ. స్వామి విభవ అవతారములో, తన వైకుంఠమును వదిలి శ్రీ రామ, శ్రీ కృష్ణుడివలే ఇక్కడ జన్మించి, మనలో ఒకరిగా ఇక్కడ నివసించాడు. మనమందరికీ ప్రత్యేకముగా శ్రీ రామావతారము లేద కృష్ణావతారము మీద అనురాగము కలిగి ఉండడముచే, స్వామి కృష్ణుని లా పెరియ పెరుమాళ్ళ యందు, శ్రీ రాముని లా నమ్పెరుమాళ్ల లో మనతోనే ఉండటానికి నిర్ణయించుకున్నాడు. పెరియ పెరుమాళ్ ఎల్లప్పుడు పడుకొని, తన యొక్క భక్తుల గురించి దీర్ఘముగా ఆలొచిస్తూ కనిపిస్తాడు, నంపెరుమాళ్ అయితే ఎప్పుడూ మన మధ్య ఉంటూ మన ప్రేమని స్వీకరిస్తూ ఆనందంగా ఉంటాడు.

ఆపై ముగ్గురూ ఇంటికి చేరుకొనిరి.

వ్యాస మరియు పరాశర~: సరే అయితే, పాట్టి. మేము ప్లేగ్రౌండు కి వెళుతున్నాము.

ఆణ్డాళ్ పాట్టి~: జాగ్రత్తగా ఆడుకోండి పిల్లలు, మళ్ళీ మర్చిపోవద్దు, వీలైనంత వరకు మీ స్నెహితులతో శ్రీమన్నారాయుణిడి వైభవం గురుంచి మాట్లాడుకోండి.

అడియేన్ : రఘు వంశీ రామానుజ దాసన్

మూలము : http://pillai.koyil.org/index.php/2014/07/beginners-guide-who-is-sriman-narayana/

పొందుపరిచిన స్థానము http://pillai.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

 

One thought on “బాల పాఠము – శ్రీమన్నారయణుడు ఎవరు?

Leave a Reply

Your email address will not be published. Required fields are marked *