శ్రీః శ్రీమతే శఠకోపాయ నమః శ్రీమతే రామానుజాయ నమః శ్రీమత్ వరవరమునయే నమః
పరాశర మరియు వ్యాస నాన్నమ్మ ఇంటికి వస్తారు. అత్తుళాయ్ చేతిలో ఒక బహుమతితో ప్రవేశిస్తుంది.
నాన్నమ్మ: నువ్వు ఏమి గెలిచావు అత్తుళాయ్ ?
వ్యాస: నాన్నమ్మా, అత్తుళాయ్ మా పాఠశాలలో ఫాన్సీ డ్రస్సు పోటీలో ఆండాళ్ లాగా నటించింది, తిరుప్పావై లోని కొన్ని పాసురాలని పాడి మొదటి బహుమతిని గెలుచుకుంది.
నాన్నమ్మ: చాలా అద్భుతం అత్తుళాయ్! నేను పెరియ నంబి గురించి ఈరోజు మీకు చెప్పిన తర్వాత పాసురాలను నేను వింటాను.
పిల్లలు : ఇలైఆళ్వార్ గురించి కూడా నాన్నమ్మా.
నాన్నమ్మ: అవును, అవును. నేను పోయిన సారి చెప్పినట్టుగా, పెరియ నంబి ఆళవందార్ యొక్క ప్రధాన శిష్యులలో ఒకరు. వారు శ్రీరంగంలో మార్గశిర మాసం, జ్యేష్ట నక్షత్రంలో జన్మించారు. ఇలైఆళ్వార్ ని కాంచీపురం నుండి శ్రీరంగానికి తీసుకువచ్చింది కూడా వీరే. ఇలైఆళ్వార్ ను కలుసుకోవడానికి పెరియనంబి కంచికి వెళుతుండగా, ఇలైఆళ్వార్ పెరియ నంబిని కలుసుకునేందుకు తన ప్రయాణం శ్రీరంగానికి ప్రారంభిస్తారు.
పరాశర: నాన్నమ్మా, ఇలైఆళ్వారులు కాంచిపురంలో యాదవప్రకాశుల వద్ద విద్య నేర్చుకుంటుండగా శ్రీరంగానికి ఎందుకు బయలుదేరారు?
నాన్నమ్మ: చాలా మంచి ప్రశ్న! నేను కిందటి సారి చెప్పింది గుర్తుందా, ఆళవందారులు తిరుక్కచ్చి నంబి కి ఇలైఆళ్వారులను అప్పగించి కావాల్సినప్పుడు మార్గనిర్దేశం చేయమని చెబుతారు. ఇలైఆళ్వారులకు యాదవప్రకాశులతో అభిప్రాయ భేదాలు మొదలై సతమతమవుతుండగా, తిరుక్కచ్చి నంబి వద్దకు పరిష్కారం కోసం వస్తారు . తిరుక్కచ్చి నంబి మార్గదర్శం చేయమని ఎవరిని అడుగుతారు?
అత్తుళాయ్: దేవప్పెరుమాళ్!
నాన్నమ్మ: అద్భుతం ! దేవప్పెరుమాళ్ ఎల్లప్పుడూ ఇలైఆళ్వారులను రక్షించుటకు వచ్చి, పెరియ నంబి వద్దకు వెళ్లి పంచ సంస్కారము కానిచ్చి వారి శిష్యులుగా కామని చెబుతారు. అతను ఒక ప్రకాశవంతమైన, పెరుగుతున్న సూర్యుడు రాత్రి చీకటిని తొలగించినట్టుగా ఇలైఆళ్వారుల మనస్సులో ఉన్న సందేహాలను తొలగిస్తారు. అట్లా, కంచి నుండి ఇలైఆళ్వార్ బయలుదేరినప్పుడు, పెరియ నంబి ఇలైఆళ్వారులను కలవడానికి కంచి కి బయలుదేరారు. వారు ఇద్దరూ మధురాంతగం అనే ప్రదేశంలో కలుసుకుంటారు, పెరియ నంబి ఇలైఆళ్వారులకు అక్కడే పంచ సంస్కారము చేసిన తరువాత సాంప్రదాయంలోకి ప్రవేశిస్తారు.
వ్యాస: ఓహ్ అవును, మధురాంతగం లో యేరి కాత్త రామాలయం ఉంది. పోయిన సెలవుల్లో మేము ఆ ఆలయానికి వెళ్ళాము. కానీ, అతను దీక్షను ఆచరించటానికి కంచి లేదా శ్రీరంగానికి ఎందుకు వెళ్ళలేదు? మధురాంతగంలో నే ఉన్నట్టుండగా ఎందుకు అలా చేసారు?
పెరియ నంబి – శ్రీరంగం
నాన్నమ్మ: పెరియ నంబి ఒక గొప్ప ఆచార్యులు, వారికి ఇలైఆళ్వార్ పట్ల అపారమైన అనుబంధం మరియు గౌరవం కలిగి ఉండేది. ఇలాంటి మంచి పనులు వాయిదా వేయకూడదని వారికి తెలుసు. పిల్లలు, దీని నుంచి మనకు ఏమి తెలుస్తుందంటే, మనము మన సాంప్రదాయానికి సంబంధించిన మంచి విషయాలు, పనులను ఆలస్యం లేదా వాయిదా వేయకూడదు. ఎంత తొందరగా అయితే అంత మేలు! పెరియ నంబి మన సాంప్రదాయానికి సంబంధించిన నిజమైన సూత్రాలు వారికి తెలుసు. అతను తన శిష్యుడు రామానుజులును ఎంతో ఇష్టపడేవారు, ఎంత అంటే వారు వారి జీవితాన్నే ధార పోసారు మన సాంప్రదాయం కోసం – రామానుజ!
వ్యాస: వారు తన జీవితాన్ని అర్పించారు! ఎందుకు వారు అలా చేయవలసి వచ్చింది నాన్నమ్మా?
నాన్నమ్మ: ఆ సమయంలో ఆ ప్రాంతానికి రాజు, శైవ రాజు తన ఆజ్ఞను అంగీకరించి రాజ దర్బారికి రావాలని రామానుజులను ఆజ్ఞాపిస్తారు. రామానుజులకు బదులుగా, వారి యొక్క గొప్ప శిష్యులలో ఒకరైన కూరత్తాల్వారు, వారి ఆచార్యులుగా మారువేషంలో, పెరియ నంబి తో రాజ దర్బారికి వెళతారు. పెరియ నంబి ఆ సమయంలో చాలా వృద్దులు, వారి కూతురు అత్తుళాయ్ కూడా వారితోపాటు వెళుతుంది.
అత్తుళాయ్: అది నా పేరు!
నాన్నమ్మ: అవును! రాజు తన ఆజ్ఞలను అంగీకరించమని ఆజ్ఞాపించినప్పుడు, కూరత్తాల్వారు మరియు పెరియ నంబి ఇద్దరూ రాజు యొక్క ఆజ్ఞలను తిరస్కరిస్తారు. ఆగ్రహించి రాజు, వారిద్దరి కళ్ళను పీకేయమని సేవకులకు ఆదేశించారు. పెరియ నంబి వృద్ధాప్యము వలన ఆ నొప్పిని తట్టుకోలేక, తిరిగి శ్రీరంగానికి వెళ్తుండగా కూరత్తాల్వార్ వడిలో వారు జీవితాన్ని త్యాగం చేసి పరమపదం చేరుకుంటారు. ఈ మహాత్ములు ఏ ఆలోచనా లేకుండా ముత్యాల హారం మధ్యలోని మణి లాంటి వారైన రామానుజులని కాపాడటానికి త్యాగం చేశారు. ఆ హారంలోని ముత్యాలను విచ్ఛిన్నం చేస్తే ఏమి జరుగుతుంది?
పరాశర మరియు వ్యాస ఒకే సారిగా: హారం కూడా తెగిపోతుంది!
నాన్నమ్మ: సరిగ్గా! అదేవిధంగా, మన సాంప్రదాయంలో హారంలోని మణి లాంటి వారు రామానుజులు, అయినప్పటికిని మన ఆచార్యులు ముత్యాల వంటి వారై, వారందరూ కలిసి, కేంద్ర రత్నం సురక్షితంగా ఉండాలని సంరక్షిస్తూ ఉండేవారు. కాబట్టి మనమందరం మన ఆచార్యాలకు కృతజ్ఞత కలిగి ఉండాలి.
పరాశర: నాన్నమ్మా, కూరత్తాల్వారుకి ఏమి అయింది?
నాన్నమ్మ: కూరత్తాల్వారు, అతని గ్రుడ్డి అయిన కళ్ళతో తిరిగి శ్రీరంగానికి వచ్చారు. వారు రామానుజుల యొక్క గొప్ప శిష్యులు, వారు రామానుజులతో కలిసి అన్ని అంశాలలో అనుసరించారు. మనం మరో సారి కలుసుకున్నపుడు నేను కూరత్తాల్వారు మరియు రామానుజుల గురించి మరింత మీకు చెప్తాను. ఇప్పుడు మీరు త్వరగా ఇంటికి వెళ్లండి. మీ తల్లిదండ్రులు మీ కోసం వేచి ఉంటారు. అత్తుళాయ్, ఈ సారి వచ్చినపుడు తిరుప్పావై పాసురాలని వినిపించాలి.
పిల్లలు పెరియ నంబి మరియు కూరత్తాల్వారు గురించి ఆలోచిస్తూ ఇంటికి తిరిగి వెళ్ళారు.
మూలము : http://pillai.koyil.org/index.php/2016/07/beginners-guide-periya-nambi/
పొందుపరిచిన స్థానము http://pillai.koyil.org
ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org