శ్రీః శ్రీమతే శఠకోపాయ నమః శ్రీమతే రామానుజాయ నమః శ్రీమత్ వరవరమునయే నమః
<< బాల పాఠము – తిరువాయ్మోళి పిళ్ళై
మణవాళ మామునుల గురించి తెలుసుకోవాలని ఆసక్తిగా వచ్చారు పిల్లలు. ఆండళమ్మ పిల్లల్ని లోపలికి వచ్చి కూర్చోమన్నారు.
నాన్నమ్మ: పిల్లలూ, వేసవి సెలవులు ఎలా గడిపారు?
పరాశర: నాన్నమ్మా, సెలవులు బాగా గడిచాయి. ఇప్పుడు మణవాళ మామునుల గురించి వినాలని వచ్చాము. వారి గురించి మాకు చెప్పరా?
బామ్మగారు: సరే పిల్లలు! వినండి. వీరు ఆళ్వార్తిరునగరిలో తిగళక్కిడందాన్ తిరునావీరుడైయ పిరాన్ శ్రీ రంగ నాచియార్ దంపతులకు ఆదిశేషుని అవతారంగా, యతిరాజుల పునరావతారంగా జన్మించారు. వీరికి అళగియ మణవాళన్ (అళగియ మణవాళ పెరుమాళ్ నాయనార్ అని కూడా) పేరు పెట్టారు. అన్ని సామాన్య శాస్త్రాలు, వేదాధ్యయనం తమ తండ్రి నుండి నేర్చుకున్నారు.
వ్యాస: నాన్నమ్మా, తిరువాయ్మోళి పిళ్ళై వీరి ఆచార్యులు కాదా?
బామ్మగారు: అవును వ్యాస, తిరువాయ్మోళి పిళ్ళై మహిమ గురించి విని, వారికి శరణాగతులౌతారు. వీరు అరుళిచ్చెయల్ (దివ్య ప్రబంధం)లో, ప్రత్యేకించి తిరువాయ్మోళి ఈడు 36000 పడి వ్యాఖ్యానంలో నైపుణ్యం సాధిస్తారు. వీరు శ్రీ రామానుజులపై భక్తితో ఆళ్వార్తిరునగరిలోని భవిష్యదాచార్యల సన్నిధి కైంకర్యం కూడా చేశారు. యతీంద్రుల (శ్రీరామానుజుల) పట్ల వీరికున్న ఎనలేని భక్తి ప్రపత్తుల వల్లనే వీరిని అందరు ప్రేమతో “యతీంద్ర ప్రవణ” అని పిలిచేవారు.
తరువాత, తమ ఆచార్యుల నియమనం జ్ఞాపకం చేసుకొని, మన సంప్రదాయ ప్రచారం కోసం శ్రీరంగంలో ఉంటారు. శ్రీరంగం వెళ్ళాక అక్కడ సన్యాసాశ్రమం స్వీకరించి, ‘అళగియ మణవాళ మాముని’, ‘పెరియ జీయర్’ అని ప్రసిద్దులైనారు.
వీరు ముమ్ముక్షుప్పడి, తత్వ త్రయం, వేదం, వేదాంతం, ఇతిహాస, పురాణాలు, పాశురాలు, అరుళిచ్చెయల్ నుండి అనేక ఉపప్రమాణాలతో శ్రీ వచన భూషణం వంటి అనేక రహస్య గ్రంథాలకు అందమైన వ్యాఖ్యానాలను రాశారు.
వీరు రామానుజ నూఱ్ఱందాది, జ్ఞాన సారం, ప్రమేయ సారానికి కూడా వ్యాఖ్యానాలు వ్రాసారు. చరమోపాయ నిష్ఠను ‘ప్రమేయ సారం’ (ఆచార్యులే సర్వస్వం) వివరిస్తుంది. మామునులను కొంతమంది శ్రీవైష్ణవుల విన్నపించగా, వీరు తిరువాయ్మోళి అర్థాలను, నమ్మాళ్వార్ల మనిమను చాటుతూ తిరువాయ్మోళి నూఱ్ఱందాది రచించారు. మన పూర్వాచార్యుల విలువైన బోధనలను, ఆళ్వార్ల జన్మస్థలాలు, తిరునక్షత్రాలు, తిరువాయ్మోళి, శ్రీ వచన భూషణ మహిమను ఉపదేశ రత్నమాలలో కూర్చి వ్రాశారు.
మామునులు కూడా దివ్య దేశ యాత్రకు వెళ్లి పెరుమాళ్ళకు, ఆళ్వార్లకు మంగళాశాసం చేశారు.
వేదవల్లి: నాన్నమ్మా, మామునులు మన సంప్రదాయానికి చేసిన కృషి చాలా అద్భుతంగా ఉంది.
బామ్మగారు: అవును వేదవల్లి, నంపెరుమాళ్ళకు కూడా నమ్మాళ్వార్ల తిరువాయ్మోళి ఈడు 36000 పడి కాలక్షేపాన్ని మామునుల నుండి వినాలని కోరిక ఉండేది. మామునులు ఆ కాలక్షేపాన్ని10 నెలల పాటు చెప్పి, చివరకు జేష్ఠ (ఆని) మాసం మూలా నక్షత్రం రోజున శాఱ్ఱుమురతో ముగిస్తారు.
శాఱ్ఱుముర పూర్తయిన తరువాత, నంపెరుమాళ్ళు ఒక చిన్న పిల్లవాడి రూపంలో మామునుల ముందుకు వచ్చి అంజలి ముద్రతో “శ్రీశైలేశ దయాపాత్రం దీభక్త్యాది గుణార్ణవం” అని పఠించడం మొదలుపెడతారు. ప్రతి ఒక్కరూ ఆశ్చర్యపోయి, ఆ బాలుడు ఎవరో కాదు నంపెరుమాళ్ళె అని అర్థం చేసుకుంటారు.
పరాశర: ఓ! నంపెరుమాళ్ళే గౌరవించడం అనేది గర్వకారణం. నాన్నమ్మా, అందుకోసమేనా మన సేవాకాలం ఈ తనియన్తో మొదలుపెడతాము?
బామ్మగారు: అవును పరాశర. పెరుమాళ్ళు ఈ తనియన్ని అన్ని దివ్య దేశాలకు పంపి సేవాకాలం ప్రారంభంలో చివరిలో సేవించాలని ఆదేశించారు. తిరువెంగటేశ్వరుడు, తిరుమాలిరుంజోలై అళగర్ కూడా ఈ తనియన్ని అరుళిచ్చెయల్ సేవాకాలం ప్రారంభంలో, చివరిలో సేవించాలని ఆదేశించారు.
వీరు తమ చివరి రోజులల్లో అతి కష్టంగా ‘ఆచార్య హృదయం’ వ్యాఖ్యానాన్ని పూర్తి చేశారు. పూర్తి అయ్యాక ఇక తమ తిరుమేనిని విడిచి పరమపదానికి వెళ్లాలని నిర్ణయించుకుంటారు. ఈ సంసారం నుండి ఇక విముక్తిని ప్రసాదించమని ఎంబెరుమానార్లను ఆర్తితో ప్రార్థిస్తూ ‘ఆర్తి ప్రబంధం’ పఠించారు. తరువాత, ఎంబెరుమానార్ల దయతో మామునులు పరమపదానికి చేరుకుంటారు. ఆ సమయంలో దగ్గరలో ఉన్న పొన్నడిక్కాల్ జీయర్ ఈ వార్త విని శ్రీరంగంకు తిరిగి వచ్చి,
మామునుల చరమ కైంకర్యాలు పూర్తి చేస్తారు.
అత్తుళాయ్: మామునుల దివ్య చరిత్రను మాతో పంచుకున్నందుకు మీకు ధన్యవాదాలు నాన్నమ్మా!
బామ్మగారు: నాకూ చాలా ఆనందంగా ఉంది అత్తుళాయ్. వీరిని పెరియ పెరుమాళ్ళె తమ ఆచార్యునిగా స్వీకరించినందున, పెరియ పెరుమాళ్ళతో ప్రారంభమైయ్యే ఆచార్య రత్నహారాన్ని, ఓరాణ్ వళి గురుపరంపరను పూర్తి చేశారు.
మనము తరువాత మామునుల శిష్యుల (అష్ట దిగ్గజాలు) గురించి చర్చిద్దాము.
మూలము : http://pillai.koyil.org/index.php/2018/06/beginners-guide-mamunigal/
పొందుపరిచిన స్థానము http://pillai.koyil.org
ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org