బాల పాఠము – ముదల్ ఆళ్వారులు – భాగము 2

శ్రీః
శ్రీమతే శఠకోపాయ నమః
శ్రీమతే రామానుజాయ నమః
శ్రీమత్ వరవరమునయే నమః

శ్రీ వైష్ణవం – బాల పాఠము

<< ముదల్ ఆళ్వారులు – భాగము 1

ఆండాళ్ అవ్వ, వ్యాస మరియు పరాశరులు ముదల్ ఆళ్వారుల సన్నిధి లోనుంచి బయటకు వచ్చారు.

పరాశర: ముదల్ ఆళ్వారుల దర్శనం చేసుకొని మంచిగా అనిపించింది. ఈ ముగ్గురు ఆళ్వారులు ఎప్పుడూ ఒకే దగ్గర ఉంటారా అవ్వా?

mudhalAzhwargaL-thirukkovalur-with-perumAL

తిరుక్కోవలూర్ – తిరుక్కోవలూర్ ఎంపెరుమాన్ తో ముదల్ ఆళ్వారులు

ఆండాళ్ అవ్వ: మంచి ప్రశ్న. వారు ముగ్గురు ఒకే దగ్గర ఉండడానికి ఒక కారణం ఉంది. వివరిస్తాను. ఒక  రోజు, పెరుమాళ్ యొక్క దివ్య సంకల్పం చేత, వారు తిరుక్కోవలూర్ కు ఒకరి తరువాత ఒకరు వచ్చారు. భయంకరమైన తుఫాను. కుండపోత వర్షం పడుతోంది. తిరుక్కోవలూరులో మృకండు అనే ఒక ఋషి ఆశ్రమం ఉండేది. ఆ ఆశ్రమం ఎదురుగా చిన్న ఆకుల పందిరి. మొట్టమొదట పొయిగై ఆళ్వార్ అక్కడకు వచ్చి వర్షం నుండి రక్షణ కోసం ఆ పందిరి కింద ఆశ్రయం తీసుకున్నాడు. వారు కొంచం నడుం వాల్చి విశ్రాంతి తీసుకున్నారు.

పరాశర: ఒంటరిగానా? భయం వేయదా వారికి?

ఆండాళ్ అవ్వ:  లేదు పరాశరా! వారు ఎప్పుడూ పెరుమాళ్ల చింతనలో ఉంటారు, భయం ఉండదు. ఆ సమయం లో, భూదత్త ఆళ్వార్ అక్కడికి వచ్చి పందిరి లోనికి వస్తానని విన్నపిస్తారు. పొయిగై ఆళ్వారు ఇలా అంటారు ” ఇక్కడ స్థలం మితంగా ఉంది. ఒక్క మనిషి పడుకోవచ్చు కాని ఇద్దరు మనుషులు కూర్చోవచ్చు. దయచేసి లోపలికి రండి. భూదత్త ఆళ్వార్ లోనికి సంతోషముగా వచ్చి ఇద్దరు ఒకరి ప్రక్కన ఒకరు కూర్చున్నారు. తరువాత, పేయాళ్వారులు వర్షంలో రక్షణ కోసం పరుగు పరుగున అక్కడకు వచ్చి లోనికి ప్రవేశించుటకు అనుమతి కోరెను. పొయిగై ఆళ్వారు అప్పుడు ఇలా అన్నారు “ఇక్కడ స్థలం మితంగా ఉంది. ఒక్క మనిషి పడుకోవచ్చు, ఇద్దరు మనుషులు కూర్చోవచ్చు  మరియు ముగ్గురు మనుషులు నిలబడవచ్చు. దయచేసి లోపలికి రండి, మనందరమూ నిలబడవచ్చు.పేయాళ్వారులులోనికి సంతోషముగా వచ్చారు, వారు అందరు చలికి వణుకుతూ నిలుచున్నారు.  వారు ఒకరితో ఒకరు మాట్లాడ సాగారు, వారు సమ ఆసక్తులు తెలుసుకోని ,వారు పెరుమాళ్ యొక్క నామాలు, రూప గుణాలు గురించి చర్చించ సాగారు.

వ్యాస: ఒహో! చాలా బాగుంది. నిజంగా దివ్యం. కాని అవ్వ, అక్కడ పెరుమాళ్ కూడా ఉండి ఉంటే చాలా బాగుండేది, ఎలాగైతే పెరియ పెరుమాళ్ ఇక్కడ ఉన్నారు మనలని చూడటానికి.

ఆండాళ్ అవ్వ: ఉండండి. ఆ సంఘటన ఇంతటితో ముగిసిపోలేదు. నీవు తరువాత క్రమాన్ని బానే అంచనా వేసావు. ఈ క్రమంలో ఇంకా దైవత్వం రాబోతోంది. తన ప్రియమైన భాగవతుల సభ చూసి ఇప్పుడు పెరుమాళ్ కూడా సభలో పాలుపంచు కోవాలనుకున్నారు. వారు లోనికి ప్రవేశించి వారి మధ్యలో ఇరుక్కునారు. ఆ చీకటి లో హఠాత్తుగా ఇరుకు, ముగ్గురు ఆళ్వారులు ఇక్కడ ఏమి జరుగుతున్నది ఎవరు వచ్చారు మనకి తెలియకుండా అని ఆశ్చర్యపోయారు. అప్పుడు, మొదట పొయిగై ఆళ్వారు పాడటం మొదలుపెట్టారు “వైయం తగలియ” – ప్రపంచమునే ఒక దీపంగా ఊహించు కుంటున్నాను అని. ఆ దీపాలతో ఆ ప్రదేశామంతా వెలిగిపోయింది,పేయాళ్వారుకు మొట్టమొదట శ్రీ మహాలక్ష్మితో శ్రీమన్నారాయణుని దివ్యమంగళ స్వరూపం ఆ పందిరి కింద వారి మధ్యలో చూస్తారు. వారు పాడసాగరు “తిరుక్కండెన్…” ( నేను శ్రీమహాలక్ష్మి దేవి తో శ్రీమన్నారాయణని దివ్య/ సౌందర్య స్వర్ణమయ రూపం, వారి దివ్య శంఖు చక్రాలతో దర్శించుకున్నాను). వారు ముగ్గురు ఆళ్వారులు, పెరుమాళ్ మరియు తాయార్ దివ్యస్వరూపాన్ని దర్శించుకొని ఆనందించారు.

పరాశర: ఇది చాలా అద్భుతంగా ఉంది. వారు ఎంత ఆనందించి ఉంటారో.

ఆండాళ్ అవ్వ: అవును – వారు చాలా ఆనంద పడ్డారు. పెరుమాళ్ మరియు తాయారు కూడా చాలా సంతోష పడ్డారు. ఈ అద్భుతమైన సంఘటన తరువాత, వారు ఎన్నో మందిరాలలో అర్చావతార ఎంబెరుమాన్ లను కలిసి దర్శించుకొన్నారు. తరువాత జీవితాన్ని కలసి జీవించారు. తరువాత వారు  చివరకు పరమపదాన్ని అధిష్ఠించి ఎల్లప్పుడూ పెరుమాళ్ సేవలో  ఉండిపోయారు.

వ్యాస మరియు పరాశర: ఈ సంఘటన వినడానికి చాలా అద్భుతంగా ఉంది. ఇప్పుడు మిగిలిన ఆళ్వారుల జీవితం గురించి విందామా?

ఆండాళ్ అవ్వ: దానికోసం మీరు ఇంకొక సమయం కోసం ఎదురు చూడాలి.  ఇప్పుడు మీరు సరదాగా బయట ఆడుకునే సమయం. ఇప్పుడు నేను పెరుమాళ్లకు ఆహారం తయారు చేస్తాను, అది మనం రాత్రికి తినవచ్చు.

వ్యాస మరియు పరాశర: సరే అవ్వ. మేము మరలా రేపు వచ్చి మీతో ఇంకా వింటాం.

అడియేన్ శ్రీదేవి రామానుజ దాసి

మూలము : http://pillai.koyil.org/index.php/2014/11/beginners-guide-mudhalazhwargal-part-2/

పొందుపరిచిన స్థానము http://pillai.koyil.org

ప్రమేయము (గమ్యము) – http://koyil.org
ప్రమాణము (ప్రమాణ గ్రంథములు) – http://granthams.koyil.org
ప్రమాత (ఆచార్యులు) – http://acharyas.koyil.org
శ్రీవైష్ణవ విద్య / పిల్లల కోసం– http://pillai.koyil.org

Leave a Reply

Your email address will not be published. Required fields are marked *